Jeremi 47:5 - Bible azumeina

⁵ Suma Gaza-na a wel wa yazi woi á dodora. Suma Askalon-na a seng wa silil. Agi suma aragi nga kaka yam andaga d’a papanid’ina, ni mindja ba, agi mba aragi tagi bei b’asa ge?

Jeremi 47:5 Kruisverwysings

1 Amuleina 18:28

Azi er ad’uzi akulo ad’enga d’igi azi nga le avok dei na, a ngat tazi ki mbuguyona kasubiyona yam hat mazid’a gak buzuna nga mi djang atazi kä.

Isai 15:2

Suma Dibon-na a djak akulo kur gong nga fileina yam yima ndingâ á tchina, suma Mowap-ma a nga tchi yam Nebo ki Medeba, a wel yazi woyo, a tchau dudumazi woi pet mi.

Jeremi 16:1

Ma didina mi dan ala:

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 25:20

An hum mangoyogei suma a nga kaka avo Ezipte-na, mamulei suma yam ambas sa Us-sa pet kamulei suma yam ambas sa Filistê-d’a pet, mi suma Askalon-na, mi suma Gaza-na, mi suma Ekron-na ki suma a ar kaka Asdot-na pet mi.

Jeremi 41:5

suma dok klavandi a tcholï Sikem ki Silo ki Samari ki dudumazi wela woyo, ki baruna haûd’a woi ataziya, ki tazi b’asa, a yoï he d’a hawa d’a afuta ki dubang ma his djivid’ina á hed’a kur gong nga kud’ora hi Ma didinid’a.

Jeremi 47:1

Wana ni zla d’a Ma didina mi dat mi ma djok vun Alona Jeremi yam suma Filistê-na avok ka Faron bei mi dur ayîna ki suma Gaza-na tua d’a:

Jeremi 47:4

Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.

Jeremi 48:37

Kayam nge nge pî, mi wel yam mbeyo, nge nge pî mi wel dudumam mbeyo, nge nge pî mi b’as tamu, a djin baru d’a ndjondjorod’a furuzi mi.

Ezekiyel 25:16

An nga ni hlabon kan akulo á dur suma Filistê-na, á tchi suma Filistê suma Keret suma a mba ar avun alum ma ngolîna, á dabazi woi mi.

Ezekiyel 7:18

A mba tchuk dodora ataziya, mandarâ mba mi vaziya, a mba hle irazi akulo abo zulona d’i, a mba dap yazi wela woi pet mi.

Sunda hi suma hi Levi-nid’a 19:28

Agi zagi tagi yam matna d’i, ar agi tchalagi tagi d’i, kayam an ni Ma didina.

Sunda hi suma hi Levi-nid’a 21:5

Ar suma ngat buzuna a wel yazi d’oze apei dudumazi d’oze a zi tazi á tak kei ala azi nga kur yor tad’a d’i.

Mise 1:16

Agi suma Jerusalem-ma, agi welegi yagi woyo. Agi arat d’igi ta hi togozeid’id’a na, agi tchigi hor ra grogi suma agi hurugi vazi heîna, kayam a mba yozi magomba izi woi dei ki sed’egiya.

Marik 5:5

Burâ ki burâ, andjege ki faleya, aduk asud’a ki yam ahuniyôna akulo, nga mi er ad’um tchina akulo, nga mi grik tam kahinad’a.

Gat ta a hat á mbàd’id’a 14:1

Moise mi de kua ala: Agi ni Ma didina Alo magina groma, agi ngad’agi tagi kahle suma sïna d’oze welegi yagi woi yam mat ma tchid’a d’i.

Suma ka sariyad’a 1:18

Suma hi Juda-na a hlazì ma Gaza-na kandaga mamba, azì ma Askalon-na kandaga mamba, azì ma Ekron-na kandaga mamba mi.