Jeremi 47:3 - Bible azumeina

³ A hum siwela hasem akulumei mam suma sib’ika, a hum siwela hasem pus mam ma dur ayîna. Abuyod’a nga d’i mbut irat ir grod’a d’i, kayam a mbut amangeîd’a.

Jeremi 47:3 Kruisverwysings

Isai 5:28

Sï yeû mazid’a nga d’i wile, azi pet a tin nga yeû mazid’a ata aguwat á yeta, abo akulumei mazina mad’enga d’igi ahina sasana na, abo pus mazi ma dur ayîna mi parî d’igi mbirlimba na.

Jeremi 46:9

Agi akulumeina, agi igiya! Agi pus ma dur ayîna, agi djangâgi atogo zazak! Ar suma gangrangâ a buzuga! Agi suma Etiyopi-na ki suma Put suma wagi mbareid’a durîna, agi suma Lut suma wagi yet yeûd’ina, agi igiya!

Jeremi 50:42

A nga piget yeû mazid’a kasubiyo mazina. Azi ni suma murud’um suma bei we hohowa suma suma delezi nga d’i ngir kä d’igi alum ma ngolâ vunam mi tchi wü na na. A nga akulo yam akulumei mazina, a ndjar á dur ayîna d’igi sama tuna na á duruk ndak Babilon.

Jeremi 8:16

Ei nga hum siwela hakulumei mamid’a ei abo ma Dan-na. Suma yam andaga ndatina pet a nga zlak abo breîd’a hakulumei mam suma ad’engâ, kayam azi mba wa, a nga b’lak ambasa kahle suma kurutna kazì ma ngolâ ki suma a nga kaka kuruma mi.

Ezekiyel 23:24

Azi nga djï atak durâ kahle suma sïna ki pus ma dur ayîna ki pus ma dingâ teteng mi. Suma ablaud’a mimiyâk a nga min tazi kak á durâ ki mbarei d’a nglod’a ki mbarei d’a gureid’a ki djumba. An mba ni hazi sariyad’a aboziya, azi mba kak sariyad’a kak yam gat mazid’a.

Nahum 2:4

Mboriyona hi grang mazi suma djangûnina a ni hleud’a, grang suma durâ a tchuk baru d’a hleu d’a sisila atazi mi. Ata yima azi nga i á durîna, pus mazi ma dur ayîna nga mi wile wiwilik, a nga piget asubiyo mazina mi.

Nahum 2:8

A ve wa alod’a, a i wa ki sed’ed’u, yugunei matna a nga zam tazi d’igi gugud’a na, a nga tchabozi kuruzi mi.

Vama ndum mbeina 9:9

Kongrong ma nga didigazina, mi ni d’igi kongrong ma kawei ma wurana na, gigingâzi mi siwelî d’igi pus ma ablau ma akulumeina a tanam ma djang á i ata yima dur ayînina na.

Suma ka sariyad’a 5:22

Akulumeina abozi nga mi tchi ka hî bugol mazi suma gangrang suma a nga ring avorozina.