Jeremi 47:1 - Bible azumeina

¹ Wana ni zla d’a Ma didina mi dat mi ma djok vun Alona Jeremi yam suma Filistê-na avok ka Faron bei mi dur ayîna ki suma Gaza-na tua d’a:

Jeremi 47:1 Kruisverwysings

Ad’u Tinda 10:19

Andagad’a hi suma Kanan-nid’a tin ni ad’ud’a ni Sidon go ki Gerar, gak Gaza go ki Sodom ki Gomor ki Atma ki Seboyim, gak Lesa.

1 Amuleina 4:24

Salomon mi te yam andaga d’a abo ma fladegena halum ma Efrat-nid’a, tinï ad’ud’a Tipsa dei gak mba Gaza. Amulei suma kur ambas ndatina pet a ge yazi kä ad’umu. Mi te ki ndrom suma azina pet lafiya.

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Jeremi 25:20

An hum mangoyogei suma a nga kaka avo Ezipte-na, mamulei suma yam ambas sa Us-sa pet kamulei suma yam ambas sa Filistê-d’a pet, mi suma Askalon-na, mi suma Gaza-na, mi suma Ekron-na ki suma a ar kaka Asdot-na pet mi.

Ezekiyel 25:15

Salad’a Ma didina mi dala: Suma Filistê-na a hlatchugula kuruzi krovo ki gol isa, a sä atchugula bei we hohowa sa adjeu dei gak ini, a dap suma woi mi. Ni kayam ndata ba, an Salad’a Ma didina ni dala:

Ezekiyel 25:16

An nga ni hlabon kan akulo á dur suma Filistê-na, á tchi suma Filistê suma Keret suma a mba ar avun alum ma ngolîna, á dabazi woi mi.

Joel 3:4

Agi suma Tir-râ ki suma Sidon-na pet, agi suma nga yam andaga d’a Filistê-d’ina, vama ndologi ki an ni me ge? Agi hal á hlagi atchugulugi ki sed’en ndju? Le agi hal á hlagi atchugulugi ki sed’enu ni, an mba ni hulong hlatchugul ndata ki sed’egi atogo zak!