Jeremi 46:6 - Bible azumeina

⁶ Ma mi ring heîna mi ndak á ring ngi, ma gangrangâ mi ndak á sut tam mbuo mi. Ar asezi mi kazlard’eid’a. A puk kä abo ma norâ avun alum ma Efrat-na.

Jeremi 46:6 Kruisverwysings

2 Amuleina 23:29

Kur atchogoi mamba, Faron Neko amul ma Ezipte-na mi i ki azigar mama avun alum ma Efrat-na á ndjun amul ma Asiri-na. Wani amulâ Josiyas mi min ndi, mi ngavam vunam á durâ. Kid’a Faron mi wumba, mi tchum Megido.

2 Amuleina 24:7

Wani amul ma Ezipte-na nga mi nde woi abu kur andaga mamba d’i, kayam amul ma Babilon-na mi hle leu mamba pet, tinï ad’ud’a avun toliyon nda Ezipte-d’a dei gak mba avun alum ma Efrat-na.

Sawal la giled’a 27:2

Ata yima suma asa’atna a mba ndan ayîna á kizagan hliwin ndeina, ni azi suma noyôna ki suma djangû mana ba, a mba dap asezi a puk kä.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Isai 8:15

Suma ablaud’a a mba dap asezi kua, a mba puk kä, a mba kuza, a mba tchuk kur dauna, mba mi vigiziya.

Jeremi 1:14

Ma didina mi hulong dan ala: Nabo ma norâ ba, ndaka mba d’i tcholï ti wet tei yam suma a nga kaka kur ambasina pet.

Jeremi 20:11

Wani Ma didina, angî ma sib’ika, angî ma dur kana. Kayam ndata, suma a nga djobon vunana a mba puk kä. Azi mba kus kan ndi, azi mba tchuk susub’ok abo kus sa azi kus nga kan nduo d’a, azi mba mbut zulona burâ ki burâ. Ni zulo ma sa mba mi mar kam mbuo na mi.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 4:6

Agi pagi drapo d’a taka akulo avo Siyon, agi ringîgiya, agi tchologi aduk ki, kayam Ma didina nga mi mba ki ndaka abo ma norâ, ki b’lak ka ngola mi.

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Jeremi 46:12

Andjaf suma a hum yam zulo ma’â. Tchi ma’â mi b’rau wa woi yam andagad’a pet, kayam ma dur ayîna mi dap tam ki ndrama, azi djak a puk kä.

Jeremi 46:16

Mi ka suma dingâ azlinga ablaud’a. A nga puk kä yam taziya, a nga dala: Ei tcholei akulo! Ei hulongeî gen sum meina kur ambas sa a vud’i kuad’a woi dei abo mbigeu d’a nga d’i tchid’a!

Jeremi 50:32

Ta subur tata mba d’i ka azlard’eid’a, ti puk kä. Sama mba mi tcholot akulona nga d’i. An mba ni do azì mat ma nglona akud’a, mba d’i ngal yima nguyutna woi pet mi.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Daniel 11:19

Ata yi máma mba mi hulong kur azì ma ad’eng ma ngungu ma kur ambas mambina. Wani mba mi fad’enga á i avok ki, mba mi mit bei a wum balum asem ba.

Daniel 11:22

Azigar suma a mba kus kama nga d’i, mba mi hazlazi woi pet, mba mi tchi ma ngolâ hi suma Alona mi djin vunam ki sed’ezina woyo.