Jeremi 46:5 - Bible azumeina

⁵ Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Jeremi 46:5 Kruisverwysings

Ad’u Tinda 19:17

Kid’a azi buzuk kei kela, malaikana tu mi de mi Lot ala: Ang ring sut tangû, ang gol irang blogong ngi, ang tchol aduk hur fula d’uo mi. Ang ring yam ahinad’a, kayam ang ba woi d’i.

Isai 13:8

A mba le mandarâ, ndaka ki pupuluka hi hliu tad’id’a mba d’i laziya, a mba tcha tata d’igi atcha d’a nga d’i tcha tata á vutid’a na, a mba gol ir tazi ki mandarâ, irazi mba d’i tchor hleud’a d’igi akud’a na.

Isai 19:16

Kur bur máma Ezipte-na a mba mbut ni d’igi aropma na, a mba zlaga, a mba le mandarâ ata yima a mba gol Ma didin ma ad’engêm kal petna mi hlabom kam akulo á ngobozina.

Isai 42:17

Suma a tin huruzi yam fileina ki suma a nga de mi kawei ma yora ala: Agi nalo mamina na, a mba didak bugolo, a mba mang ngei abo zulona mi.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Jeremi 46:15

Ni kayam me ba, magi suma gangrang suma durâ, a yozi ge? Azi nga tchol ngingring ngi, kayam Ma didina nga mi zud’uzi kä.

Jeremi 46:21

Azigar suma le sun nda beged’a mi Ezipte-na a nga kurut d’igi gor amuhl ma d’orâ na, wani a hulong kazigaziya, a ring ki zla tazi pet, a tchol nga ad’enga ngingring ngi. Kayam bur mazi ma b’laka mi mba wa kaziya, ni yima an Alona ni ngobozi kuana.

Jeremi 49:29

Ar a yozi zlub’u mazid’a ki d’uwar mazina, ar a yozi azuwei mazina kahle mazina ki djambal mazid’a, ar a tchi wulula ad’uzi akulo ala: Ar mandarâ mi vazi ata yina pet!

Jeremi 49:5

Salad’a Ma didin ma ad’engêm kal petna mi dala: An mba ni mba ki mandarâ kagu, mba mi nguyuk ata yina pet. agi mba ndjoyôgi woi vivreng, nge nge pî mba mi i yi mama, a mba fe sama mba mi tok suma a nga ringâ d’i.

Jeremi 6:25

Ar agi buzugugi abagei kel li, agi tid’igi hur lovota d’i, kayam ma djangûna mi nga kua ki mbigeu mam mba fiyaka abomu. Mandarâ mi nguyi kä ata yina pet.

Ezekiyel 32:10

An mba ni tinizi á zlak kangû. Fata an hle mbigeu man nda fiyaka akulo avorozid’a, amulei mazina mandarâ mba mi lazi kangû. Fata an ni gang kä d’a, nge nge pî adigazi mba mi zlak abo mandarâ yam ari mamba ata yima lara ge pet.

Ezekiyel 39:18

Agi mba mud’ugi hliwa azigar suma gangrangâ, agi mba tchagi buzuwa suma nglo suma yam andagad’ina. Azi ni d’igi gamlâna ki gro tumiyôna ki mbekmberena kamuzlei suma d’or suma yam andaga d’a Basan-nda suma a ngad’azi buzunina na.

Nahum 2:8

A ve wa alod’a, a i wa ki sed’ed’u, yugunei matna a nga zam tazi d’igi gugud’a na, a nga tchabozi kuruzi mi.

Nahum 2:9

Ninif adjeu ni d’igi apo d’a ve mbina heî d’a nga d’i wet teid’a na, a nga dala: Agi tchologiya! Agi tchologiya! Wani sama mi mbut iram blogoma nga d’i.

Sofoni 1:14

Bur ma ayîna hi Ma didinina mi ar wa go, nga mi djï atogo zak. Agi mba humugi siwel la kur bur mámid’a, grang ma durâ pî mba mi tchi tchi ma hat hurâ mi.