Jeremi 46:4 - Bible azumeina

⁴ Agi zlubugi akulumeina! Agi suma djang akulumeina, ngagi kaziya! Azigarâ, agi kulubugi djum magid’a kagiya! Agi gurugi sï asubiyo magina, agi tchugugi kongrongâ atagi mi!

Jeremi 46:4 Kruisverwysings

2 Sunda Hamuleinid’a 26:14

Oziyas mi b’rawazi ahle suma dur ayîna pet, nala, mboriyona, asubiyona, djum mba kaweina, kongrongâ, yeûd’a ki mbiud’a mi.

Nehemi 4:16

Tin ad’ud’a kur bur máma dei wani, azungeî man suma hiuna a nga le sun mazid’a, suma hiuna a tchuk kongrongâ ataziya, a yo asubiyona ki yeûd’a ki mboriyona aboziya. Suma te yamba a nga ad’u suma Juda-na pet.

Isai 8:9

Agi andjaf suma, agi eregi ad’ugi akulo, wani agi mba mbud’ugi mandarâ. Agi suma sä yam andagad’a dedeid’ina, agi tinigi humagiya, agi humugiya, agi minigi tagi á dur ayîna, wani agi mba mbud’ugi mandarâ.

Jeremi 46:14

Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!

Jeremi 51:11

Agi gurugi sï yeû magid’a, agi yogizi kur aziyad’u. Ma didina mi djiu wa hur amulei suma Mede-na akulo, kayam mi nga hurum á b’lak Babilon ndei da’, kayam natchugul la sad’a hi Ma didina d’a mi sat yam gong mam mba kud’orid’a.

Jeremi 51:3

Ar agi ndirigi yeûd’a ata sama nga mi ndir yeûd’a á yetina, ar agi yed’egi sama mi tin hurum yam kongrong mamina. Agi aragi azungeî matna d’i, agi tchagi azigar matna woi kakaf.

Ezekiyel 21:28

Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.

Joel 3:9

Ar agi tchagi wala akulo mandjaf suma dingâ ala: Agi minigi tagi á dur ayîna, agi zlid’igi grang suma durâ akulo, ar azigar suma durâ pet a hud’ïya, a i dur ayîna.

1 Samuel 17:38

Saul mi tchuk baru mam mba dur ayîna ata David, mi kulubum djum mba kawei ma hleuna kamu, mi tchugum kongrong mama atam mi.

1 Samuel 17:5

Mi klup djum mba kawei ma hleuna kamu, mi nik kongrong ma kawei ma hleu ma hle tam d’igi azlung huruma na na atamu. Kongrong ma atama anegemî ir bege kawei ma hleuna kilona dok karagaya.