Jeremi 46:22 - Bible azumeina

²² Sor mazid’a ni d’igi sora hi guguinid’a na, kayam ma djangûna nga mi mba ki azigarâ ablaud’a, a nga i atazi durâ kandjetna d’igi suma a i ka agunina na.

Jeremi 46:22 Kruisverwysings

Sawal la giled’a 74:5

A wazi ni d’igi suma a hlandjetna akulo á ka agu d’a ndindikina na.

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Isai 14:8

Agu siprena kagu sedre ma Liban-na pî, a nga le furîd’a yam zla manga ala: Dedei d’a a zud’ung kä d’a, sama djak atami á kad’ina nga d’i.

Isai 29:4

A mba hulongông yang kä, zla mang nga ded’a mba d’i tcholï ni kä andaga. Sa mba mi humung zla mang nga ded’a tetet tuo abo gugud’upa. Deleng mba d’i ndei kä andaga d’igi sama azulâ na, ang mba kud’uzï zla mang nga ded’a ni kä aduk andaga d’a gugud’upa.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.

Jeremi 46:21

Azigar suma le sun nda beged’a mi Ezipte-na a nga kurut d’igi gor amuhl ma d’orâ na, wani a hulong kazigaziya, a ring ki zla tazi pet, a tchol nga ad’enga ngingring ngi. Kayam bur mazi ma b’laka mi mba wa kaziya, ni yima an Alona ni ngobozi kuana.

Jeremi 46:23

Ma didina mi de kua ala: Agu mat ta kal ndindik ka sa ndak á kal adigat tuo d’a pî, a mba kat kä woyo, kayam suma djangûna ablaud’a kal djera, sa ndak á ndumuzi d’i.

Mise 1:8

Kayam ndata, an Mise mba ni tchiya, an mba ni ge horâ, an mba ni tit asen hawa bei atuguruna, an mba ni er ad’un akulo d’igi hâna na, an mba ni oî d’igi arigeta na mi.

Mise 7:16

Andjaf suma ki sib’ik mazid’a hina pet pî, a mba we, a mba mbut zulona, a mba tin abozi avunaziya, humazi mba d’i ngel lei mi.

Zakari 11:2

Ang agu siprena, ang tchi wulula, kayam agu sedrena mi galal lei da’, agu ma djifâ mi b’lak kei da’, ang agu sen ma Basan-na, ang tchi wulula, kayam agu d’a ndindika ti dap pei da’.

Josue 9:21

Ei arazi bei tchid’a, ar azi kei aguna, a guli mbina mablaud’a hi suma d’igi suma avorozina a de na.