Jeremi 46:21 - Bible azumeina

²¹ Azigar suma le sun nda beged’a mi Ezipte-na a nga kurut d’igi gor amuhl ma d’orâ na, wani a hulong kazigaziya, a ring ki zla tazi pet, a tchol nga ad’enga ngingring ngi. Kayam bur mazi ma b’laka mi mba wa kaziya, ni yima an Alona ni ngobozi kuana.

Jeremi 46:21 Kruisverwysings

2 Samuel 10:6

Suma Amon-na a we d’ala azi mbut tchod’a avok David’u d’a, a yo azigar suma asemba aduk suma Siri suma avo Bet-Rehop-ma ki suma Siri suma avo Soba-na 20.000, a yo suma avo hamul ma Mäka-na 1000, a yo suma avo Top-ma 12.000, a wurak beged’a kaziya.

2 Amuleina 7:6

Kayam Salad’a mi mal hum suma kur kang ma Siri-na á hum asem azigar suma ad’engâ tchina kakulumeina ki pus mazi ma dur ayîna mi. Suma Siri-na a nga de tazi ala: Amul ma Israel-lâ mi wura’î suma Het-na ki suma Ezipte-na. Kayam ndata, azi sunï azigar mazina á duri wana.

Sawal la giled’a 37:13

Wani Salad’a nga mi san ad’umu, kayam mam we bur mam ma dabid’a nga mi mba.

Zla d’a d’ogolâ 15:17

Hotei ang te hum ahlena ata yima od’a nga kuana, kal la ang mut hliwa amuhl ma d’orâ ata yima noî tad’a nga kuana.

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 34:7

Avünda kamuzleina kamuzlei digilina a mba puk kä ki sed’eziya, andagad’a ti mba d’i ka guruta abo buzuna, andaga d’a gugud’upa ti mba d’i ras ki mbulâ mi.

Jeremi 18:17

An mba ni ndjoyôzi woi avok mazi suma djangûna d’igi simet ma abo ma yorogona mi ndjoî ahlena woi na, an mba ni hazi huyogonu, an mba ni mbut iran irazi kur bur ma b’laka mba d’i mba kazina d’i.

Jeremi 46:22

Sor mazid’a ni d’igi sora hi guguinid’a na, kayam ma djangûna nga mi mba ki azigarâ ablaud’a, a nga i atazi durâ kandjetna d’igi suma a i ka agunina na.

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Jeremi 46:9

Agi akulumeina, agi igiya! Agi pus ma dur ayîna, agi djangâgi atogo zazak! Ar suma gangrangâ a buzuga! Agi suma Etiyopi-na ki suma Put suma wagi mbareid’a durîna, agi suma Lut suma wagi yet yeûd’ina, agi igiya!

Jeremi 48:44

Ma didina mi de kua ala: Sama mi ring abo mandarîna mba mi nde kur zula. Ma djagï akulo woi kur zulina, abeid’a mba d’i vum mi, kayam an nga ni mba ki biza d’a ndaka yam azì ma Mowap-ma.

Jeremi 49:8

Agi suma nga kaka Dedan-na, agi mbud’ugi iragi agi ringîgiya, agi i ngeyegi kur zul ahinad’a, kayam an nga ni mba ki b’laka yam agi andjafâ hi Esau-na, kayam yima a ngam á lagi ndaka kuana, mi mba wa.

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Ezekiyel 30:22

Ni kayam ndata ba, an Salad’a Ma didina ni dala: Gola! An nga ni dur ki Faron amul ma Ezipte-na, an mba ni kuzum bigam mba ki irat ndjaleîd’a ki d’a kus seid’a djak, an mba ni gum mbigeu d’a fiyaka kä woi abomu!

Ezekiyel 35:5

Kayam ndak nga d’i i ki d’ugur maka avogovogo, kayam ndak tchi Israel-lâ ki mbigeu d’a fiyaka kur bur ma azi nga kur ndaka ata yima tcho mazid’a ti oî tchetchepma,

Wana ni mbaktumba hi Oze-d’a 9:7

Bur ma Ma didina mba mi mba á ngobogina nga mi djïya. Gagazi, bur ma hlatchugula nga mi djïya. Agi Israel-lâ, agi mba wagiziya. Agi nga dagi ala: Ma djok vun Alona mi ni lilid’a, sama Muzu’â nga mi zud’uma ni sama yam nga d’uo na. Tcho magi d’a bei dap ndumba ki murud’um magid’a a kal ngola heî.

Amos 6:4

Agi nga burugi kä yam azang ma a d’udjom ki sï ahlo’îna, agi mad’agi tagi kä woi yam tapi magina, agi nga mud’ugi gro tumiyô suma kur kangânina ki gro amuzlei suma d’orâ mi.

Abdiyas 1:13

Nga djivid’a agi kalagi avo hi sum mana kur bur ma b’laka mba kazina d’i, nga djivid’a agi sogi iragi kazi kur bur ma azi nga kur ndakina d’i, nga djivid’a agi tinigi abogi ata ndjondjoî mazid’a kur bur ma azi nga kur ndakina d’uo mi.

Mise 7:4

Sama djivi ma adigazina mi ni d’igi kekerezeuna na, sama irat ma adigazi ma kalâ mi tchod’a kal azlupa haweid’id’a. Bur ma a ngobogi kua ma magi suma ndjol suma djok vuna a de zlad’a kama, mi mba wa da’, ki tchetchemba, a nga kur tcha d’a tatad’a.

Matiye 22:4

Mi sun azungeî suma dingâ kua, mi dazi ala: Agi i dagi mi suma an yazina ala: An min wa te mana da’, an ngat wa amuzleina kahok man suma d’orâ; ahlena pet a min wa. Agi mbeyegï ata yima tela.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.