Jeremi 46:12 - Bible azumeina

¹² Andjaf suma a hum yam zulo ma’â. Tchi ma’â mi b’rau wa woi yam andagad’a pet, kayam ma dur ayîna mi dap tam ki ndrama, azi djak a puk kä.

Jeremi 46:12 Kruisverwysings

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 19:2

Ma didin ma ad’engêm kal petna mi dala: An nga ni zut Ezipte-na á kak djangûna ata taziya. Nge nge pî mba mi dur ki wiyema, nge nge pî mba mi kak djangûna ki banama, azì ma ngolâ mba mi kak djangûna ki ndram azì ma ngolâ, leud’a mba d’i kak djangûna ki ndrat leud’a mi.

Isai 24:11

A nga tchi ir palumba, kayam süm guguzlud’a nga d’uo d’a, furî mazid’a nga d’uo d’a, sama le furîd’a yam ambasina nga d’i, furîd’a ti dap pei kur ambasa da’.

Jeremi 14:2

Suma Juda-na a nga kur yor tad’a, azì mazi ma nglona mi b’lak keyo, a tchuk susub’ok, a nga bululul kä andaga. Tchina hi suma Jerusalem-ma mi tchol nga mi i akulo.

Jeremi 2:36

Ni kayam me ba, agi mbud’ugi djib’er magid’a atogo hina zak á mbud’ugi lovot magid’a ge? Zulona mba mi vagï avo Ezipte, d’igi mi vagï avo Asiri na mi.

Jeremi 46:6

Ma mi ring heîna mi ndak á ring ngi, ma gangrangâ mi ndak á sut tam mbuo mi. Ar asezi mi kazlard’eid’a. A puk kä abo ma norâ avun alum ma Efrat-na.

Jeremi 47:2

Ma didina mi dala: Gola! Mbina mi tcholï abo ma norâ, mi mbut alum ma djang ma mi kus seina. Mi kus sei yam ambasa kahle suma kurutna, yam azì ma nglona ki suma a nga kaka kuruma. Suma a nga tchiya, suma a nga kaka kur ambasina pet a nga tchi horâ.

Jeremi 48:34

Tchina hi suma Hesbon-na mi nde gak mi i Elale. Delezi d’i nde gak ti i Jahas, tinï ad’ud’a Sowar dei gak mba Horonayim, gak mba Eglat-Selisiya, kayam mbiyo ma Nimrim-ma mba mi so woyo.

Jeremi 49:21

Andagad’a mba d’i giget abo siwel la yam puk mazid’id’a, tchi mazina mba mi i gak nde sä woi avun alum ma ngol ma Tchereuna.

Jeremi 50:46

Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Jeremi 51:54

Ma djok vuna mi dala: A mba hum del la tchina avo Babilon, ni siwel la yam b’lak ka ngol la ti tcholï yam ambas matid’a.

Nahum 2:5

Pus mazi ma dur ayîna nga mi djang ir palumba, nga mi djang atogo zazak ata yina teteng, ang golomî d’igi aku d’a boloma na, mi djang atogo ni d’igi wiled’a halonid’a na mi.

Sofoni 1:10

An Ma didina nga ni dagiya: Kur bur máma a mba humï tchina avun agrek ma Kulufâ, a mba humï wulula ir palumba habo azì ma awilina hazì ma ngolîna. Ni b’lak ka ngol la yam yima ndingîd’a.

1 Samuel 5:12

Suma a bo nga d’uo na, tugud’ei d’a a yat ala emorota ti vaziya; tchi mazi ma hohoud’a mi i gak akulo hur alona.