Jeremi 46:11 - Bible azumeina

¹¹ Ndak gor wei d’a Ezipte-d’a, ndak i Galät á halï kumana á tchil tagu. Ndak nga d’i hal kumana andjavam teteng pî, ni hawa na! Kuma ma tchilik nga d’i!

Jeremi 46:11 Kruisverwysings

Ad’u Tinda 37:25

Ata yima azi kak kä á te tenina, azi hle irazi akulo, a we suma Ismael-lâ a tcholï Galät ki djambal mazid’a, azi yoi mbul ma his ma afufuîna ki dubang agu bauma kagu mirâ á izi Ezipte.

Ad’u Tinda 43:11

Abuzi Israel mi dazi ala: Le ni hina ni, agi lagi ni hina: Agi yogi vud’ahle suma djivi suma yam andaga meid’ina abogi kur bud’omei magina, mbul ma his ma afufuîna nde, ayuma nde, dubang agu bauma kagu mirâ nde, vud’agu pistasâ ki vud’agu amandena mi, agi hagizi mi sa máma he d’a hawad’a.

Isai 47:1

Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.

Jeremi 14:17

Ang dazi zla ndata ala: Iran nga d’i yak simina falei kandjege bei ara ba, kayam a ka sum mana mbilâ. Ni b’lak ka ngola, mbil mazina ni mbil ma ngol ma kalâ.

Jeremi 31:21

Ma didina mi dala: Ndak gor wei d’a Israel-la, ndak pe vama tak lovota, ndak pagu ma tak lovota, Ndak djib’er yam lovot maka, yam lovot ta lara d’a ndak tit kua adjeud’a. Ndak hulongîya, ndak hulongî kur azì mak ma nglona.

Jeremi 31:4

Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Jeremi 51:8

Atogo hina zak Babilon ti puk kä, ti b’lak keyo. Agi tchigi kad’u, agi yogi kumana á tinda ata mbil matna. Dam mba d’i tchil kla?

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Ezekiyel 27:17

Suma Juda-na ki Israel-lâ a nga mbut abozi ki sed’eng mi. A nga mbang kawu ma Minit-na ki dubangâ kayuma ki mbulâ ki mbul ma his ma afufuîna á mbud’uzi kahligiyengû.

Mise 1:9

Ka d’a a ka azì ma ngol ma Samari-na mbilîd’a, mbil mama mi mbut ni mbil ma bei tchila gak mi i yam ambas sa Juda-d’a, gak mi i avun agrek ma Jerusalem-ma ata yima sum mana a nga kaka kuana.

Nahum 3:19

Kuma ma yam mbil mangîna mi nga d’i, mbil mangâ ni mbil ma tchang matnina, suma pet suma a mba hum zla mangîna a mba tchabozi ad’ung ririp. Ni nge ma bei ang lum murud’umina ge?

Matiye 5:26

Gagazi, an nga ni dangû, ang mba nde woi ata yi máma d’i, gak ang mba wurak bal mangâ pet tua.