Jeremi 44:7 - Bible azumeina

⁷ Jeremi mi de kua ala: Ki tchetchemba, Ma didina Alo ma ad’engêm kal petna, Alona hi Israel-lîna, mi dala: Ni kayam me ba, agi lagi tagi tchod’a ngola á dabagi andjofâ, aropma, kemba ki gugurei suma tchapona woi kur Juda tala sa adigagi tu pî mi ar ruo d’a ge?

Jeremi 44:7 Kruisverwysings

Zla d’a d’ogolâ 1:18

Wani azi nga gun dauna kä ni kazi azi tazid’a, vun ma azi ndjagama mba mi hulong kazi mi.

Zla d’a d’ogolâ 15:32

Sama mi noî hatina mi golî tam is, wani sama mi min ngopina mba mi mbut sama wad’ud’a.

Zla d’a d’ogolâ 5:22

Sama asa’atna nga mi ve ki tcho mam mba mi lata, ziyo matna nga mi vum mi.

Zla d’a d’ogolâ 8:36

Wani sama mi lan tchod’ina, mi le ni tam tchod’a; suma pet suma a noyôna, a min ni matna.

Jeremi 25:6

Ma didina mi dala: Le agi zlabagi nga kalo ma dingâ á lum sunda á kud’urom mbuo, le agi zalan nga hurun ki filei ma agi tched’em kabogina d’uo mi ni, an mba ni lagi vama tcho hina nde d’i.

Jeremi 25:7

Wani agi humun nga d’i, agi zalan hurun ki filei ma agi minim kabogina á mbagi ki ndaka kagiya.

Jeremi 26:19

Na ni Ezekiyas amul ma Juda-na ki suma Juda-na pet a tchum zu? Ezekiyas mi le nga mandara Ma didina d’uo zu? Mi tchen nga Ma didina ba, Ma didina mi ar nga tcho d’a mi ngat kurum á lazizid’a woi mi d’uo zu? Ei lei hî ni tei tcho d’a ngola d’uo zu?

Jeremi 3:24

Kid’a ami ki gugurei tami deid’a, Bäl ma zulona mi dap ahlena habuyomi ngolona ted’a, nala, d’uwar mazi ma gureina ki d’uwar mazi ma nglona, grozi suma andjofâ ki grozi suma aropma mi.

Jeremi 38:17

Ata yi máma Jeremi mi de mi Sedekiyas ala: Ma didina Alo ma ad’engêm kal petna, Alona hi Israel-lîna, mi dala: Le ang nde woi d’ugol suma nglo suma hamul ma Babilon-na ni, ang mba sut tangû, a mba ngal azì ma ngol ma wana woi kakud’a d’i, ang ki sum mangâ, va mba mi lagi d’uo mi.

Jeremi 42:20

Ni agi ba, lobogi tagiya, kayam agi sunun gen Ma didina Alo magina ala: Ang tchen Ma didina Alo mamina yam djivi mamid’a. Ahlena pet suma Ma didina Alo mamina mba mi dangzina, ang vamizi ad’uzi woyo. Ami mba lami sunda kaziya.

Jeremi 44:14

Aduk suma Juda suma a ar suma a mba Ezipte á kak ka hî suma a nga huruzi á hulong yam ambas sa Juda-d’a á kak sä kuana, sa mba hulong ngi, ni suma tutu suma a mba sutna hol.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 51:22

Ni ki ndak ba, an kus ki mandjufâ katchad’a, ni ki ndak ba, an kus ki mamarâ ki gogorâ, ni ki ndak ba, an kus kazongâ ki weid’a woi mi.

Jeremi 7:19

Na ni a lanï an tchod’a zu? A le ni azi tazi tchod’a, a mbut ni tazi zulona mi d’uo zu?

Jeremi 9:21

Kayam matna mi djak wa ir fenetre meid’a, mi kal wa kur azì mei ma nglona, nga mi tchi kemba ir palumba, nga mi tchi azungeîna avun graka kä glovod’o.

Hor ma tchina 2:11

Iran ndi zal abo simina, aruwad’an nga mi mbuzuk kurun dudu, mayâwan nga mi vo kä woi yam andagad’a yam b’laka hi sum manid’a, yam gugureina ki kem mba tchapona suma a nga seî kä ir palumba hazinid’ina.

Hor ma tchina 2:22

Ang yï ahle suma a mbud’un mandarîna kan ata yina pet d’igi suma a yi tazi kur bur ma vun tilâ na. Ma didina, kur bur ma ayî mangâ sama sut nga d’oze sama prut tei nga d’i. Gugurei suma an wuluzi ni le kazi heîna, man ma djangûna mi dabazi woyo.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 9:6

Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Habakuk 2:10

Vama ang ngam kurung á led’ina, ni vama zulona yam aziyangû. Kid’a ang tchi suma ablaud’id’a, ang tchi ni ang tanga.

Ndumba 16:38

Ahle suma yo aku suma kaweina hi suma a le tchod’a a bo ki na, a bed’ezi woyo. Agi b’alazi ata yima ngal ahle suma ngat buzuna. Kayam azi mba ki sed’ezi avogon an Ma didina, a mbut nahle suma a tinizi irazi vazina, a mba mbut nahle suma taka mi Israel-lâ mi.

Gat ta a hat á mbàd’id’a 32:25

A mba tchazi ki mbigeu d’a fiyaka ir palumba; a mba bo avo hur azina abo mandarâ. Matna mba mi tchi suma pet, azungeîna, yuguneina, momorogeina, ki kem mba tchapona mi.

Josue 6:21

A tchi ahle suma hur azinina woi pepet, nala, andjofâ, aropma, kemba, momorogeina, amuzleina, aho’â ki korona mi.

Suma ka sariyad’a 21:11

Vama agi mba luma ba wana: Agi tchagi andjofâ karop suma a zlap kandjofîna mi woi pet bei ar sa tu ba.

1 Samuel 15:3

Ki tchetchemba, ang i atazi durâ, ang b’lagazi woi kahle mazina pet bei we hohou sa ba; andjofâ karopma ki gugurei suma abo asuyozina, amuzleina ki tumiyôna, djambala ki korona, ang tchazi woi pepet.

1 Samuel 22:19

Saul mi tchi suma avo Nop-ma woi ki mbigeu d’a fiyaka, andjofâ karopma, gugureina ki suma kokoyôna, amuzleina, korona ki tumiyôna mi, ni kur azì ma ngol ma suma ngat buzuna hi Ma didinina a nga kuana.