Jeremi 44:6 - Bible azumeina

⁶ Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Jeremi 44:6 Kruisverwysings

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Isai 51:20

Gro’â a nga seîd’a kä ir palum mba lara ge pet, a nga hle tazi hina b’enek kuo d’igi alafâ mi ve ki abeid’a na, abo ayîna hi Ma didinina, abo ngopa hAlo ma’îd’a.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 21:5

Kayam an tanda mba ni durugi ayîna kabon ma zid’a kan akulo zina ki bigan nda ad’enga ki hur ma zala ki hur ma zal ma gugulu’â ki hur ma zal ma kal lei teglesâ mi.

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 36:7

Dam tchen mazi d’a hud’a mba d’i i avok Ma didina, azi nge nge pî mba mi hulongî ar tit mam mba tchod’a woyo, kayam ayîna ki hur ma zala hi Ma didina ma mi zalam yam sum ndazinina mi kal ngola heî.

Jeremi 4:27

Ma didina mi de kua ala: Ambasa ki zla tat pet nga d’i mbut djona, wani an mba ni b’lagat tei ki zla tat pet ti.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Jeremi 42:18

Kayam Ma didin ma ad’engêm kal petna, Alona hi Israel-lîna, mi dala: D’igi an ni wet ayî mana ki hur man ma zal ma gugulu’â woi yam suma a nga kaka avo Jerusalem adjeuna na, le agi igi Ezipte ni, an mba ni wed’em mbei kagi na mi. Agi mba mbud’ugi ni vama ge vuna, vama atchapma, vama a golom isâ ki vama ngula. Agi mba wagi yima kä wana ki iragi d’uo d’a.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Jeremi 7:17

Ang we nga vama azi lum kur azì ma nglo ma Juda-na ki ir palumba avo Jerusalem-ma d’uo zu?

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Jeremi 8:3

Andjaf suma a mba ar aduk andjaf suma asa’at suma an mba ni ndjoyôzi woi ata yima lara ge petna, a mba dala azi bo pî ni hotei kal la azi kak ki irazi d’a. An Ma didin ma ad’engên kal petna ni de na.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Hor ma tchina 1:13

Mi sunï akud’a akulo, nga d’i ngalan aduk asogonu. Mi gun dauna kä avoronu, mi gan kaziganu, mi mbud’un hohoud’a. An nga ni fe ndaka burâ ki burâ.

Hor ma tchina 5:18

Ni kayamba ahina d’a Siyon-nda ti ar djonid’a, ni kayamba arauna nga mi tit kuruta mi.

Ezekiyel 20:33

An Salad’a Ma didin ma bei matna mba ni te kagi kabon ma ad’engâ ki bigan nda zid’a akulo kan zid’a ki hur man ma zal ma gugulu’â.

Ezekiyel 20:34

An mba ni buzugugï woi aduk andjaf suma, an mba ni togogi kur ambas sa agi ndjoyôgi woi kuad’a kabon ma ad’engâ ki bigan nda zid’a akulo kan zid’a ki hur man ma zal ma gugulu’â mi.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Ezekiyel 24:8

An ar buzuna woi pid’ak yam ahinad’a, ata yima mi ndak á sid’am kä d’uo na, tala ayî mana mi tchol akulo á sä atchugula d’a.

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Ezekiyel 6:12

Ma sä deina, tugud’ei d’a tcho d’a tchi matna mba d’i tchumu. Ma gona, a mba tchum avun ayîna. Ma mba mi arâ, a mba nguyum kä kayîna, baktarad’a mba d’i tchumu. An mba ni ndak vun hur man ma zala, gak ni ngoboziya.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Daniel 9:12

Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Sunda hi suma hi Levi-nid’a 26:28

an mba ni tchol ad’enga ki sed’egi ngingring mi, an mba ni ngobogi ngo-ngop yan kid’iziya yam tcho magid’a.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Nahum 1:2

Ma didina nAlo ma yungôra, ni ma hlatchugula, nga mi hlatchugula, ni ma ayîna heîna, nga mi hlatchugula ki mam suma djangûna, nga mi ve mam suma djangûna kurum mi.

Zakari 1:2

Ang he vuna mi Israel-lâ ala: An Ma didin ma ad’engên kal petna hurun mi zal ngola yam abuyogi ngolo. Wani an hlagi vunan ala: Le agi hulongôgi geven an Ma didina ni, an mba ni hulongî gevegi mi.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Zakari 7:14

An ni ndjoyôzi woi aduk andjaf suma ding suma azi wazi nga d’uo na. Ambas mazid’a ti b’lak kei blogoziya. Sama mi nde woi kua mi hulong mi kal kuana nga d’i, ambas sa djivid’a, azi mbud’ut djona.