Jeremi 44:3 - Bible azumeina

³ Ni kayam asa’at mazi d’a azi lat á zalan ki hurun ata yima azi i ngal dubang ma his djivid’ina, á le magomba ma alo ma ding ma azi d’oze agi kabuyogi ngolo a wum nga d’uo na.

Jeremi 44:3 Kruisverwysings

Nehemi 9:33

Angî d’ingêr kur ahlena pet suma a mba kamina, kayam angî ma d’engzengâ, wani ami lami tchod’a.

Isai 3:8

Gagazi, azì ma Jerusalem-ma mi b’lak keyo, leu d’a Juda-d’a ti puka mi. Kayam zla mazi d’a ded’a ki sun mazid’a a kak djangûna ki Ma didina, a nga ngulum avunam mi.

Jeremi 11:17

Ni Ma didin ma ad’engêm kal pet ma pagina ba, nga mi yi ndaka kagi kayam tcho d’a agi Israel-lâ ki suma Juda-na a lagizid’a. Mi dala: A he dubang ma his djivid’ina mi Bäl á zalan hurunu.

Jeremi 16:10

Fata ang mba de zla ndata pet mi sum ndazinid’a, a mba dang ala: Ni kayam me ba, Ma didina mi de zla ndak ka ngol ndata kami hina ge? Tchila mamid’a ni me ge? Ami lami ni tcho me mi Ma didina Alo mamina ge?

Jeremi 22:9

Suma a mba hulongôzi ded’a ala: Ni kayamba a but vun ma djin ma Ma didina Alo mazina mi djinim ki sed’ezina woi d’a, ni kayamba a grif kä avok alo ma dingâ á kud’uromba.

Jeremi 29:19

Ma didina mi dala: An nga ni le hina kayam azi hum nga zla d’a an sunuzizï avun azungeî man suma djok vun suma an nga ni sunuzizi kur bur ma lara ge petnid’a d’i.

Jeremi 32:30

Ma didina mi dala: Israel-lâ ki suma Juda-na a tin ad’ud’a á le tchod’a avoron ni ki gugurei tazi dei, a zalan hurun ki sun nda a lat kabozid’a mi.

Jeremi 44:23

Ahle ndazina a le na kayam agi ngalagi dubang ma his djivid’ina, agi lagi tchod’a avok Ma didina, agi humugi nga dela hi Ma didinid’a d’i, agi tid’igi nga yam gat mamba ki vun mam ma he ma tetengâ d’uo mi. Ni kayam ndata ba, ndak ndata ti mba kagi ini wana.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 5:19

Jeremi, le a djobong ala: Ni kayam me ba, Ma didina Alo meina mi mba ki ndak ndata kei hina pet ke ni, ang dazi ala: Ni kayamba agi noyôm mbei agi i lagi sunda malo ma dingâ kur ambas magid’id’a, agi mba lagi magomba mi suma dingâ kur ambas sa nga ni magid’a d’uo d’a hina mi.

Jeremi 5:29

Ma didina mi dala: An mba ni ngop yam ahle ndazina d’uo zu? An mba ni hlatchugula kandjaf ma hina na d’uo zu?

Jeremi 7:19

Na ni a lanï an tchod’a zu? A le ni azi tazi tchod’a, a mbut ni tazi zulona mi d’uo zu?

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Hor ma tchina 4:13

B’lak ndata ti mba ni yam tchod’a hi mat suma djok vuna, ki tchod’a hi mat suma ngat buzu suma a vo buzuna hi suma d’ingêrâ woina.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Daniel 9:5

Ami lami tchod’a, ami lami sun nda batranga, ami lami asa’ata, ami song vunangû, ami arami vun mang ma hed’a ki gat manga woyo.

Gat ta a hat á mbàd’id’a 13:6

Le wiyeng ma asungâ d’oze gorongâ d’oze goronga d’oze amang nga nga zlapa ki sed’enga d’oze banang ma ang le kam d’igi ang tanga na na, mi lobong gumun ala: Ar ei i kud’orei alo ma ding ma tetengâ, nala, alo ma ang kabuyong ngolo wum nga d’uo

Gat ta a hat á mbàd’id’a 29:25

A mba hulongôzi zla d’a ded’a ala: Ni kayam ba, azi but vun ma djin ma Ma didina Alona habuyozi ngolona mi djinim ki sed’ezi kid’a mi buzuguzï woi avo Ezipte-d’a woid’a.

Gat ta a hat á mbàd’id’a 29:26

Ni kayam ba, azi i á kud’or alona handjaf ma ding ma azi wum nga yazi tu d’uo ma Ma didina mi hazi vuna kam ala azi zlap darigïd’a ki sed’em mbuo d’a.

Gat ta a hat á mbàd’id’a 32:17

Azi nga ngat buzuna mi muzuk ma tcho ma fileina, malo mala nAlo ma gagazina d’uo na, malo ma a wum nga d’uo na, malo ma awili ma abuyozi ngolo a wum nga d’uo na mi.

Hebre-na 3:16

Ni suma lara ba, a hum del Alona, a kak djangûna ki sed’em ge? Ni suma Moise mi buzuguzi woi kur Ezipte na d’uo zu?