Jeremi 44:26 - Bible azumeina

²⁶ Kayam ndata, agi suma Juda suma nga kaka yam ambas sa Ezipte-d’ina, agi humugi zlad’a hi Ma didinid’a. Ma didina mi dala: An nga ni gun tan ki simiyên ma ngolâ, sama Juda-na mba mi yan simiyên ki vunam kur ambas sa Ezipte-d’a ala: An gun tan ki simiyê Salad’a Ma didin ma bei matnina na d’uo d’a.

Jeremi 44:26 Kruisverwysings

Ad’u Tinda 22:16

mi dum ala: Ma didina nga mi dang ala: Kayamba ang le hina ang d’elen nga gorong ma tu gid’engâ d’uo d’a, an gun tan ki an tanda,

Sawal la giled’a 50:16

Wani Alona mi de mi sama asa’atna ala: Ang ma noî ngop manda woina, ang ma tchuk zla manda woi kazigangâ, le ang ndum gat manda woi avok suma, le ang nga ki vun man ma djinda navunang go ni, djivi mata ni me ge?

Sawal la giled’a 89:34

Wani an mba ni ar o man nda didin nda kamba woi d’i, yam d’engzeng manda, an mba ni mbud’um iram mbi.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Jeremi 22:5

Wani le agi humugi nga zla ndata d’uo ni, an nga ni gun tan ki an tanda, azì ma amul máma mba mi arî djona. An Ma didina ni de na.

Jeremi 24:8

Zlad’a yam tulum ma tcho ma mi ndak á ted’a d’uo na ba wana: An mba ni le ki Sedekiyas amul ma Juda-na ki mam suma sunda ki suma a ar avo Jerusalem suma a ar kur ambas sa wandina ki suma a nga kaka Ezipte-na ni hina dedege mi.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Jeremi 44:11

Jeremi mi de kua ala: Ni kayam ndata ba, Ma didin ma ad’engêm kal petna, Alona hi Israel-lîna, mi dala: Gola! An nga ni mbut iran atagi á lagi tchod’a á dap suma Juda-na woi pet.

Jeremi 44:14

Aduk suma Juda suma a ar suma a mba Ezipte á kak ka hî suma a nga huruzi á hulong yam ambas sa Juda-d’a á kak sä kuana, sa mba hulong ngi, ni suma tutu suma a mba sutna hol.

Jeremi 44:24

Jeremi mi de kua mablau d’a peta karopma ala: Agi suma Juda-na pet suma nga kaka kur ambas sa Ezipte-d’ina: Agi humugi zlad’a hi Ma didinid’a.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Jeremi 49:13

An Ma didina, ni gun tan ki an tanda ala azì magi ma ngol ma Bosra-na mba mi mbut ni vama hohoud’a, vama ngula, vama b’laka ki vama ge vuna. Azì mam ma nglo ma nguyuma pet mba mi b’la’î b’lak ka didinda.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Jeremi 51:14

Ma didin ma ad’engêm kal petna mi gun tam ki mam tamba ala: Gagazi, an mba ni oî suma kuruk d’igi djera na, a mba siwel siwel la ayîna kagu.

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Ezekiyel 20:39

Agi Israel-lâ, Salad’a Ma didina mi dala: Agi igiya, ar nge nge pî mi i tuwal filei mama! Wani bugola, agi mba humunu, agi mba mbud’un simiyên ma bei tchod’a ndjendjed’a ki he d’a hawa d’a agi nga hat mi filei maginid’a d’uo d’a.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Amos 6:10

Ata yi máma sama suma ma mi kal avo á yozi mad’a suma woi kur azinina, le mi fe sama ar nga krovo kur gongina ni, sa máma mba mi djobom ala: Sama ding nga ki sed’eng zu? Mba mi hulong dum ala: Hawa! Sa nga d’i. Sama dingâ mba mi hulong humba ala: Ba! Nga ni yima a yi simiyê Ma didinina d’i!

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.

Amos 8:7

Ma didina mi gun tam yam subur tad’a hi suma hi Jakob-mid’a ala: An mba ni mar yam sun mazi tu d’i.

Ndumba 14:28

Agi dazi ala: Ma didina mi dala: Gagazi, an ni Ma bei matna, an mba ni lagi d’igi agi guruyôgi human na.

Hebre-na 3:18

Ni suma lara ba, Alona mi gun tam kazi ala a mba kal ata yima tuk tad’a ki sed’em mbuo ge? Ni suma a kak djangûna ki sed’ema d’uo zu?

Hebre-na 6:13

Kid’a Alona mi hle vunam mi Abraham-mba, mi gun tamî ki mam tamba. Mi le hina kayam vama kalam ma mam gun tam ki sed’ema nga d’i.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.