Jeremi 44:17 - Bible azumeina

¹⁷ Wani ami tid’imi ni yam zla d’a lara d’a ndavunamid’a á ngal dubang ma his djivid’ina ki süm guguzlud’a mi Astarte amul la akulod’a, d’igi ami kabuyomi ngolo kamulei mamina ki mami suma nglona, ami lami adjeu kur azì ma nglo ma Juda-na ki ir palum mba Jerusalem-mba na. Ni kayam ndata ba, ami tamiya, ami hobomiya, ami lami furîd’a, ami wami nga ndak ki.

Jeremi 44:17 Kruisverwysings

2 Amuleina 17:16

Azi ar vun ma hed’a hi Ma didina Alo mazinina woi pet, azi yor lora gro amuzleina mbà, azi min agu ma murgulina malo d’a a yat ala Asera-d’a, azi grif kä a kud’or ahle suma akulona pet, azi le sunda malo ma a yum ala Bäl-lâ mi.

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

2 Sunda Hamuleinid’a 28:23

Mi hahle suma ngat buzuna malona hi suma Damas ma nga mi durum ayînina, mi dala: Nalona hamulei suma Siri-na ba, nga mi ndjunuziya, an i ni hum he d’a hawad’a ngat buzuna, kayam mi ndjununu. Hina wani, mi mba ki b’laka kam ki Israel-lâ pet mi.

Nehemi 9:34

Amulei mamina, suma nglo mamina, suma ngat buzu mamina kabuyomi a tin nga humazi yam gat manga d’i, a tin nga humazi djivid’a yam vun ma he mangâ d’uo mi na, yam ngop pa ang ngobozid’a d’uo mi.

Sawal la giled’a 106:6

Ami lami tchod’a d’igi abuyomi ngolo na, ami tchilami yam gata, ami lami sun nda asa’ata.

Sawal la giled’a 12:4

Ma didina, ar ang pat suma a nga de zlad’a ki vunazi ma mbulîna woi zlapa ki suma a nga de zla d’a subur tad’ina,

Buzuk ka Abud’a 16:3

Israel-lâ a dazi ala: Ladjï agi arami Ma didina mi tchami sä avo yam ambas sa Ezipte-d’a ata yima ami nga kaka avun duguyo suma hliuna ata yima ami nga tami avungôna hobomi ki na pî ni, kal luo zu? Gola! Agi mbami woi abagei hur fulâ á tchagi ablau d’a tchotcho d’a wanda woi ki meid’a wana.

Isai 48:5

Ni kayam ndata ba, an dagi wa woi yam ahle suma a mba le ndazina. An dagi woi kazi avok bei azi le tala agi mba dagi ala: Ni filei mana ba, mi laziya, d’oze ni filei ma an tched’ema d’oze ni filei ma an yoroma ba, mi hazi vuna d’a d’uo mi.

Jeremi 1:16

An mba ni kazi sariyad’a kazi yam asa’at mazid’a, kayam a aran ndei a ngal dubang ma his djivid’ina malo ma dingâ, a grif kä avok sun nda azi lat kabozid’a.

Jeremi 11:12

Ata yi máma suma Juda-na ki suma a nga kaka avo Jerusalem-ma a mba hulong gen alo ma ding ma azi nga hum dubang ma his djivid’ina. Wani mam mba mi sud’uzi woi ata yima ndaka mba kazi máma d’i.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Jeremi 19:13

Gongîyo suma Jerusalem-ma ki gongîyona hamulei suma Juda-nina a mba mbut ndjendjed’a d’igi Tofet na. Gongîyo suma suma a he dubang ma his djivid’ina kazi akulo mahle suma akulonina ki gongîyo suma suma a he he d’a hawa d’a süm guguzlud’a malo ma dingâ kuana pet, a mba mbut ndjendjed’a d’igi Tofet na mi.

Jeremi 44:21

Na ni Ma didina humam gum nga d’oze mi djib’er nga yam dubang ma his djivid’a ma agi kabuyogi ngolo kamulei magina ki magi suma nglona ki suma kur ambasina ngalagizi kur azì ma nglo ma Juda-na ki ir palum mba Jerusalem-mbina d’uo zu?

Jeremi 44:25

Ma didin ma ad’engêm kal petna, Alona hi Israel-lîna, mi dala: Agi kamiyôgina, agi lagi sunda kabogi ndagagi vun vama mi ndavunagi ala: Ami min ndagami vun vun ma hle ma ami hlamizina, ami ngalami dubang ma his djivid’ina ki süm guguzlud’a mamul la akulod’a na. Agi tchologi yam vun magi ma hled’a memet, agi ndagagi vun vun magi ma hled’a mi!

Jeremi 44:9

Na ni agi maragi ni tchod’a habuyogi ngolod’a ki tchod’a hamulei suma Juda-nid’a ki tchod’a hamiyôzinid’a ki tcho magid’a tata ki tchod’a hamiyôgina d’a agi lat yam ambas sa Juda-d’a ki ir palum mba Jerusalem-mbid’a woi zu?

Jeremi 7:17

Ang we nga vama azi lum kur azì ma nglo ma Juda-na ki ir palumba avo Jerusalem-ma d’uo zu?

Jeremi 7:18

Kemba a nga yoï aguna, abuyod’a a nga vakud’a, aropma a nga tib’ek afuta á le woîna malo d’a akulod’a, a nga he he d’a hawa d’a süm guguzlud’a malo ma dingâ. A le na á zalan hurunu.

Ezekiyel 20:32

Agi nga djib’eregi ala agi mba mbud’ugi ni d’igi andjaf suma yam andaga d’a dinga suma a nga kud’or aguna kahinad’ina na, wani ahle ndazina a mba le d’i.

Ezekiyel 20:8

Wani azi tchol huneîd’a ki sed’enu, a humun nga vunan ndi. Sa tu pî, mi ar nga ahle suma ndjendje suma mam le d’od’oka kazina woi d’i, a ar nga filei ma Ezipte-na woi d’uo mi. An djib’er ala an mba ni zal hurun kazi gak ni dap vun ayî mana kazi kur ambas sa Ezipte-d’a.

Ezekiyel 23:41

A kak kä yam azang ma djif ma tabulâ nga tinda avoroma, a tin dubang man ma his djivid’ina ki mbul mana kä yam tabul máma.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Habakuk 1:16

Kayam ndata, a nga ngat buzuna mabei mazina, a nga ngal dubang ma his djivid’ina mabei mazina á lum ad’umu. Kayam ni mam ba, nga mi vigizi kuluf ma djivi ma mbulâ; te mazina nga mi zul mi.

Ndumba 30:12

le ndjuvut mi huma, mi dat nga va d’uo, mi d’elet nga d’uo mi ni, vun mat ma hled’a pet kahle suma ndat ti he tat kazi suma ndat gun tat kazina pet, ti le sunda kaziya.

Ndumba 30:2

Moise mi de mi suma avok andjafâ hi Israel-lîna ala: Wana ni vun ma he ma Ma didina mi huma:

Marik 6:26

Amulâ hurum b’lak ngola heî, wani mi fe lovota á d’elet tuo d’a, kayam gun nda mi gun tam avok suma mi yazï ata yima tenina.

Gat ta a hat á mbàd’id’a 23:23

Wani le agi hlagi vunagi yam va ni, agi tid’igi kamu, agi ndagam memet d’igi zla d’a ti ndavunagi kur min magid’a yam vama agi hlagi vunagi kam mi Ma didina Alo maginina na mi.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

1 Pierre 1:18

Kayam agi wagi ala a wurak kagi ni ki vama b’lak kei ma d’igi kawei ma hapma d’oze lora d’oze sun nda hawa yaka d’igi vama djo ma abuyogi ngolo a hagizina na d’i.

Suma ka sariyad’a 11:36

Ti dum ala: Iba, le ang hle vunang mi Ma didina da ni, ang le ki sed’en d’igi ang hle vunang hina. Ki tchetchemba, Ma didina mi hang wa ad’enga, ang hle wa atchugulung ki mang suma djangû suma Amon-na da’.