Jeremi 44:1 - Bible azumeina

¹ Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala:

Jeremi 44:1 Kruisverwysings

Ad’u Tinda 10:14

suma Patrus-sâ, suma Kaslu-na ki suma Kaftor-râ. Suma Filistê-na a buzugï nataziya.

Buzuk ka Abud’a 14:2

Ang de mi Israel-lâ, a hulong a vanguvora avok Pi-Hahirot aduk Mikdol kalum ma ngolâ ngagad’a yam Bäl-Sefon d’ar. Nata yi máma ba, agi vagi anguvora kua go kalum ma ngolâ.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 19:13

Suma nglo suma Sowan-na ni suma lilid’a, suma nglo suma Memfis-sâ yazi b’laga. Ni azi ba, a nga vit Ezipte-na woyo.

Jeremi 2:16

Suma Memfis-sâ ki suma Tapanes-sâ pî a mba welegi ma dumaragiya.

Jeremi 24:8

Zlad’a yam tulum ma tcho ma mi ndak á ted’a d’uo na ba wana: An mba ni le ki Sedekiyas amul ma Juda-na ki mam suma sunda ki suma a ar avo Jerusalem suma a ar kur ambas sa wandina ki suma a nga kaka Ezipte-na ni hina dedege mi.

Jeremi 43:13

Mba mi to ahle suma tchet suma Bet-Semes-sâ woi yam ambas sa Ezipte-d’a, mba mi ngal azì ma filei ma Ezipte-na woi kakud’a mi.

Jeremi 44:15

Suma pet suma a wala amiyôzina a ngal dubang ma his djivid’ina malo ma dingâ na karopma pet suma a nga tchola kur tok ka ngolina ki suma pet suma a nga kaka yam ambas sa Patros-sîna, a hulong de mi Jeremi ala:

Jeremi 46:14

Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!

Jeremi 46:19

Agi suma nga kaka Ezipte-na, agi minigi ahligiyegi á i magomba, kayam Nof mba d’i ar djona. Akud’a mba d’i ngalat teyo, a mba fe sama kak kur ri.

Ezekiyel 29:10

ni kayam ndata ba, an nga ni mba á durung kalum mangâ, an mba ni b’lak ambas sa Ezipte-d’a, ni mbud’ut djona, tinï ad’ud’a Mikdol dei gak mba Asuwan ir haga d’a Etiyopi-d’a.

Ezekiyel 29:14

An mba mi hulongî Ezipte suma a yozi magombina, an mba ni mbazi yam ambas sa Patros sa a vud’uzi kuad’a. Ni kua ba, a mba tin ad’u leu d’a gora.

Ezekiyel 30:13

Salad’a Ma didina mi dala: An mba ni dap fileina woyo, an mba ni yo alo ma ka zla ma kur Nof-fâ woyo, a mba fe sama te yam ambas sa Ezipte-d’ina d’uo d’a, an mba ni mbut suma kur ambas sa Ezipte-d’ina mandarâ.

Ezekiyel 30:14

An mba ni ar azì ma Patros-sâ djona, an mba ni do akud’a ata azì ma Sowan-na, an mba ni ka sariyad’a yam azì ma No-na mi.

Ezekiyel 30:16

An mba ni do azì ma Ezipte-na akud’a. Suma Sin-na a mba zlaga, suma a mba hulut ir gulumun ma No-na teteng, suma djangûna a mba hle Nof fî falei d’ad’ar.

Ezekiyel 30:18

Fata an kus ad’enga hi Ezipte-nid’a woi ni d’el ad’eng nga azi subur tazi kata woid’a, afata mba d’i mbut nduvunda yam Tapanes. D’ugula mba d’i duk yam suma Tapanes-sâ, a mba yo yugunei mazina magomba mi.

Wana ni mbaktumba hi Oze-d’a 9:6

Fata agi mba ringîgi abo b’lak ka mba d’i mba yam ambasid’a, Ezipte-na a mba yogiya, azì ma Memfis-sâ mba mi mbut ni yima a tozogi kuana. Kekerezeuna mba mi se yam kawei magi ma hap ma djivi ma kal teglesâ, aweid’a mba d’i se kur zlub’u magid’a mi.