Jeremi 43:10 - Bible azumeina

¹⁰ Ang de mi Juif-fâ ala: Ma didin ma ad’engêm kal petna, Alona hi Israel-lîna, mi dala: Gola! An mba ni sun ni halï Nebukanezar amul ma Babilon-na azong mana, an mba ni tin zlam mam mba amula yam ahuniyô suma an ngeyezi kä wana, mam mba mi bar tapi mama kazi mi.

Jeremi 43:10 Kruisverwysings

1 Amuleina 20:12

Ata yima Ben-Hadat mi hum zla ndatina, mi nga ni kur tched’a zlapa kamulei suma dingâ kur zlub’ud’a. Ata yi máma na wat mi he vuna mi azigar mam suma nglona ala: Agi minigi tagi á ndagi azina durâ! Azi min tazi á nde durâ mi.

1 Amuleina 20:16

Kid’a afata tchol falei d’ad’ara, a buzuk á dur ayîna. Wani Ben-Hadat kamulei suma dok hindi yam mbà suma a ndjunuma a nga tche süma kur zlub’ud’a, a gurut abo süma mi.

Sawal la giled’a 18:11

Mi nga yam tcherebêna, mi pir akulo; mi dal akulo yam simetna.

Sawal la giled’a 27:5

Kayam mam mba mi ngomon kur gong mamba kur bur ma tchona, mam mba mi ngeyen kur zlub’u mamba, mba mi hlan akulo yam ahinad’a mi.

Sawal la giled’a 31:20

Djivi mang nga ang nga ngomot yam suma a nga lang mandarangîd’a ti ngola heî, ni d’a ang lat ki suma a ngei tazi atangâ avok suma peta.

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Isai 45:1

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala:

Jeremi 1:15

Ma didina mi dan kua ala: Gola! An nga ni yï suma kur leu d’a abom ma norîd’a halang. Azi mba mba. Nge nge pî, mba mi tin zlam mamba avun agrek ma Jerusalem-ma, huyok gulumun matna, a mba nguyum mbei d’uhl, avun azì ma nglo ma kur ambas sa Juda-d’ina pet mi.

Jeremi 43:9

Ang yo ahina d’a nglod’a abongû, ang i ngeyet kä ir Juif-fâ aduk lubu ma ab’lori ma a min ki atrang nga nga avun agre’â hazì ma amula hi Faron-nina avo Tapanes.

Jeremi 46:13

Wana ni zla d’a Ma didina mi dat mi Jeremi kid’a Nebukanezar amul ma Babilon-na mi mba á dur ayîna ki Ezipte-nid’a: Mi dala:

Jeremi 49:38

Ma didina mi de kua ala: An mba ni tin zlam man nda amula navo Elam, an mba ni tchamulâ woi ki mam suma nglona.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

Matiye 22:7

Wani amulâ hurum zal ngola, mi sun azigar mama á tchi suma tchi mat ndazina woyo, a ngalazi aziyazi woi mi.