Jeremi 42:21 - Bible azumeina

²¹ Wani an nga ni vagizi ad’uzi ini, wani agi nga humugi dela hi Ma didina Alo maginid’a d’oze ahlena pet suma mam han vuna kazi á dagizina d’uo mi.

Jeremi 42:21 Kruisverwysings

Sawal la giled’a 81:12

Wani sum mana a humun nga vunan ndi; Israel-lâ a minin nga d’uo mi.

Jeremi 43:1

Ata yima Jeremi mi dap zla d’a de d’a pet ta Ma didina Alo mazina mi dumzid’a ki zla d’a pet ta Ma didina Alo mazina mi hum vuna kat á dazizid’a petna,

Jeremi 43:4

Johanan Kareya goroma ki suma nglona hi azigarîna kablau suma petna a hum nga zla d’a Ma didina mi hazi vuna kat ala a kak kur ambas sa Juda-d’a d’a d’i.

Jeremi 43:7

A i yam ambas sa Ezipte-d’a, kayam a hum nga vun Ma didina d’i, a mba Tapanes.

Ezekiyel 2:7

Le azi hum mboze a min hum mbuo pî, ang dazi zla manda, kayam azi ni suma bei hum vuna ba na.

Ezekiyel 3:17

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Ezekiyel 33:32

Gola! Ang irazi ni d’igi sama we sawala djivid’a mi hlat ki del la djivid’a mi bu ahlena ad’ut memetna na mi, kayam azi hum zla manga, wani a nga le sunda kat ti.

Sunda hi suma a sunuzinid’a 20:20

Agi wagiya, an ar nga bei dagi ahle suma ala ni djivid’a kagiya na d’i. An had’agi avok suma pet, hur azina hur azina mi.

Gat ta a hat á mbàd’id’a 29:19

Le agi humugi wa zlad’a hi vun ma djin máma da ni, ar sa adigagi mi subur tam kurum krovo bugol ala: Le an tit kur min manda, le an ni tche baba ni gurut pî, va mba mi lan ndi d’i.

Gat ta a hat á mbàd’id’a 30:15

Moise mi de kua ala: Gola! An tinigi ini arid’a ki djivid’a irazi vazi avorogi wana, matna ki tchod’a irazi vazi avorogi wan mi.

Gat ta a hat á mbàd’id’a 30:19

An nga ni dagi ini, akulod’a kandagad’a ni glangâs mana, an tinigi arid’a ki matna irazi vazi avorogi wana, b’e vuna ki ge vuna irazi vazi avorogi wan mi. Agi managi arid’a kayambala agi kandjavagi kagagi ki arid’a d’a.