Jeremi 42:2 - Bible azumeina

² a de mi ma djok vun Alona Jeremi ala: Ar ang hum tchen mami d’a hud’a. Ang tchen Ma didina Alo mangâ yam djivid’a hi ami suma aramina pet. Kayam avok ami nablaud’a, wani ki tchetchemba, ami arami nakid’eid’a d’igi ang we ki irang ini na.

Jeremi 42:2 Kruisverwysings

1 Amuleina 13:6

Atogo hina zak amulâ mi de sana hAlonina ala: Ang tchen Ma didina Alo mangâ mi vat hurum mbei kanu, mi mbud’un abon blangâm ma adjeuna. Sana hAlonina mi tchen Ma didina; amulâ abom mi mbut blangâm ma adjeuna mi.

Sawal la giled’a 119:170

Ar ang hum tchen man nda hud’a, ar ang prud’un ndei yam vun mang ma hled’a mi.

Buzuk ka Abud’a 8:28

Wani Faron mi b’al hurum kua kiki, mi ar nga Israel-lâ á id’a d’i.

Buzuk ka Abud’a 9:28

Agi i tchenegi Ma didina tala breîd’a ki mogoina a le d’uo d’a. An mba ni aragi agi igiya, an mba ni d’elegi d’uo d’a.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 37:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Isai 42:20

Ang wahlena ngola, wani ang djib’er nga kazi d’i; ang tin humang á humba, wani ang nga hum mbi.

Jeremi 15:11

Ma didina, le an lang nga sun nda djivid’a ki hur ma tuna d’uo, le an tcheneng nga yam man suma djangûna ata yima azi nga kur ndaka ki kid’eî irana d’uo ni, ar azi ngulunu.

Jeremi 2:27

Agi nga dagi maguna ala: Angî abumiya, agi nga dagi mahinad’a ala: Nda’î d’a vud’umid’a! Agi aragi zla d’a mbud’ugi iragi iranda ta, agi handi nazigagiya. Wani fata ndaka mba wa kagiya wani, agi nde yandi ala: Ang mbeï sud’umiya!

Jeremi 36:7

Dam tchen mazi d’a hud’a mba d’i i avok Ma didina, azi nge nge pî mba mi hulongî ar tit mam mba tchod’a woyo, kayam ayîna ki hur ma zala hi Ma didina ma mi zalam yam sum ndazinina mi kal ngola heî.

Jeremi 37:20

Ki tchetchemba, salana amul mana, an nga ni tchenengû, ar ang hum tchen man nda hud’a, ar ang hulongôn kur gong nga dangeina avo hi Jonatan ma b’ir mbaktumba tala an mit sä kua d’a d’i.

Jeremi 37:3

Amulâ Sedekiyas mi sun Jukal Selemiya goroma ki Sofoni ma ngat buzuna Mäseya goroma gen ma djok vun Alona Jeremi á dum ala: Ang tchen Ma didina Alo meina kamiya.

Jeremi 38:14

Amulâ Sedekiyas mi ge sunda, mi halï ma djok vun Alona Jeremi. Mi mbamî gevem avun agrek ma hindina hi gong nga kud’ora hi Ma didinid’ina. Amulâ mi de mi Jeremi ala: An nga ni djobong va tu. Ang ngeyen va d’i.

Jeremi 40:15

Johanan Kareya goroma mi de mi Gedaliya gumun avo Mispa ala: Ang aran lovota an i ni tchi Ismael Netaniya goroma bei sa mi we ba. Ni kayam me ba, mi tchang ngei hawa d’ar ba, suma Juda-na pet suma a tok gevengâ a ndjoî woi ba, suma Juda suma a arâ a dap pei ge?

Jeremi 42:20

Ni agi ba, lobogi tagiya, kayam agi sunun gen Ma didina Alo magina ala: Ang tchen Ma didina Alo mamina yam djivi mamid’a. Ahlena pet suma Ma didina Alo mamina mba mi dangzina, ang vamizi ad’uzi woyo. Ami mba lami sunda kaziya.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Ezekiyel 12:16

Wani an mba ni ar suma dingâ adigazi tcha. Sum ndazina a mba sut tei avun ayî ma durâ, abo baktarad’a, abo tugud’ei d’a tcho d’a tchi matna mi, kayambala a väd’u sun mazi d’a ndjendje d’a lara ge pet ta azi lata woi aduk suma azi mba i kuana d’a, azi mba wala an ni Ma didina mi.

Wana ni mbaktumba hi Oze-d’a 8:10

Azi he he d’a hawad’a mandjaf suma hina pet pî, an mba ni togozi tchetchem. Ar ndjö, azi mba fe ndaka abo anek ka amul ma ngol ma Asiri-na mba mi tinizizi kazid’a.

Sunda hi suma hi Levi-nid’a 26:22

An mba ni sunï amburei suma ayîna a mba vigigi grogina, a mba vigigi d’uwar magina; agi mba feyêgiya, lovot magid’a mba d’i se asuna.

Amos 7:2

Ata yima djera ti dap asu ma yam ambasina ted’a petna, an dala: Salad’a Ma didina, an nga ni tchenengû, ang vat hurung ngei yam sum mangâ. Le d’uo ni, azi mba arî na na ge? Kayam ad’engêzi d’i nga ngol li.

Matiye 24:22

Wani ladjï Alona mi dadak burâ go d’uo ni, sana mba mi fe suta d’i. Wani ni kayam suma mi manazina ba, mi dadagï ki burâ wana.

Sunda hi suma a sunuzinid’a 8:24

Simon mi hulong dum ala: Agi tchenegi Salad’a kanu, kayam ahle suma agi dazi wana a mba kan ndi.

Gat ta a hat á mbàd’id’a 28:62

Agi zulugi nablaud’a d’igi tchitchiud’a hina wan pî, agi mba aragi nakid’eid’a hina yegre, kayam agi mba gagi yagi kä ad’u Ma didina Alo magina d’i.

Gat ta a hat á mbàd’id’a 28:63

D’igi Ma didina tam lum djivid’a á lagi djivid’a á zulugi hina mi, tam mba lum djivid’a á dabagi woi á b’lagagi woi na mi. A mba yogi woi yam ambas sa agi nga igi á hlat á te kat wanda.

Gat ta a hat á mbàd’id’a 4:27

Ma didina mba mi b’rawagi woi aduk andjaf suma, agi mba mbud’ugi nandjaf ma akid’eina aduk suma Ma didina nga mi igi kua wana.

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

1 Samuel 12:19

a de mi Samuel ala: Ang tchen Ma didina Alo mangâ yam ami azungeî mangâ, kayam ami bomi woi d’i; ami lami tcho d’a ngola yam ndrata kua, kayamba ami halami amulîd’a.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 7:8

a de mi Samuel ala: Ang ar bei tchen Ma didina Alo meina kei d’i, kayam mi sud’i woi abo suma Filistê-na.