Jeremi 42:18 - Bible azumeina

¹⁸ Kayam Ma didin ma ad’engêm kal petna, Alona hi Israel-lîna, mi dala: D’igi an ni wet ayî mana ki hur man ma zal ma gugulu’â woi yam suma a nga kaka avo Jerusalem adjeuna na, le agi igi Ezipte ni, an mba ni wed’em mbei kagi na mi. Agi mba mbud’ugi ni vama ge vuna, vama atchapma, vama a golom isâ ki vama ngula. Agi mba wagi yima kä wana ki iragi d’uo d’a.

Jeremi 42:18 Kruisverwysings

2 Sunda Hamuleinid’a 34:25

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

Isai 30:3

Ngei d’a agi ngeyegi tagi ata Faron-nda mba d’i mbut ni vama zulona kagiya. Kak ka agi kagagi ad’u anguzu Ezipte-d’a, agi mba mangâgi woyo.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Jeremi 18:16

A mbut ambas mazid’a vama suma a le atchap kama, vama las ma gak didina. Suma a nga kal kurâ pet a nga le atchap kad’u, a nga kidjik yazi mi.

Jeremi 22:27

Agi mba had’agi hurugi ngola á hulongôgi yam ambas magid’a, wani agi mba fagi lovota á hulongôgi kat ti.

Jeremi 23:40

an mba ni tinigi ngul la bei dabid’a atagiya, an mba ni mbud’ugi zulona, ni zulo ma bei sa mi mar kam ba na.

Jeremi 24:9

An mba ni mbud’uzi vama ndjendjed’a, vama hohoud’a, vama ngula, vama sanda, vama lasa ki vama ge vuna ir suma kur leu d’a yam andagad’ina pet ata yima lara ge ma an mba ni ndjoyôzi woi kuana.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

Jeremi 29:18

An mba ni digizi kayî ma durâ ki baktarad’a ki tugud’ei d’a tcho d’a tchi matna, an mba ni mbud’uzi vama mandarâ ir suma a nga kur leu d’a yam andagad’ina pet, an mba ni mbud’uzi vama ge vuna, vama atchapma, vama sanda ki vama ngula aduk andjaf suma pet suma an mba ni ndjoyôzi woi kuana.

Jeremi 29:22

Suma Juda suma a yozi a izi magomba Babilon-na a mba ge vuna mi suma ki simiyêzi ala: Ar Ma didina mi lang d’igi Sedekiyas azi ki Ahap suma amul ma Babilon-na mi ngalazi kakud’ina na!

Jeremi 33:5

Fata a i durâ ata suma Babilon-nid’a, a mba oî ki mad’a suma an mba ni tchazi kur ayî man ma bibiliunina, an mba ni ngei tan ndei ir azì ma wana yam asa’at mam mba mi lata.

Jeremi 44:12

An mba ni yo suma Juda suma a ar suma a nga huruzi á i yam ambas sa Ezipte-d’a á kak sä kuana, an mba ni dabazi woyo. A mba puk kä kur ambas sa Ezipte-d’a, a mba tchazi avun ayîna, baktarad’a mba d’i tchaziya, a mba dap peyo, tin ad’ud’a ata gugureina gak mba yam suma nglona. A mba tchazi avun ayîna, baktarad’a mba d’i tchazi mi. A mba mbut ni vama ge vuna, vama atchapma, vama a golom isâ ki vama ngula mi.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Hor ma tchina 2:4

Mi ndir yeû mamba d’igi ma djangûna na, mi zi abom ma ndjufâ woi d’igi ma tchi suma na, mi b’lak ahle suma djivid’a á golina woi pet, mi do ayî mama d’igi akud’a na ata Jerusalem.

Hor ma tchina 2:6

Mi hô kangâ mama woi kad’enga d’igi kangâ ma a gum yam asinenina na, mi b’lak yi mam ma toka woyo. Ma didina mi zut suma kur Siyon-na á mar yam tok ka vun tilâ ki bur ma sabatna. Kur hur mam ma zala, mi hamulâ ki ma ngat buzuna abo suma á lazi ndaka.

Hor ma tchina 4:11

Ma didina mi ndak wa vun ayî mama, mi vo wa ayî mama woi da’, mi do akud’a ata Siyon, ti ngalat kä woi kad’ut ta ged’a pet.

Ezekiyel 20:34

An mba ni buzugugï woi aduk andjaf suma, an mba ni togogi kur ambas sa agi ndjoyôgi woi kuad’a kabon ma ad’engâ ki bigan nda zid’a akulo kan zid’a ki hur man ma zal ma gugulu’â mi.

Ezekiyel 22:22

D’igi kawei ma hapma mi yor rei aduk akud’a na, agi mba yorogi woi kurut na mi, agi mba wagi ala an Ma didina ba ni zal hurun kagiya.

Daniel 9:11

Israel-lâ ki zla tazi pet a tchila yam gat manga, a noî á humung delengû. Ni yam bei hum vun mamina ba, vun ma ge ma a b’irim zlam kur gata hazong mangâ Moise-sa, mi ndja abom mbei kami wana.

Daniel 9:27

Mam mba mi le suma kad’enga ablaud’a á djin vunazi ki sed’em gak bizad’a kid’iziya. Kur biza d’a hindi ki nusid’a, mam mba mi d’elezi á hahle suma ngat buzuna ki he d’a hawad’a. Ma b’lak yina mba mi ndak vun sun mam mba ndjendjed’a atogo zak, gak b’lak ka a ngata ti nde yam ma b’lak yi máma.

Wana ni mbaktumba hi Oze-d’a 7:16

Azi nga hulongîya, wani nga ni gen an Ma sä akulo ma kal teglesâ d’i, Azi ni d’igi yeû d’a bringîzlinga na, amulei mazina a mba puk kä avun ayî ma durâ, kayam zla d’a de d’a tcho d’a ndavunazid’a. Ni kayam ndata ba, a mbut vama sanda yam andaga d’a Ezipte-d’a.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Zakari 8:13

Agi suma kur leu d’a Juda-d’ina ki suma kur leu d’a Israel-lina, adjeu agi mbud’ugi ni d’igi suma a gazi vunina na aduk andjaf suma, wani ki tchetchemba, an nga ni sud’ugiya, agi mba mbud’ugi ni suma a b’e vuna kazina. Agi vagi tagi ad’enga, ar agi lagi mandar ri!

Ndumba 5:27

Ata yima ti tche mbiyo máma da na, le d’i mbut tat ndjendjed’a ti bur ki sama dingâ ni, vama mba katna ba wana: Mbiyo ma aglar ma gun ki sumina mba mi kal kurud’u, mi mba ki ndaka kad’u, mba mi b’alat gendreged’a mi. Ti mba d’i mbut ni vama taka mi sum matna.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.