Jeremi 42:17 - Bible azumeina

¹⁷ Suma pet suma a nga huruzi á i Ezipte á kak sä kuana, a mba tchazi avun ayîna, baktarad’a mba d’i tchaziya, d’oze tugud’ei d’a tcho d’a tchi matna mba d’i tchaziya. Sama adigazi ma mba mi ar roze mi sut tei abo ndak ka an mba ni mbazizi kazid’ina nga d’i.

Jeremi 42:17 Kruisverwysings

Jeremi 24:10

An mba ni sun ayî ma durâ ki baktarad’a ki tugud’ei d’a tcho d’a tchi matna adigazi gak a dabazi woi yam andaga d’a an hat mabuyozi ngolo zlapa ki azid’a mi. An Ma didina ni de na.

Jeremi 38:2

Ma didina mi dala: Sama mba mi ar kaka kur azì ma ngol ma wanina, a mba tchum kayî ma durâ d’oze ki baktarad’a d’oze ki tugud’ei d’a tcho d’a tchi matna, wani sama mba mi nde woi á i aduk suma Babilon-nina mba mi sut tamu; ari mamba mba d’i mbut ni d’igi va mam ma mi hurumumï avun ayînina na, mba mi kak karid’a mi d’a.

Jeremi 42:15

ki tchetchemba, agi suma Juda suma arâ, agi humugi zlad’a hi Ma didinid’a. Ma didin ma ad’engêm kal petna, Alona hi Israel-lîna, mi dala: Le agi ngagi hurugi á i Ezipte, le agi i kagagi sä kua ni,

Jeremi 42:22

Ki tchetchemba, agi wagi woi tetet ala a mba tchagi avun ayî ma durâ, baktarad’a mba d’i tchagiya, tugud’ei d’a tcho d’a tchi matna mba d’i tchagi kur yima agi min á i kagagi kua máma!

Jeremi 44:28

Suma a mba sut avun ayînina a ni hina ngiyeû, a mba tchol kur ambas sa Ezipte-d’a á hulong yam ambas sa Juda-d’a. Wani suma Juda suma a arâ pet suma a mba ka hî Ezipte á kak kuana, a mba we zla d’a mba d’i ndaka ni manda d’oze ni mazid’a zu?

Ezekiyel 11:8

Agi nga lagi mandara ayî ma durâ. Gola! An nga ni sunugizïya! Ni an Salad’a Ma didina ba, ni dagiya!