Jeremi 42:10 - Bible azumeina

¹⁰ Le agi aragi kaka kur ambas sa wanda ni, an mba ni minigi akulo, an mba ni b’lagagi woi d’i, an mba ni pagi ad’ugi kä, an mba ni pad’agi woi d’i. Kayam an mbut hat hurun yam tcho d’a an lagizid’a.

Jeremi 42:10 Kruisverwysings

2 Samuel 24:16

Ata yima malaikana abom nga tinda á b’lak Jerusalem-ma, Ma didina mi mbut hat hurum yam b’lak ndata, mi de mi malaika ma tchi suma máma ala: Ndaga! Ki tchetchemba, ang hlabong ngeyo! Malaikana hi Ma didina máma mi tchol go ki yima to awuna hi Arafna ma Jebus-sâ.

Sawal la giled’a 102:16

Andjaf suma yam andagad’ina pet a mba ring mandara simiyêng ang Ma didina; amulei suma yam andagad’ina pet a mba ring mandarâ abo subur manga mi.

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Sawal la giled’a 69:35

Ar akulod’a kandagad’a a gilemu, ar alum ma ngolâ kahlena pet suma a nga kuruma a gilem mi.

Buzuk ka Abud’a 32:14

Ma didina hurum b’lengâ, mi ar bei lazi tcho d’a mam hurum zal ala mi lat mi sum mama d’a woyo.

Jeremi 24:6

An mba ni tin iran kazi á wazi hohowoziya, an mba ni hulongôzï kur ambas sa kä wanda, an mba ni minizi akulo, an mba ni b’lagazi woi d’i, an mba ni pazi ni kä, an mba ni pad’azi woi d’i.

Jeremi 26:19

Na ni Ezekiyas amul ma Juda-na ki suma Juda-na pet a tchum zu? Ezekiyas mi le nga mandara Ma didina d’uo zu? Mi tchen nga Ma didina ba, Ma didina mi ar nga tcho d’a mi ngat kurum á lazizid’a woi mi d’uo zu? Ei lei hî ni tei tcho d’a ngola d’uo zu?

Jeremi 27:11

Ma didina mi dala: Wani andjaf ma mi ge djuk ma amul ma Babilon-na mi humzi kelem mi lum sundina, an mba ni aram kur andaga mamba, mba mi zumud’u, mba mi kak kurut mi.

Jeremi 31:28

D’igi an tin iran kazi avok á pad’azi woi á tozi woi á b’lagazi woi á dabazi woi á lazi tchod’a na, an mba ni tin iran kazi á minizi akulo, á pazi ka hina dedege mi. An Ma didina ni de na.

Jeremi 33:7

An mba ni hulongî ki suma Juda suma a yozi magombina ki Israel suma a yozi magombina mi, an mba ni kagazi b’langâzina d’igi adjeu deid’a na.

Jeremi 43:4

Johanan Kareya goroma ki suma nglona hi azigarîna kablau suma petna a hum nga zla d’a Ma didina mi hazi vuna kat ala a kak kur ambas sa Juda-d’a d’a d’i.

Ezekiyel 36:36

Andjaf suma ding suma a mba nguyugina a mba wala an ni Ma didina, ni an ba ni min vama a tom kä woina akulo, ni pe vama a b’lagam mbeina mi. An Ma didina ni de zlad’a, an mba ni le sunda kat mi.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Joel 2:13

Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Amos 7:3

Ma didina mi djok djib’er mamba, mi dala: Ahle ndazina a mba mba d’i!

Amos 7:6

Salad’a Ma didina mi djok djib’er mamba, mi dala: Ahle ndazina a mba mba d’uo mi.

Jonas 3:10

Alona mi we sun mazi d’a azi lata, a mbut huruzi yam tcho mazid’a, mi ar ndak ka mam ngat kurum á lazizid’a woyo, mi lat nga d’i.

Jonas 3:4

Jonas mi tit kua bur tu. Ata yi máma mi nde tchi wala ala: Ar burâ dok fid’i Alona mba mi b’lak azì ma ngol ma Ninif-fâ woyo.

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.

Sunda hi suma a sunuzinid’a 15:16

Ma didina mi dala: Bugola, an mba ni hulongîya, an mba ni min azina hi David ma b’lak keina akulo tua, an mba ni tchol ahle suma b’lak keina akulo tua, an mba ni tcholom akulo mi.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Suma ka sariyad’a 2:18

Ata yima Ma didina mi tinizi suma avorozina, Ma didina mi nga zlapa ki ma avorozi máma, nga mi pad’azi woi abo mazi suma djangûna, kid’a ma avorozi máma mi nga ki iramba. Kayam Ma didina mi wazi hohowozi yam zam ta d’a azi nga zamat abo suma a nga lazi ndaka suma a nga djobozi vunazina.