Jeremi 42:1 - Bible azumeina

¹ Suma nglona hi azigarîna pet, nala, Johanan Kareya goroma, Jezaniya Hosaya goroma ki suma pet suma a nga ata yi mámina, tin ad’ud’a ata gugureina gak mba yam suma nglona, a mba,

Jeremi 42:1 Kruisverwysings

2 Amuleina 25:23

Suma nglona ki sum mazina a hum ala: Amul ma Babilon-na mi tin wa Gedaliya á te yam ambasa. Kayam ndata, a i gen Gedaliya avo Mispa. Azi ni Ismael Netaniya goroma ki Johanan Kareya goroma ki Seraya Tanhumet gorom ma Netofa-na ki Jäzaniya ma Mäka-na goroma zlapa ki sum mazina mi.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 48:1

Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Jeremi 37:3

Amulâ Sedekiyas mi sun Jukal Selemiya goroma ki Sofoni ma ngat buzuna Mäseya goroma gen ma djok vun Alona Jeremi á dum ala: Ang tchen Ma didina Alo meina kamiya.

Jeremi 40:13

Johanan Kareya goroma zlapa ki suma nglona hi azigar suma a nga abageina pet a mba gen Gedaliya avo Mispa.

Jeremi 40:8

Kayam ndata, a i gen Gedaliya avo Mispa. Sum ndazina ba wana: Ismael Netaniya goroma, Johanan ki Jonatan Kareya groma, Seraya Tanhumet goroma, Efai ma Netofa-na groma ki Jezaniya ma Mäka-na goroma zlapa ki sum mazina mi.

Jeremi 41:11

Johanan Kareya goroma ki suma nglona hi azigar suma a nga zlapa ki sed’ema, a hum zla sun nda tcho d’a Ismael Netaniya goroma mi lata pet.

Jeremi 41:16

Johanan Kareya goroma ki azigar suma nglo suma a nga zlapa ki sed’ema pet a yo suma a ar avo Mispa suma mam prud’uzi abo Ismael Netaniya goroma ata yima mi tchi Gedaliya Ahikam goromina. Azi ni suma dur ayîna karopma ki gugureina ki adimbangâ suma Johanan mi hulongôzï Gabawon-na.

Jeremi 41:18

Azi nga le mandara suma Babilon-na, kayam Ismael Netaniya goroma mi tchi Gedaliya Ahikam gorom ma amul ma Babilon-na mi tinim á te yam ambasina woyo.

Jeremi 42:20

Ni agi ba, lobogi tagiya, kayam agi sunun gen Ma didina Alo magina ala: Ang tchen Ma didina Alo mamina yam djivi mamid’a. Ahlena pet suma Ma didina Alo mamina mba mi dangzina, ang vamizi ad’uzi woyo. Ami mba lami sunda kaziya.

Jeremi 42:8

Jeremi mi yï Johanan Kareya goroma ki azigar suma nglona pet suma a nga zlapa ki sed’ema ki suma pet tin ad’ud’a ata gugureina gak mba yam suma nglona.

Jeremi 43:2

Azariya Hosaya goroma, Johanan Kareya goroma ki suma yam mba ad’enga pet a de mi Jeremi ala: Zla d’a ang data ni zla d’a kad’a. Ma didina Alo mamina mi sunung nga d’ala ang dami ala: Agi igi Ezipte á kagagi sä kua d’uo d’a d’i.

Jeremi 44:12

An mba ni yo suma Juda suma a ar suma a nga huruzi á i yam ambas sa Ezipte-d’a á kak sä kuana, an mba ni dabazi woyo. A mba puk kä kur ambas sa Ezipte-d’a, a mba tchazi avun ayîna, baktarad’a mba d’i tchaziya, a mba dap peyo, tin ad’ud’a ata gugureina gak mba yam suma nglona. A mba tchazi avun ayîna, baktarad’a mba d’i tchazi mi. A mba mbut ni vama ge vuna, vama atchapma, vama a golom isâ ki vama ngula mi.

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Jeremi 8:10

Ma didina mi dala: Kayam ndata, an mba ni hamiyôzina mi suma dingâ, an mba ni hasinezi mi suma a yozina, kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Ezekiyel 8:11

Suma nglo suma Israel-lâ dok kid’iziya a nga, adigazi Jäzaniya Safan goroma mi nga mi. Azi pet a nga tchola avok filei ma tetengâ, nge nge pî mi nga ki va mam ma ngal dubang ma his djivid’ina abomu, a nga ngal dubang ma his djivid’ina. Andosâ nga mi rip kazi kä ririp mi.

Matiye 15:8

Sum ndazina a nga hun ni ki vunazi hawa, wani huruzi woi dei ki sed’enu.

Sunda hi suma a sunuzinid’a 8:10

Suma pet a humumu, gugureina ki suma nglona mi. A nga dala: Sa máma nad’enga hAlona d’a a yat ala Ta ngola d’a.