Jeremi 41:5 - Bible azumeina

⁵ suma dok klavandi a tcholï Sikem ki Silo ki Samari ki dudumazi wela woyo, ki baruna haûd’a woi ataziya, ki tazi b’asa, a yoï he d’a hawa d’a afuta ki dubang ma his djivid’ina á hed’a kur gong nga kud’ora hi Ma didinid’a.

Jeremi 41:5 Kruisverwysings

Ad’u Tinda 33:18

Jakob mi tcholï Padan-Aram, mi mba go kazì ma Sikem-ma yam andaga d’a Kanan-nda ki lafiya, mi ve zlub’u mamba go kazì ma ngolâ.

Ad’u Tinda 34:2

Sikem, Hamor amul ma Hef ma yam andaga ndatina goroma, mi wad’u, mi vad’u, mi bur ki sed’et mi b’lagad’u.

Ad’u Tinda 37:12

Bur tu Josef b’oziyoma a i kaho’â habuzina yam andaga d’a Sikem-mba á pola.

2 Samuel 10:4

Ata yi máma Hanun mi yo azungeîna hi David-na, mi welezi dudumazi woi abo tutu, mi ngad’azi baru mazina woi avun ad’uzi djudjum. Bugola, mi yagazi akulo.

1 Amuleina 12:1

Robowam mi i Sikem kayam Israel-lâ pet a tok sä kua á tinim amula.

1 Amuleina 12:25

Jerobowam mi min azina avo Sikem yam ahina d’a Efraim-mba á kak kua. Bugola, mi ar Sikem, mi i min azina avo Penuwel.

1 Amuleina 16:24

Bugola, mi i gen Semer, mi gus yima nding ma Samari-na abom ir bege d’a hapa 6000, mi min azina yam yima nding máma, mi yum ki simiyê sala yi máma Semer ala Samari.

1 Amuleina 16:29

Kur biza d’a dok hindi yam klavandi d’a Asa nga mi tamula yam suma Juda-nid’a, Ahap Omri goroma mi kak amula yam Israel-lâ, mi tamula avo Samari bizad’a dok mbà yam mbà.

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

1 Sunda Hamuleinid’a 19:4

Ata yi máma Hanun mi yo azungeîna hi David-na, mi welezi dudumazi woi abo tutu, mi ngad’azi baru mazina woi ad’uzi djudjum mi. Bugola, mi yagazi akulo.

Sawal la giled’a 102:14

Ang mba tchol akulo á we hohowa Siyon, kayam ni bur ma wat hohowotna. Gagazi, bur matna ndak wa da’!

Sawal la giled’a 78:60

Mi djok kei avo Silo ata yi mam ma kak ma aduk sumina.

Isai 15:2

Suma Dibon-na a djak akulo kur gong nga fileina yam yima ndingâ á tchina, suma Mowap-ma a nga tchi yam Nebo ki Medeba, a wel yazi woyo, a tchau dudumazi woi pet mi.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 41:4

Kur bur ma mbàna bugol la a tchi Gedaliya-d’a, kid’a sa mi hum nga zla ndata d’uo tua d’a,

Jeremi 47:5

Suma Gaza-na a wel wa yazi woi á dodora. Suma Askalon-na a seng wa silil. Agi suma aragi nga kaka yam andaga d’a papanid’ina, ni mindja ba, agi mba aragi tagi bei b’asa ge?

Jeremi 48:37

Kayam nge nge pî, mi wel yam mbeyo, nge nge pî mi wel dudumam mbeyo, nge nge pî mi b’as tamu, a djin baru d’a ndjondjorod’a furuzi mi.

Jeremi 7:12

Kayam ndata, agi igi ata yima a tinim iram vam ma avo Silo ma an tin simiyên kua adjeuna, agi gologiziya. Ni nana ba, an b’lagam mbei ge? Ni yam asa’ata hi man suma Israel-lîd’a.

Jeremi 7:14

Kayam ndata, an mba ni le ki gong nga agi nga tchenen kua d’a agi tinigi hurugi kat ta an hat mi agi kabuyogi ngolod’a d’igi an le ki Silo na mi.

Joel 2:13

Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Gat ta a hat á mbàd’id’a 14:1

Moise mi de kua ala: Agi ni Ma didina Alo magina groma, agi ngad’agi tagi kahle suma sïna d’oze welegi yagi woi yam mat ma tchid’a d’i.

Josue 18:1

Kid’a Israel-lâ a hlambasa dad’a, a tok tazi avo Silo, a ve zlub’u d’a ngaf tad’a kua kolâ.

Josue 24:32

Israel-lâ a tos aso’â hi Josef ma azi yomï Ezipte-na avo Sikem ata yima Jakob mi guzum ki bege d’a hapa kis abo suma hi Hamor ma Sikem abuma. Nandaga d’a a hat djona mi suma hi Josef-fîd’a.

Suma ka sariyad’a 18:31

Azi tin agu ma tchet ma Mika mi luma mi azi kur atchogoi d’a lara pet ta gonga hAlonid’a ti nga avo Silo-d’a.

Suma ka sariyad’a 9:1

Abimelek Jerubäl goroma mi i Sikem avo hi ndjoziyom asum simiyêd’u, mi dazi ala:

1 Samuel 1:7

Wani bizad’a ki bizad’a ata yima Anne nga d’i i á kud’or Ma didinina, Penina nga d’i zalat hurut hina teteu. Ata yi máma Anne nga d’i tchiya, ti min te tena d’uo mi.