Jeremi 41:2 - Bible azumeina

² Ata yi máma Ismael Netaniya goroma mi tchol akulo zlapa ki suma dogo suma a nga ki sed’ema, a tchi Gedaliya Ahikam gorom ma Safan gorom ngolonina ki mbigeu d’a fiyaka. Ni hina ba, a tchi Gedaliya ma amul ma Babilon-na mi tinim á te yam ambasina.

Jeremi 41:2 Kruisverwysings

2 Samuel 3:27

Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.

2 Amuleina 25:25

Wani kur til ma kid’iziyana hi biza ndatina Ismael Netaniya goroma Elisama gorom ngolo ma ad’u andjaf ma amulina, mi yo suma ad’um dogo. A i Mispa, a tchi Gedaliya ki suma Juda-na ki suma Babilon suma a nga avo hatama mi.

Sawal la giled’a 109:5

An nga ni lazi djivid’a, wani azi nga hulong lan tchod’a; an nga ni le od’a kaziya, wani azi nga noyônu.

Sawal la giled’a 41:9

Mi dap wa ata zla d’a tchod’a! Gola! Mi nga ged’a kä! Mi dok tchol akulo d’uo d’a!

Jeremi 40:14

A dum ala: Ang we tetet ala Bälis amulâ hi suma Amon-na mi sunï Ismael Netaniya goroma á tchangû ko zu? Wani Gedaliya Ahikam goroma mi he nga gagazid’a yam zla mazid’a d’i.

Jeremi 40:16

Gedaliya Ahikam goroma mi hulong de mi Johanan Kareya goroma ala: Ang le hina d’i! Zla d’a ang dat yam Ismael-la ni zla d’a kad’a.

Jeremi 40:5

Wani ata yima Jeremi mi nga bei mi hulong humba tua na, ma ngolâ hi suma a ngom yinina mi dum kua ala: Ang hulong gen Gedaliya Ahikam goroma Safan gorom ngolo ma amul ma Babilon-na mi tinim yam azì ma nglo ma Juda-nina, ang kak ki sed’em aduk suma, d’oze ang i ata yima lara ma ang hurung vum á id’ina. Ma ngolâ hi suma a ngom yinina mi hum tena ki he d’a hawad’a, mi aram mi iya.

Jeremi 40:7

Suma nglona hi azigar suma sä woi abageina ki sum mazina a hum ala: Amul ma Babilon-na mi tin wa Gedaliya Ahikam goroma á te yam ambasa, mi hum wa andjofâ karopma ki gugureina ki suma kid’ak suma yam ambasa suma a izi nga Babilon nduo na abomu.

Jeremi 40:8

Kayam ndata, a i gen Gedaliya avo Mispa. Sum ndazina ba wana: Ismael Netaniya goroma, Johanan ki Jonatan Kareya groma, Seraya Tanhumet goroma, Efai ma Netofa-na groma ki Jezaniya ma Mäka-na goroma zlapa ki sum mazina mi.

Jeremi 41:3

Ismael mi tchi Juif-fâ pet suma a nga gen Gedaliya avo Mispa-na, zlapa ki suma Babilon suma dur ayî suma a nga ata yi mámina kua mi.

Jean 13:18

An de ni kagi pet ti, an we suma an manazina. Ni kayam zla d’a a b’irit kur mbaktumba hAlonid’a ala: Mam ma nga mi te tena ki sed’ena, mi mbut iram mi kak djangûna ki sed’enu d’a ndak memet.