Jeremi 40:3 - Bible azumeina

³ Ma didina mi mba wa, mi ndak wa vun zla d’a mam data. Kayam agi lagi tchod’a avoromu, agi humum nga vunam mbi, ahle suma mam dazina a mba wa mi.

Jeremi 40:3 Kruisverwysings

Nehemi 9:28

Ata yima azi nga kur halasina, a hulong le tchod’a avorongû. Ni hina ba, ang arazi abo mazi suma djangûna; a te kaziya. Wani a hulong a tchi kang kua d’ei, ang tang humuzï akulo d’ei, yam we hohou mang nga ngola, ang sud’uzi woi yang dodogo.

Nehemi 9:33

Angî d’ingêr kur ahlena pet suma a mba kamina, kayam angî ma d’engzengâ, wani ami lami tchod’a.

Jeremi 11:17

Ni Ma didin ma ad’engêm kal pet ma pagina ba, nga mi yi ndaka kagi kayam tcho d’a agi Israel-lâ ki suma Juda-na a lagizid’a. Mi dala: A he dubang ma his djivid’ina mi Bäl á zalan hurunu.

Jeremi 22:8

Andjaf suma ablaud’a a mba kal gen azì ma ngol máma, a mba de tazi ala: Ni kayam me ba, Ma didina mi le zla ndata kazì ma ngol máma na ge?

Jeremi 39:16

Ang i de mi Ebet-Melek ma Etiyopi-na ala: Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndak ka an dat zlat yam azì ma ngol ma wanid’a, an nga ni mba ki tchod’a, an nga ni mba ki djivid’a d’i. Ahle ndazina a mba le ni irang angû.

Jeremi 44:23

Ahle ndazina a le na kayam agi ngalagi dubang ma his djivid’ina, agi lagi tchod’a avok Ma didina, agi humugi nga dela hi Ma didinid’a d’i, agi tid’igi nga yam gat mamba ki vun mam ma he ma tetengâ d’uo mi. Ni kayam ndata ba, ndak ndata ti mba kagi ini wana.

Jeremi 50:7

Suma a fazina a nga mud’uziya. Mazi suma djangûna a nga dala: Zla nga kami d’i, kayam ni azi ba, a le tchod’a avok Ma didin mala ni Sala d’ingêrâ na, a le tchod’a avok Ma didin mala ni Hur ma tinda habuyozi ngolona na mi.

Hor ma tchina 2:17

Ma didina mi ndak wa vun zla d’a mam ngat kurum adjeud’a, mi ndak wa vun zla d’a mam he vuna kat adjeu dedeid’a, mi b’lagak kei bei mi wak hohowok ba, mi mbud’uk vama furîd’a hi ma djangûnina, mi had’enga mi suma a lak murud’umbina mi.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Gat ta a hat á mbàd’id’a 29:25

A mba hulongôzi zla d’a ded’a ala: Ni kayam ba, azi but vun ma djin ma Ma didina Alona habuyozi ngolona mi djinim ki sed’ezi kid’a mi buzuguzï woi avo Ezipte-d’a woid’a.