Jeremi 40:11 - Bible azumeina

¹¹ Juif suma a nga avo Mowap-ma ki suma a nga avo Amon-na ki suma a nga avo Edom-ma ki suma a nga kur ambas sa tetengina, a hum ala: Amul ma Babilon-na mi ar nga suma a arâ kur ambas sa Juda-d’a, mi tin wa Gedaliya Ahikam gorom ma Safan gorom ngolonina á te kaziya.

Jeremi 40:11 Kruisverwysings

Ad’u Tinda 36:8

Esau ma a yum ala Edom-ma, mi kak yam ahina d’a Seir-ra.

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 16:4

Ar mami suma a hal yima ngeid’ina a kak avo hatagiya, agi baragi gigingâgi kazi avok ma b’lak yina. Fata ma djop vun suma mi ar bei djop vun sumid’a, fata ma murud’umba mi ar bei le murud’umbid’a, fata ma b’lak yina a hlum mbei kur ambasid’a,

Jeremi 24:9

An mba ni mbud’uzi vama ndjendjed’a, vama hohoud’a, vama ngula, vama sanda, vama lasa ki vama ge vuna ir suma kur leu d’a yam andagad’ina pet ata yima lara ge ma an mba ni ndjoyôzi woi kuana.

Jeremi 41:10

Bugola, Ismael mi yo suma pet suma a ar avo Mispa-na magomba, zlapa kamulâ grom suma aropma ki suma pet suma a ar avo Mispa suma Nebuzaradan ma ngolâ hi suma a ngom yinina mi hazi abo Gedaliya Ahikam goromina. Ismael Netaniya goroma mi yozi magomba, a i ki sed’ezi á izi avo Amon.

Jeremi 43:5

Johanan Kareya goroma ki suma nglona hi azigarîna pet a yo suma Juda suma a ar suma a mbeï bugol la a ndjoyôzi woi aduk andjafâ peta á kak kur ambas sa Juda-d’ina.

Jeremi 43:6

A yo andjofâ, aropma, kemba, amulâ grom suma aropma ki suma pet suma Nebuzaradan ma ngolâ hi suma a ngom yinina mi arazi nga ki Gedaliya Ahikam gorom ma Safan gorom ngolonina, zlapa ki ma djok vun Alona Jeremi ki Baruk Neriya goroma mi.

Jeremi 9:26

nala, suma Ezipte-na, suma Juda-na, suma Edom-ma, suma Amon-na, suma Mowap-ma, zlapa ki suma a nga kaka abagei hur fulâ suma a nga wel vun tumus sa dudumazid’a woina mi, kayam andjaf sum ndazina pet a ngad’azi nga bayâd’a d’i, andjaf Israel-lâ pet pî a ngad’azi ni bayâ d’a lop ir sumid’a.

Ezekiyel 25:12

Salad’a Ma didina mi dala: Suma Edom-ma a sä atchugul la tchod’a ki suma Juda-na. Ni kayam ndata ba, zlad’a nga kazi ndak á hlatchugula ki sed’eziya.

Ezekiyel 25:2

Ang gor sana, ang mbut irang yam suma Amon-na, ang djogozi vuna.

Ezekiyel 25:6

Salad’a Ma didina mi dala: Agi tchagi abogi agi pirigi akulo agi lagi furîd’a kuruk krovo yam ndaka hi sum man suma Israel-lîd’a, agi golozi is mi.

Ezekiyel 25:8

Salad’a Ma didina mi dala: Suma Mowap-ma ki suma Seir-râ a dala: Suma Juda-na a ni d’igi andjaf suma dinga hina pet mi.

Ezekiyel 34:6

Tumiyô mana a nga dau akulo yam ahuniyô suma nglona, akulo yam yima ndingâ mi. Tumiyô mana a b’rau wa woi kur ambasa pet, wani sama mi djib’er kazina nga d’i, sama halazina nga d’uo mi.

Ezekiyel 35:15

Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Ezekiyel 35:5

Kayam ndak nga d’i i ki d’ugur maka avogovogo, kayam ndak tchi Israel-lâ ki mbigeu d’a fiyaka kur bur ma azi nga kur ndaka ata yima tcho mazid’a ti oî tchetchepma,

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 5:3

Ang yo tumus sa ang welet ndata ngiyeû, ang djinit avun baru mangâ.

Ndumba 22:1

Israel-lâ a ve kangâ hur ful la Mowap-pa, sä abo alum ma Jurdê-na woi hî, ngagad’a yam Jeriko d’ar.

Ndumba 25:1

Israel-lâ a kak avo Sitim, a nde le sun nda batranga karop suma Mowap-ma.

Ndumba 25:2

Arop suma Mowap-ma a nde yazi á tahle suma azi ngad’azi buzuna malo mazinina. Israel-lâ a taziya, a grif kä avok alona hi suma Mowap-ma mi.

1 Samuel 11:1

Nahas amul ma Amon-na, mi mba, mi ndazì ma Jabes ma kur ambas sa Galät-tina durâ. Suma Jabes-sâ a dum ala: Ang djin vunang ki sed’emiya; ami gami yami kä ad’ung mi.

1 Samuel 12:12

Kid’a agi wagi Nahas amul ma Amon-na mi mba á dur ayîna ki sed’egid’a, agi dan ala: Ami minimi amulâ á te kamiya. Wani Ma didina namul magina.