Jeremi 4:31 - Bible azumeina

³¹ Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Jeremi 4:31 Kruisverwysings

Ad’u Tinda 27:46

Rebeka ti de mi Isak ala: An kau wa abo akuniyôna Het groma. Le Jakob mi vatchad’a aduk gro arop suma yam andaga d’a kä wandina ni, kak man nda adigazid’a, djivi mata ni me ge?

Wana ni mbaktumba hi Job-pa 10:1

Job mi de kua ala: An gol kak manda ni vama ndjendjed’a iranu. An mba ni de zla yor ta manda woi abua. Kur hur man ma hat ma tchona, an mba ni de zla manda woi abua.

Sawal la giled’a 120:5

Ni vama hohoud’a kan á kak mbeid’a aduk suma Mese’â, á kak aduk suma Kedar-râ mi.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Isai 13:8

A mba le mandarâ, ndaka ki pupuluka hi hliu tad’id’a mba d’i laziya, a mba tcha tata d’igi atcha d’a nga d’i tcha tata á vutid’a na, a mba gol ir tazi ki mandarâ, irazi mba d’i tchor hleud’a d’igi akud’a na.

Isai 21:3

Kayam ndata, furun nga mi tanu, ndaka nga d’i lan d’igi ndaka ti latcha d’a vuta na, tcha d’a tatad’a ti d’elen bei hum zlad’a, mandarâ mi d’elen á we yina mi.

Isai 26:17

Ma didina, ami avorong ni d’igi atcha d’a ti nde vuta d’a ti gun kä abo tata ted’a d’a ti nga d’i tchid’a na.

Isai 42:14

Ma didina mi dala: Avok dei an kak bei de zlad’a, an kak mudjuk bei de zlad’a, wani ki tchetchemba an nga ni er ad’un akulo d’igi atcha d’a nde vutid’a na. An nga ni muzuga, an nga ni muzuk kad’engên pet mi.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Jeremi 10:19

Jerusalem ti tchi ala: Ni zla d’a hohoud’a kanu! An fe mbilâ, mbilin nga mi tan heî. An dala: Wana ni tcho manda. An mba ni ve tan kur ndak man ndata.

Jeremi 13:21

Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Jeremi 14:18

Le an i kele ni, an gol wani mad’a suma a tchazi avun ayînina, mi nga samba kä. Le an kal kur azì ma ngolâ ni, an gol wani suma meid’a tchazina, mad’azi mi nga samba kä mi. Suma djok vuna ki suma ngat buzuna a nga kleû tita kur ambasa pî, azi nga we d’op zla tu d’i.

Jeremi 15:18

Ni kayam me ba, ndak manda nga d’i i avogovok ke? Ni kayam me ba, mbil man ma bei tchila ba na mi min tchil luo ge? Ang mba mbut kan ni d’igi mbiyo ma lau ma lobon irana na, d’oze d’igi mbiyo ma lau ma sa nga mi tin hurum kam mbuo na na zu?

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Jeremi 22:23

Ndak ka nga kaka akulo yam Liban-nda, ndak ka min aziyak aduk agu sedrena d’igi aleina na d’a, fata ndaka mba d’i mba kaka, mba d’i tak d’igi vuta ti tatcha d’a ti nde vutid’a na, ndak mba zam tak ngola.

Jeremi 30:6

Agi djobogi tagiya, agi gologiya, na ni mandjufâ mi ndak á vut tchu? Ni kayam me ba, an we andjofâ a tin abozi furuzi d’igi atcha d’a nga d’i lá vutid’a na ge? Ni kayam me ba irazi d’i mbut hapa hina patlas ke?

Jeremi 45:2

Gola! Ma didina Alona hi Israel-lîna mi de kang ala:

Jeremi 48:41

A mba hlazì ma Keriyot-na, A mba yo azì ma ad’eng ma ngunguna mi. Kur bur máma suma gangrang suma Mowap-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 49:22

Gola! Andjaf suma a mba sir kä yam azì ma Bosra-na d’igi b’aruna mi b’er gigingâm mbei mi sir kä na. Kur bur máma suma gangrang suma Edom-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 49:24

Suma Damas-sâ a mbut amangeîd’a, a hazigazi á ringâ, a nga zlak abo mandarâ. Pupuluka ki ta d’a ted’a nga d’i tazi d’igi atcha d’a nde vutid’a na.

Jeremi 50:43

Amul ma Babilon-na mi hum zla ndata, abom mi mbut amangeîna kekeb’e, mi nga mi tcha tata d’igi atcha d’a ti nde vutid’a na.

Jeremi 6:2

Ndak Siyon nda djif fa kal teglesa, an mba ni b’lagak keyo!

Hor ma tchina 1:17

Siyon ti mat abod’u, wani sama mi b’lengêt hurutna nga d’i. Ma didina mi he vuna mi suma a ngui suma hi Jakob-mina, a kak djangûna ki sed’eziya. Jerusalem ti mbut ni vama ndjendjed’a adigaziya.

Hor ma tchina 1:20

Ma didina, gola, an nga kur ndaka! Aruwad’an nga mi mbuzuk kurun dudu, hurun mi b’lak kurun krovo, kayam an ni sama so vuna gagazi. Mbigeu d’a fiyaka nga d’i tchi suma woi abua, matna nga mi tchi suma krovo mi.

Hor ma tchina 2:21

Suma awâna ki momorogeina a puk kä andaga ir palumba, yugunei man suma bei ngaf kandjofâ ba na kazungeî mana a puk kä abo mbigeu d’a fiyaka. Ang tchazi kur bur ma ayî mangâ, ang ngad’azi woi bei wazi hohowozi ba.

Wana ni mbaktumba hi Oze-d’a 13:13

Ndaka mba d’i nde kazi ni d’igi vuta ti nde yam atchad’a na. Azi ni d’igi gor ma yam nga d’uo na na. Ata yima yam ma vuta nda’â, nga mi ndeï woi kur asum mbi.

Mise 4:10

Agi tchagi tata abo ndaka, agi zamagi tagi d’igi atcha d’a ti nde vutid’a na, agi buzugugi woi kur azì ma ngolâ, agi i kagagi sä abageya, agi igi gak Babilon. Ata yi máma Ma didina mba mi prud’ugi woyo, mba mi prud’ugi woi kua abo magi suma djangûna.

Mise 4:9

Agi suma Jerusalem-ma, ni kayam me ba, agi eregi ad’ugi akulo ki tchetchemba na ge? Amul nga avo hatagi d’uo zu? Magi suma de d’alâ a bö ba, ndaka ti nde kagi d’igi ndaka ti nde yam atcha d’a vutid’a na zu?

Mise 7:1

Ni zla d’a hohoud’a kanu! An mbut ni d’igi sama mi tchi helena balum sumina na, d’igi sama mi tchi helena balum guguzlu d’a a dud’ut teid’a na, nga ni fe vud’a guguzlud’a á ted’a d’i, nga ni fe vud’a tulum ma awili ma an minima d’uo mi.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

1 Korente-na 9:16

Ata yima an nga ni tchi wal Zla d’a Djivid’ina, an nga ni subur tan ndi. Ni vama a tinindji kan mbeî á led’ina. Le an nga ni lum mbuo ni, ni zla d’a hohoud’a kanu.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.