Jeremi 4:22 - Bible azumeina

²² Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 4:22 Kruisverwysings

Ad’u Tinda 39:16

Ti ngom barud’a hi Josef-fa abot gak ndjuvut mba avo.

2 Samuel 13:3

Wani Amnon banama nga, a yum ala Jonadap, ni Samma ma David wiyemina goroma. Mi ni sama we zlad’a heîna.

Sawal la giled’a 36:3

Nga mi subur tam katam vam tala ar tcho mamba nde woi abu d’uo d’a, nga mi ar tcho mam ndata woi d’uo mi.

Sawal la giled’a 36:4

Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

Sawal la giled’a 53:4

Azi pet a vit teyo, a mbut tchod’a abo tazi tu; sama le djivid’ina nga d’i, tu pî nga d’i.

Sawal la giled’a 82:5

Kayam agi wagi nga va d’i, agi nga wad’ud’a d’uo mi, agi nga tid’igi ni kur nduvunda. Kayam ndata, ad’u ged’a handagad’id’a nga d’i giged’a.

Zla d’a d’ogolâ 28:5

Suma tchona a nga wäd’u zla d’a d’ingêra d’i, wani suma a nga hal Ma didinina a nga wäd’u ahlena pet.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 13:23

Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 4:21

Ni mindja ba, an mba ni we drapod’a, ni hum tchina hadifina mi ge?

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Jeremi 5:4

Ata yi máma an dala: A le ni sunda hi kem mba gureid’a. A we nga va d’i, a we nga minda hi Ma didinid’a d’i, a we nga gata hAlo mazinid’a d’uo mi.

Jeremi 9:2

Ladjï an mbut ni yima kaka abagei hur fulâ yam suma tita ni, an mba ni ar sum mana woyo, an mba ni wal lei dei ki sed’ezi mi, kayam azi pet ni suma le mizeuna, a nades ma mbut ira mi.

Jeremi 9:3

Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.

Jeremi 9:5

Azi ka ni zlad’a mi ndrozina, a nga de zla d’a gagazid’a d’i. Azi nga par sinazi papar á ka zlad’a, a seî abo tchod’a led’a mi.

Ezekiyel 16:30

Salad’a Ma didina mi de kua ala: Ndak namangeyâ me na ba, ndak lahle ndazina hina pet, ndak mbut tak gaulang ma kalâ na ge?

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Wana ni mbaktumba hi Oze-d’a 5:4

Sun mazid’a nga d’i arazi lovota á hulongî gen an Alo mazina d’i, kayam muzuk ma gaulangâ mi nga adigaziya, kayam azi wan nga an Ma didina d’i.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Jean 16:3

Azi mba lagi hina kayam azi we nga Abun ndi, a wan nga an nduo mi.

Romê-na 1:22

A nga subur tazi ala azi ni suma ned’a, wani a mbut ni suma lilid’a.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 16:19

Suma pet a wala agi nga gagi yagi kä ad’u Salad’a. Kayam ndata, an nga ni le furîd’a kagiya, wani an min ala ar agi kagagi ki ned’a á lahle suma djivina, ar agi walagi woi kahle suma tchona mi.

Romê-na 3:11

Sama wad’u nga d’i, sama hal Alona nga d’uo mi.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.

Gat ta a hat á mbàd’id’a 32:28

Israel-lâ ni suma bei wäd’u zlad’a, azi ni suma bei d’alâ ba na mi.

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?