Jeremi 4:20 - Bible azumeina

²⁰ A nga de zlad’a yam b’laka kam kua kam kua, ambasa pet ti b’lak keyo. Zlub’u mamid’a ti pleî woi atogo hina zak, yami ma kaka mi b’lak kei atogo hina zak d’igi ir ra tchemba na mi.

Jeremi 4:20 Kruisverwysings

Sawal la giled’a 42:7

Alo mana, an mbut wa hohoud’a. Kayam ndata, ata yi ma an nga ata yima alum ma Jurdê-na tinï ad’ud’a djangâ kua yam ahina d’a Hermon-nda kahina d’a Misar-rina, an nga ni djib’er kangû.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Buzuk ka Abud’a 33:5

Ma didina mi de mi Moise ala: Ang de mi Israel-lâ ala: Alona mi dala: Agi ni suma bei hum vuna. Le an nga ni tit adigagi tetewu ni, an mba ni dabagi tchid’a woyo. Agi yogi ahle magi suma djif suma atagina woyo. Hina wani, an mba ni we vama ni lum ki sed’egina.

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 15:5

An nga ni tchi kurun krovo yam Mowap, kayam sum matna a ring gak a i Sowar, gak a mba Eglat-Selisiya. Azi nga tchi irazi glovot ata yima a nga djak akulo Luhit-na, a nga tchi wulula irazi kur glovot ta i Horonayim-mba abo b’lak ka d’i mba kazid’a.

Isai 33:20

Ang mba we Siyon azì mei ma ngol ma lü vun tilâ, ang mba we Jerusalem kur bur ma halasâ ni d’igi zlub’u d’a a mba djogot tei d’uo d’a tcheble matna a mba pad’am mbei d’oze ziyo matna a mba bud’um mbei d’uo mi d’a na.

Isai 47:9

Atogo hina zak kur bur ma tuna, gro’â a mba dap peyo, ndak mba d’i ar modonod’a mi. Ndak ki mbut maka ki kuma mak ma zul heîna hina pet pî, ahle suma mbà ndazina a mba surop kak kä kad’engêzi pet.

Isai 54:2

Ndak hut ad’u zlub’u maka woi bubud’a, ar a b’er yam zlub’u maka woyo, ndak d’elezi d’uo, ndak ndirza ziyo ma’â woyo, ndak pe tcheble ma’â kä ad’enga ngingi.

Jeremi 12:11

A mbut ambasa djona, ti mbut hohoud’a, a nga yor tazi avoronu. Ambasa pet ti mbut djona, kayam sama djib’er kat tu pî nga d’i.

Jeremi 17:18

Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.

Jeremi 4:21

Ni mindja ba, an mba ni we drapod’a, ni hum tchina hadifina mi ge?

Jeremi 4:27

Ma didina mi de kua ala: Ambasa ki zla tat pet nga d’i mbut djona, wani an mba ni b’lagat tei ki zla tat pet ti.

Jeremi 4:6

Agi pagi drapo d’a taka akulo avo Siyon, agi ringîgiya, agi tchologi aduk ki, kayam Ma didina nga mi mba ki ndaka abo ma norâ, ki b’lak ka ngola mi.

Jeremi 9:18

Ar a b’at tazi á tchi horâ ki delezi akulo keya, ar simina mi djang ireya, ar bizei ma ireina mi lap ki simina.

Hor ma tchina 3:47

Mandarâ ki bad’a ki b’laka ki pleîd’a a mba kamiya.

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Sunda hi suma hi Levi-nid’a 26:18

Le an lagi ahle ndazina hina pet ba, agi humugi nga d’uo ni, an mba ni ngobogi ngo-ngop yan kid’iziya yam tcho magid’a.

Sunda hi suma hi Levi-nid’a 26:21

Le agi tchologi ad’enga agi min humun nduo ni, an mba ni tumugi ki tugud’ei d’a tcho d’a tchi matna tutum yan kid’iziya ndak yam tcho magid’a.

Sunda hi suma hi Levi-nid’a 26:24

an mba ni tchol ad’enga ki sed’egi mi, an mba ni tumugi tutum yan kid’iziya yam tcho magid’a.

Sunda hi suma hi Levi-nid’a 26:28

an mba ni tchol ad’enga ki sed’egi ngingring mi, an mba ni ngobogi ngo-ngop yan kid’iziya yam tcho magid’a.

Habakuk 3:7

An we suma Kus-sâ a nga kur ndaka ngola; suma Madiyan-na a nga zlak mi.

Ndumba 16:21

Agi walagi tagi woi kablau sum ndazina, kayam an nga ni ngalazi woi ka tchetchem!

Ndumba 16:45

Agi walagi tagi sä woi dei kablau ndata, an nga ni ngalazi woi ka tchetchem. Moise azi ki Aron a grif kä andaga.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

2 Tasaloni’â 1:9

Alona mba mi ka sariya d’a didinda kaziya. Sum ndazina a mba tchol lei dei avok Ma didina abo subura had’eng mambid’a.