Jeremi 4:16 - Bible azumeina

¹⁶ Agi gagi hum andjaf suma, agi dagi mi suma Jerusalem-ma mi ala: Suma djangûna a nga djïya. A tcholï nata yima deina, a nga yi tau d’a dur ayîna á dur azì ma nglo ma Juda-na.

Jeremi 4:16 Kruisverwysings

Isai 34:1

Agi andjaf suma, agi hud’ï go á humba agi suma, agi tinigi humagiya. Ar andagad’a kahle suma kurutna pet a huma, ar duniyad’a kahle suma a nga kurutna pet a hum mi.

Isai 39:3

Bugola, Isai ma djok vun Alona mi mba gen amulâ Ezekiyas, mi dum ala: Sum ndazina a dangâ na ge? A tcholï ni lara ge? Ezekiyas mi hulong dum ala: A tcholï ni yam andaga d’a Babilon-nda ata yima deina, a mba geven wana.

Jeremi 1:15

Ma didina mi dan kua ala: Gola! An nga ni yï suma kur leu d’a abom ma norîd’a halang. Azi mba mba. Nge nge pî, mba mi tin zlam mamba avun agrek ma Jerusalem-ma, huyok gulumun matna, a mba nguyum mbei d’uhl, avun azì ma nglo ma kur ambas sa Juda-d’ina pet mi.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 31:10

Agi andjaf suma, agi humugi zlad’a hi Ma didinid’a, agi i dagi zla ndata woi mi suma a nga kaka yam tila ata yima dedeinina, agi dazi ala: Ma didin ma mi ndjoî Israel-lâ woina, nga mi togozïya, nga mi ngomozi d’igi ma pola mi ngom tumiyô mama na.

Jeremi 39:1

Wana nahle suma a le ata yima a hle Jerusalem-ma: Kur biza d’a zlengâ d’a Sedekiyas amul ma Juda-na nga mi tamulid’a kur til ma zlengîna, Nebukanezar amul ma Babilon-na, mi mba ki azigar mama pet, a ngui Jerusalem.

Jeremi 4:17

Ma didina mi de kua ala: Gola! A ngui wa Jerusalem d’uhl d’igi suma a ngom asinenina na, kayam ndat ti humun nga vunan ndi.

Jeremi 5:15

Ma didina mi de kua ala: Agi Israel-lâ, gola! An nga ni mbeï kandjaf ma dingâ ata yima dedeina á durugiya. Nandjaf ma ad’engâ, nandjaf ma mi nga adjeu dedeina, nandjaf ma agi humum nga vunam mbuo na, ni ma agi nga wagi ad’u vama mam nga mi duma d’uo na mi.

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 6:18

Kayam ndata, agi andjaf suma, agi humugiya; agi ablau suma, agi wagi vama mba kazina.

Jeremi 6:19

Agi suma yam andagad’ina pet, agi humugiya! Gola! An nga ni mba ki ndaka yam sum ndazina. Ni wurak ka yam djib’er mazid’id’a, kayam a tin nga humazi yam zla manda d’i, a gol gat manda is mi.

Jeremi 6:22

Ma didina mi dala: Gola! Suma yam ambas sa abo ma norîd’a a nga djïya. Nandjaf ma ngol ma tcholï avun dabid’a handagad’ina.

Jeremi 6:23

A nga ki yeûd’a kasapa aboziya, Azi ni suma murud’umba suma bei we hohowa suma delezi nga d’i ngir kä d’igi alum ma ngolâ vunam mi tchi wü na na. A nga yam akulumei mazina akulo, a ndjar á dur ayîna d’igi sama tuna na á duruk ndak Siyon.

Jeremi 8:19

Gola! Del la tchina hi sum manid’a, ti tcholï yam andaga d’a deid’a, ti dala: Ma didina mi nga kur Siyon d’uo d’ang zu? Amul matna mi nga kurut tuo mi zu? Ma didina mi dala: Ni kayam me ba, azi zalan hurun kangus ahle mazi suma tcheta kahle suma hawa ya’â hi suma dingîna ge?

Ezekiyel 21:22

An pî mba ni tchi abon mi, mba ni ndak vun ayî mana. Ni an Ma didina ba, ni de na.