Jeremi 4:14 - Bible azumeina

¹⁴ Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Jeremi 4:14 Kruisverwysings

Sawal la giled’a 119:113

An noî suma mbàmbàd’a woyo, wani hurun ve ni gat manga.

Sawal la giled’a 51:2

Mi hlat ni kid’a Natan ma djok vun Alona mi i atam bugol la mi le mizeuna ki Batseba-d’a.

Sawal la giled’a 66:18

Ladjï an ngom tchod’a kurunu ni, Salad’a mba mi humun ndi.

Zla d’a d’ogolâ 1:22

Agi suma bei wäd’u zlad’a ba na, agi mba lagi yam bei wäd’u magi ndata hina gak mindja ge? Agi suma las suma, tagi mba d’i lagi djivid’a yam las magi ndata hina gak mindja ge? Agi suma lilid’a, agi mba noyôgi wed’a hina gak mindja ge?

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Jeremi 17:1

Tchilad’a hi suma Juda-nid’a, a b’irit ni ki plim ma kawei ma ahina d’a a yat ala diyamanda ti nga nika avunama, a b’irit ni kur tablo ma kuruzi krovona, ata adif yi mazi ma ngal ahle suma ngat buzuna teteng mi.

Jeremi 18:11

Ki tchetchemba, ang i de mi suma Juda-na ki suma a nga kaka avo Jerusalem-ma ala: Gola! Ma didina mi dala: An nga hurun á lagi tchod’a, an min nga zlad’a kurun á lagi ndaka. Ar nge nge pî adigagi mi ar tit mam mba tchod’a woyo, ar agi djogogi tit magid’a ki sun magi d’a led’a.

Jeremi 2:22

Salad’a Ma didina mi dala: Le agi mbuzugi tagi woi ki tumuta ki sabulâ yagi ablaud’a pî, tcho magid’a mba d’i arî ndala avoron hina baba.

Jeremi 6:19

Agi suma yam andagad’ina pet, agi humugiya! Gola! An nga ni mba ki ndaka yam sum ndazina. Ni wurak ka yam djib’er mazid’id’a, kayam a tin nga humazi yam zla manda d’i, a gol gat manda is mi.

Ezekiyel 18:31

Agi hagi azigagi mi tcho magi d’a agi lata, agi mbud’ugi hurugi awilid’a, agi mbud’ugi muzugagi awilid’a mi. Agi Israel-lâ, ni kayam me ba, agi tchagi tagi woi ge?

Zakari 8:17

ar sa mi ve ndram kurum á lum tcho d’i, ar sa mi gun tam ir gurzula d’uo mi, kayam ni sun nda an Ma didina ni golot ni vama ndjendjed’id’a.

Matiye 12:33

Jesus mi had’azi kua ala: Le aguna mi djivid’a ni, vud’umî djivid’a mi. Wani le aguna mi tchod’a ni, vud’um pî ni tchod’a mi, kayam a waguna ni ki vud’umu.

Wana ni Zla d’a Djivi d’a Luc mi b’irita 11:39

Wani Salad’a mi dum ala: Agi Fariziyêna, agi mbuzugi huyok kopma ki tazana, wani hurugi oîd’a ki kula ki murud’umba.

Jean 13:9

Simon Pierre mi dum ala: Salana, ang mbuzun nasen hol li, wani ang mbuzun abon ki yan mi.

Sunda hi suma a sunuzinid’a 8:22

Kayam ndata, ang mbut hurung yam tcho manga, ang tchen Salad’a, dam hurum mba mi vat tei yam djib’er ra kurunga kla.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

1 Korente-na 3:20

Ti de kua ala: Ma didina mi we djib’era hi suma ned’id’a ni vama hawana.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.