Jeremi 4:13 - Bible azumeina

¹³ Suma a dala: Gola! Ma djangûna nga mi djï d’igi d’ugul la hleï ndundula na, pus mam ma dur ayîna mi djangî d’igi mbirlimba na, akulumei mama a djang kal b’aruna. Ei baya woi d’a; ni zla d’a hohoud’a keya.

Jeremi 4:13 Kruisverwysings

2 Samuel 1:23

Kid’a Saul azi ki Jonatan a nga ki irazi tua d’a, a le yam tazi heî, kur mat mazina a wal nga woi d’uo mi. Azi afefeta kal b’aruna, azi ad’enga kal azlona.

Isai 13:5

Azi tcholï ni yam ambas sa deid’a, a tcholï navun dabid’a handagad’id’a. Ma didina ki mam suma dur ayîna yam hur mam ma zalina a mba b’lak ambas ndata woi pet.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 3:8

Gagazi, azì ma Jerusalem-ma mi b’lak keyo, leu d’a Juda-d’a ti puka mi. Kayam zla mazi d’a ded’a ki sun mazid’a a kak djangûna ki Ma didina, a nga ngulum avunam mi.

Isai 5:28

Sï yeû mazid’a nga d’i wile, azi pet a tin nga yeû mazid’a ata aguwat á yeta, abo akulumei mazina mad’enga d’igi ahina sasana na, abo pus mazi ma dur ayîna mi parî d’igi mbirlimba na.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Jeremi 10:19

Jerusalem ti tchi ala: Ni zla d’a hohoud’a kanu! An fe mbilâ, mbilin nga mi tan heî. An dala: Wana ni tcho manda. An mba ni ve tan kur ndak man ndata.

Jeremi 4:12

Ni simet ma ngol ma tcholï sä hî ata ana. Ki tchetchemba, an nga ni de sariyad’a ki sed’eziya.

Jeremi 4:31

Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Jeremi 48:40

Ma didina mi dala: Gola! Andjaf suma a mba sir kä yam azì ma Mowap-ma d’igi b’aruna mi b’er gigingâm mbei mi sir kä na.

Jeremi 49:22

Gola! Andjaf suma a mba sir kä yam azì ma Bosra-na d’igi b’aruna mi b’er gigingâm mbei mi sir kä na. Kur bur máma suma gangrang suma Edom-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 6:23

A nga ki yeûd’a kasapa aboziya, Azi ni suma murud’umba suma bei we hohowa suma delezi nga d’i ngir kä d’igi alum ma ngolâ vunam mi tchi wü na na. A nga yam akulumei mazina akulo, a ndjar á dur ayîna d’igi sama tuna na á duruk ndak Siyon.

Jeremi 9:19

Jeremi mi dala: A nga hum del la tchina kur Siyon ala: Ni b’laga me ti mba kei na ge? Ni zulo me mi vei na ge? Ei arei ambasa, kayam yi mei ma kaka a b’lagam wa woyo!

Hor ma tchina 4:19

Suma a nga djobei vuneina, afefed’ezi kal b’aruna. A nga digï akulo yam ahuniyôna, a nga buri kä abagei hur fulâ.

Ezekiyel 26:10

Ablaud’a hakulumei mamid’a mba d’i kulubugi kä ki gugumaziya. Gulumun magina mba mi giget abo siwela hi suma djang akulumei mama, abo pusâ ki pus ma dur ayîna ata yima mam mba mi kal avun agrek magina d’igi sana mi kal kur azì ma ngol ma a hluma na na.

Ezekiyel 38:9

Ang ki azigar mangâ pet ki azigarâ handjaf suma ding suma a nga zlapa ki sed’engâ, agi mba tchologi akulo, agi mba kalagi yam ambasa d’igi babarâ na, d’igi d’ugul la ti duk yam andagad’id’a na mi.

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.

Daniel 7:4

Ma avo’â mi hle tam d’igi azlona na, wani mi nga ki gigingâ d’igi ma hi b’arunina na. Kid’a an nga ni golom tua d’a, a pad’am gigingâm mbeyo, a hlum akulo woi yam andagad’a, a tcholom akulo kasem d’igi sana na, a hum djib’era hi sanid’id’a mi.

Wana ni mbaktumba hi Oze-d’a 8:1

Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

Mise 2:4

Kur bur máma a mba tinigi ndala, a mba lazagi ala: Ei b’lagei wa woi ki irei fafat, Ma didina mi he wa andaga meid’a mi suma dingâ, mi he wa asine meina mi suma bei hum vuna mi. Ni kayam me ba, a hurumi ge?

Nahum 1:3

Ma didina nga mi mbut ayîna atogo d’i, ni ma ad’engêm kal heîna, nga mi ar sama zlad’a kama bei ngopa d’i. Nga mi tit aduk mbirlimba, aduk babarâ, d’ugula ni gugum ma ad’u asema mi.

Habakuk 1:8

Akulumei mazina a djang kal bolina, ayî mazina kal ngû ma meid’a nga d’i tchum fladegena. Suma djang akulumei mazina a tcholï nata yima deina, a nga pir akulo, a pirî d’igi b’aru ma sir asem kä á ve vanina na.

Zakari 6:1

Vama dingâ mi nde tam mbei iran kua. An we pus ma dur ayîna fid’i mi buzuk kei aduk ahuniyôna mbà. Ahuniyô ndazina ni kawei ma hleuna.

Matiye 24:30

Ata yi máma, simata hi an Gor Sanid’a mba d’i ndeï akulo. Kur bur máma andjaf suma yam andagad’ina pet a mba tchiya, a mba wan an Gor Sana mba ni mbeï kur d’ugula kad’enga ki subur ra ngola.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!