Jeremi 4:10 - Bible azumeina

¹⁰ Ata yi máma an dala: Salad’a Ma didina, ang lop sum ndazina ki suma Jerusalem-ma ni loba, kayam ang dala: Agi mba kagagi ki b’leng nga halasa, wani mbigeu d’a fiyaka ti nga tinda kelemi á ngata.

Jeremi 4:10 Kruisverwysings

Buzuk ka Abud’a 5:22

Moise mi hulong gen Ma didina, mi dum ala: Salad’a, ni kayam me ba, ang le sum ndazina ndaka na ge? Ni kayam me ba, ang sununï ge?

Buzuk ka Abud’a 9:14

Ki tchetchemba, an nga ni sun ndak man nda tetenga kang ang tanga kazungeî mangâ ki sum mangâ mi, kayam ang wala kur duniyad’a pepet vama hle tam d’igi an na na nga d’i.

Isai 30:10

A ni suma de mi suma a wahle suma a nga mbana ala: Ar va mi nde tam mbei iragi d’uo na. A ni suma a nga de mi suma djok vun Alona ala: Ar agi djogomi vun ma gagazina woi d’i, agi dami ni zla d’a lami tami djivid’id’a, ar agi dami ni zla d’a kad’a mi na.

Isai 37:35

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

Isai 63:17

Ma didina, ni kayam me ba, ang arami ami vid’imi woi hina dei ki gat manga ge? Ni kayam me ba, ang b’alami hurumi hina kiki á lang mandarang nge? Ang hulongî yam azungeî mangâ, yam andjaf ma ang tum djonina mi.

Jeremi 1:6

An hulong dum ala: Salad’a, Ma didina, an ni gogorâ tua, an ndak nga á de zlad’a aduk suma d’i.

Jeremi 23:17

A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Jeremi 4:18

Ahle ndazina a mba ka’î yam tit maka ki sun mak ka ata yat tuo d’a. Wana nasa’at maka! Gagazi, ta aglara mba d’i kal gak i kuruk krovo mi.

Jeremi 5:12

Suma Juda-na a tin vunazi yam Ma didina, a dala: Mi nga d’i. Ndaka nga d’i mba kei d’uo d’a, ei mba wei ayî ma dur roze baktarad’a d’uo mi.

Jeremi 6:14

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Jeremi 8:11

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Hor ma tchina 2:21

Suma awâna ki momorogeina a puk kä andaga ir palumba, yugunei man suma bei ngaf kandjofâ ba na kazungeî mana a puk kä abo mbigeu d’a fiyaka. Ang tchazi kur bur ma ayî mangâ, ang ngad’azi woi bei wazi hohowozi ba.

Ezekiyel 11:13

Ata yima an nga ni djok vun Alonina, Pelatiya Benaya goroma mi mid’a. An ge tan kä avok Alona, an er ad’un akulo ala: Alë! Salad’a Ma didina, ni ang ba, min dap Israel suma a arâ woi zu?

Romê-na 1:24

Kayam ndata, Alona mi arazi á lahle suma ndjendjed’a kur d’od’ok mazid’a. Sum ndazina a nga lahle suma zulona aduk tazi mi.

Romê-na 1:26

Kayam ndata, Alona mi arazi kur d’od’ok mazi d’a zulona. Amiyôzina a ar zlapa hatchad’a ki mandjufîd’a woi ta, a nga zlap zlap pa ata yat tuo d’a.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.