Jeremi 4:1 - Bible azumeina

¹ Ma didina mi de kua ala: Agi Israel-lâ, le agi min hulongôgi gevenu, le agi hulongôgiya, le agi yogi tcho magi d’a ndjendjed’a woi avoronu ni, agi mba tchagi ta abo hî agi mba tchagi ta abo hî d’uo d’a.

Jeremi 4:1 Kruisverwysings

Ad’u Tinda 35:2

Jakob mi de mi suma avo hatama ki suma a nga zlapa ki sed’ema ala: Agi tchugugi filei ma nga avo hatagina woyo, agi mbud’ugi tagi yed’et, agi tchugugi baru ma dingâ atagiya.

2 Amuleina 23:13

Mi b’lak yima nding ma Salomon amul ma Israel-lâ mi minim avor Jerusalem d’ar abo ma ndjufâ hahina d’a B’lak sumid’a mi Astarte alo d’a ndjendjed’a hi suma Sidon-nid’a, Kemos alo ma ndjendjed’a hi suma Mowap-mina, mi Milkom alo ma ndjendjed’a hi suma Amon-nina mi.

2 Amuleina 23:24

Wani Josiyas mi b’lak suma a nga djop ki suma azuleina ki suma a nga de zlad’a yam vama nga mbana ki filei mazi ma a yum ala terafima ki filei ma tetengâ kahle suma ndjendje suma a nga kur ambas sa Juda-d’a ki suma avo Jerusalem-ma woi pet. Ni hina ba, mi ge yam kä ad’u zlad’a hi Gata d’a a b’irit kur mbaktum mba ma ngol ma ngat buzuna Hilkiya mi fat kur gong nga kud’ora hi Ma didinid’id’a.

2 Sunda Hamuleinid’a 15:8

Ata yima amulâ mi hum zla d’a ma djok vun Alona Azariya Odet goroma mi datina, mi ve tam ad’enga, mi pleî ahle suma ndjendje suma kur ambas sa Juda-d’a ki suma kur ambas sa Benjamin-nda ki suma kur azì ma nglo ma mam hlum yam ahina d’a Efraim-mbina woi pet. Mi hulong min yima ngal ahle suma ngat buzu ma b’lak kei ma nga avun gong nga kud’ora hAlonid’ina akulo mi.

2 Sunda Hamuleinid’a 33:8

Le Israel-lâ a ngom vun ma he mana ki gat manda pet ta azong mana Moise mi dazizid’a ni, an mba ni walazi woi dei kandaga d’a an hat mabuyozi ngolod’a d’i.

2 Sunda Hamuleinid’a 34:33

Josiyas mi b’lak sun nda ndjendje d’a kur ambasa hi Israel-lîd’a woi pet, mi tin Israel-lâ pet á kud’or Ma didina Alo mazina. Ata yima mam nga ki irama, Israel-lâ a wal nga woi ki Ma didina Alona habuyozi ngolona d’i.

Isai 31:6

Agi Israel-lâ, agi hulongôgï gen ma agi aram mbei ki iragi fafatna.

Jeremi 15:19

Ma didina mi hulongôn humba ala: Le ang hulongî gevenu ni, an hulongông kur sun manda. Le ba ang de ni zla d’a hawa yaka d’uo ba, ang de ni zla d’a ndaka ni, ang mba mbut ni vunan ma ad’u kä na. Ni suma Juda-na ba, a mba hulongî gevengû, ni ang ba, mba hulong gevezi d’i.

Jeremi 15:4

An mba ni ndjoyôzi woi kur leu d’a yam andagad’id’a vivreng, yam sun nda tcho d’a Manase Ezekiyas goroma amul ma Juda-na mi lat avo Jerusalem-mba.

Jeremi 18:11

Ki tchetchemba, ang i de mi suma Juda-na ki suma a nga kaka avo Jerusalem-ma ala: Gola! Ma didina mi dala: An nga hurun á lagi tchod’a, an min nga zlad’a kurun á lagi ndaka. Ar nge nge pî adigagi mi ar tit mam mba tchod’a woyo, ar agi djogogi tit magid’a ki sun magi d’a led’a.

Jeremi 24:9

An mba ni mbud’uzi vama ndjendjed’a, vama hohoud’a, vama ngula, vama sanda, vama lasa ki vama ge vuna ir suma kur leu d’a yam andagad’ina pet ata yima lara ge ma an mba ni ndjoyôzi woi kuana.

Jeremi 25:5

Azi nga dagi ala: Agi hulongôgïya, nge nge pî mi ar tit mam mba tchod’a ki sun mam mba asa’at ta mi lata woyo. Hina wani, agi mba kagagi kur andaga d’a Ma didina mi hat mabuyogi ngolo zlapa ki agi adjeu dei gak didinda.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Jeremi 3:14

Ma didina mi dala: Agi gro suma tchagi tatana, agi hulongôgïya, kayam an ni ma ngol magina. An mba ni yogiya, ni hle tu kur azì ma ngolâ, ni yo mbà ad’u andjaf ma tuna á i ki sed’egi Siyon.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 36:3

Dam suma Juda-na a mba hum zla d’a tcho d’a an ngat kurun á lazizid’a tala a mba hulongî nge nge pî mba mi ar tit mam mba tchod’a, an mba ni vat hurun ndei yam tchila mazid’a ki tcho mazid’a zi ge d’a.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Jeremi 7:3

Ma didin ma ad’engêm kal petna, Alona hi Israel-lîna mi dala: Agi minigi lovot magid’a ki sun magi d’a led’a. Hina wani, an mba ni aragi agi kagagi kur yima wana.

Jeremi 7:5

Le agi minigi lovot magid’a ki sun magi d’a led’a gagazi, le agi kagi sariya d’a gagazid’a aduk tagi gagazi,

Jeremi 7:7

an pî mba ni aragi agi kagagi kur yima wana, kur ambas sa an hat mabuyogi ngolo adjeu dei ki irazi fafata mi.

Ezekiyel 11:18

Fata agi hulongôgi kuruta, agi mba yogi sun nda tchod’a ki sun nda ndjendje d’a lara ge pet tei kurud’u.

Ezekiyel 18:13

le nga mi he va mi sa ki mbina, le nga mi hal mbina abo sana ni, gor máma mba mi kak karid’a zu? Mba mi kak karid’a d’i. Le nga mi le sun nda ndjendje d’a hina d’a ped’u ni, gagazi, a mba tchumu. Mi tchi tamî vamu.

Ezekiyel 43:9

Ki tchetchemba, azi mba ar sun mazi d’a batranga woi avoronu, a mba hut mad’a amulei mazina woi dei ki sed’en mi. Ata yi máma an mba ni kak adigazi ki iran fafat.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Wana ni mbaktumba hi Oze-d’a 2:2

Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Wana ni mbaktumba hi Oze-d’a 7:16

Azi nga hulongîya, wani nga ni gen an Ma sä akulo ma kal teglesâ d’i, Azi ni d’igi yeû d’a bringîzlinga na, amulei mazina a mba puk kä avun ayî ma durâ, kayam zla d’a de d’a tcho d’a ndavunazid’a. Ni kayam ndata ba, a mbut vama sanda yam andaga d’a Ezipte-d’a.

Joel 2:12

Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Zakari 1:4

Ar agi lagi d’igi abuyogi ngolo suma adjeuna na d’i. Suma djok vuna a dazi ala: Ma didin ma ad’engêm kal petna mi dala: Agi hulongôgï woi kur sun magi d’a tchod’a, kur tit magi d’a ata yat tuo d’a. Wani azi hum nga d’i, a djib’er nga yam zla d’a an Ma didina ni data d’uo mi.

Gat ta a hat á mbàd’id’a 27:15

Sama mi langus vama tcheta mi yor kawei mala ni sun nda ndjendje d’a sana mi lat kabom kur d’al mamid’a ba, mi tinit nga gumun á kud’urod’u ni, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 4:30

Ahle ndazina a mba mba kagiya. Kur yor ta magid’a agi mba hulongôgi gen Ma didina Alo magina, agi mba humum vunam mi.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.

1 Samuel 7:3

Samuel mi de mi Israel-lâ ala: Le agi hulongôgï gen Ma didina ni ki hurugi tu ni, agi aragi bei kud’or alo d’a a yat ala Astarte-d’a kalo ma dingâ pet teyo. Agi zlabagi ki Ma didina, agi kud’uromî mam tu go. Hina wani, mam mba mi sud’ugi woi abo Filistê-na.