Jeremi 39:5 - Bible azumeina

⁵ Wani azigar suma Babilon-na a digizi ad’uzi gak a ve Sedekiyas sä hur ful la Jeriko-d’a. A vumu, a im mi Nebukanezar amul ma Babilon-na avo Ribla kur ambas sa Hamat-ta. Nebukanezar mi kam sariyad’a kam ata yi máma.

Jeremi 39:5 Kruisverwysings

2 Samuel 8:9

Toi amul ma Hamat-na mi hum ala David mi kus wa yam azigarâ hi Hadadezer-râ pet!

2 Amuleina 17:24

Amul ma Asiri-na mi yoï suma Babilon-na, suma Kuta-na, suma Ava-na, suma Hamat-na ki suma Sefarvayim-ma, mi tchuguzi kur ambas sa Samari-d’a balum Israel-lâ. Azi hlazì ma ngol ma Samari-na, a kak kur azì mat ma nglona pet.

2 Amuleina 23:33

Faron Neko mi vum mi djinim ki kindjingâ avo Ribla yam andaga d’a Hamat-ta, kayam mi tamula avo Jerusalem mbuo d’a. Ata yi máma Faron Neko mi tin tara yam suma kur ambasina kawei ma hapma tonna hindi, lora kilona dok hindi mi.

2 Amuleina 25:6

Suma Babilon-na a vumu, a im mamul ma Babilon-na avo Ribla. Mi kam sariyad’a kam ata yi máma.

2 Sunda Hamuleinid’a 33:11

Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

Isai 22:3

Mang suma nglona a yo ringâ ki zla tazi pet, suma yet yeûd’a, a yozi magomba, suma a nga kaka kurungâ pet, a yozi magomba, suma a ring ngei deina pî, a yozi magomba mi.

Jeremi 21:7

Bugola, an mba ni he Sedekiyas amul ma Juda-na kazungeî mama zlapa ki suma kur azì ma ngolâ suma a mba sut abo tugud’ei d’a tcho d’a tchi matna kayî ma durâ ki baktarad’ina, abo amul ma Babilon-na, abo mazi suma djangûna, abo suma a nga halazi á tchid’ina mi. Nebukanezar mba mi tchazi bei wazi hohowoziya, mba mi keng sa woi tu d’i, mba mi djib’er kazi d’uo mi. An Ma didina ni de na.

Jeremi 24:8

Zlad’a yam tulum ma tcho ma mi ndak á ted’a d’uo na ba wana: An mba ni le ki Sedekiyas amul ma Juda-na ki mam suma sunda ki suma a ar avo Jerusalem suma a ar kur ambas sa wandina ki suma a nga kaka Ezipte-na ni hina dedege mi.

Jeremi 38:18

Wani le ang nde d’ugol nga suma nglo suma hamul ma Babilon-nina d’uo ni, a mba hazì ma ngol ma wana abo suma Babilon-na, a mba ngalam mbei kakud’a, ang mba sut abozi d’uo mi.

Jeremi 38:23

Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.

Jeremi 4:12

Ni simet ma ngol ma tcholï sä hî ata ana. Ki tchetchemba, an nga ni de sariyad’a ki sed’eziya.

Jeremi 44:30

An mba ni he Faron Hofra amul ma Ezipte-na abo mam suma djangû suma a nga halam á tchid’ina d’igi an he Sedekiyas amul ma Juda-na abo Nebukanezar amul ma Babilon mam ma djangû ma nga mi halam á tchid’a adjeuna na mi.

Jeremi 49:23

Wana ni zla d’a a dat yam Damas-sa: Suma Hamat-na ki suma Arpat-na a mbut zulona, kayam azi hum zla d’a de d’a tchod’a, azi tchuk susub’ok. A nga djulul d’igi alum ma ngol ma nga mi tchol b’et tuo na na.

Hor ma tchina 1:3

Suma Juda-na a iziya wa magomba, a hulongôzi wa yazi kä, a nga le sun nda magom mba kal teglesa. A nga kaka aduk andjaf suma dingâ, a nga fe lovota á tuk tazi d’i! Suma a djobozi vunazina pet a mba, a nga lazi ndak ka kal kazid’a.

Hor ma tchina 4:20

Ma ei nga ki arid’a kama, ni ma Ma didina mi manam mi tinim amulina, ni mam ba, ei nga dei kam ala ei nga ni kaka ad’u anguzumu, ei mba kagei aduk andjaf suma kamu na, gola, a vum wa ki dau mazina!

Ezekiyel 23:24

Azi nga djï atak durâ kahle suma sïna ki pus ma dur ayîna ki pus ma dingâ teteng mi. Suma ablaud’a mimiyâk a nga min tazi kak á durâ ki mbarei d’a nglod’a ki mbarei d’a gureid’a ki djumba. An mba ni hazi sariyad’a aboziya, azi mba kak sariyad’a kak yam gat mazid’a.

Habakuk 1:7

Azi ni suma tcho suma kal lei papa suma suma a nga lazi mandarazina, kur subur ta mazid’a gat mazid’a tcholî ata azi tazid’a.

Ndumba 13:21

Sum ndazina a i á d’u ambasa, a tinï ad’ud’a hur ful ma Tisin-na dei gak a mba Rehop go ki Hamat.

Josue 13:5

kambasa hi suma Giblos-sîd’a, ki Liban nda abo ma yorogonid’a tinï ad’ud’a Bäl-Gad ad’u ahina d’a Hermon-nda dei gak mba avun azì ma Hamat-na,

Josue 4:13

Suma dur ayî suma a min tazi á durâ ndazina, a ni go ki 40.000. Sum ndazina a kal avok Ma didina, a i irazi hur ful la Jeriko-d’a.

Josue 5:10

Israel-lâ a ve kangâ Gilgal, a le vun til ma Pa’â kur bur ma dogo yam fid’ina hi til mámina ki fladeged’a hur ful la Jeriko-d’a.

Suma ka sariyad’a 3:3

Suma a arazi kaka kur ambasina namulei suma Filistê suma vahlâ, suma Kanan-na, suma Sidon-na ki suma Hef suma a nga kaka yam ahina d’a Liban-ndina pet, tinï ad’ud’a yam ahina d’a Bäl-Hermon-nda dei gak mba avun agre’â hi Hamat-na.