Jeremi 39:2 - Bible azumeina

² Kur biza d’a dogo yam tu d’a Sedekiyas nga mi tamulid’a kur bur ma zlengîna hi til ma fid’inina, azigar suma Babilon-na a tcho ir gulumuna hazì ma ngolîna.

Jeremi 39:2 Kruisverwysings

Jeremi 1:3

Mi dum zlad’a kur atchogoi d’a Jojakim Josiyas goroma amul ma Juda-na nga mi tamulid’a, gak mba kur dabid’a hi biza d’a dogo yam tud’a hi Sedekiyas Josiyas goroma amul ma Juda-nid’a, gak mba kur atchogoi d’a a yo suma Jerusalem-ma magomba kur til ma vahlâ hi biza ndatina.

Jeremi 32:1

Ma didina mi de zlad’a mi Jeremi kur biza d’a dogo d’a Sedekiyas amul ma Juda-na nga mi tamulid’a, ni kur biza d’a dogo yam klavandi d’a Nebukanezar nga mi tamulid’a mi.

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 37:8

Suma Babilon-na a mba hulongî a mba á dur azì ma ngol ma wana, a mba hlumu, a mba ngalam mbei kakud’a.

Jeremi 5:10

Agi igi kur asine mat ma guguzlud’a, agi b’lagam mbeyo, wani agi b’lagam mbei pet ti. Agi tchawagi abo guguzlu mata woyo, Kayam azi nga ni suma hi an Ma didinina d’i.

Ezekiyel 33:21

Kur biza d’a dogo yam mbàd’a bugol la a yomi magombid’a, kur bur ma vahlâ hi til ma dogonina, sama mi sud’ï woi avun ayîna kid’a a hle Jerusalem-mbina mi mba mi dan ala: Azì ma ngolâ a hlum wa!

Ezekiyel 4:3

Ang hle taza ma kaweina, ang tinim d’igi gulumuna na adigagi kazì ma ngol máma, ang i irang kam á durâ, ang nguyum kä. Wana ni vama taka yam Israel-lâ.

Ezekiyel 5:2

Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka.

Sofoni 1:10

An Ma didina nga ni dagiya: Kur bur máma a mba humï tchina avun agrek ma Kulufâ, a mba humï wulula ir palumba habo azì ma awilina hazì ma ngolîna. Ni b’lak ka ngol la yam yima ndingîd’a.

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.