Jeremi 39:18 - Bible azumeina

¹⁸ An mba ni sud’ung ngeyo, a mba tchang avun ayîna d’i. Ari manga mba d’i mbut ni d’igi va mang ma ang hurumï avun ayînina na, kayam ang tin hurung kanu. An Ma didina ni de na.

Jeremi 39:18 Kruisverwysings

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

Wana ni mbaktumba hi Job-pa 5:20

Mba mi sud’ung ngei avun matna kur yima baktarad’a, mba mi sud’ung ngei avun mbigeu d’a fiyaka kur ayî ma durâ mi.

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Sawal la giled’a 33:18

Wani Ma didina iram nga tinda yam suma a lum mandarama, yam suma tin huruzi yam o mam mba didinda

Sawal la giled’a 34:22

Sama asa’atna mba mi mit yam asa’at mamba, suma a kak djangûna ki sama d’ingêrîna, Ma didina mba mi kazi sariyad’a kaziya.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Sawal la giled’a 84:12

Ma didina, Alo mamina, angî afata, angî mbareid’a, angî ma ve sumad’a, angî ma subur suma, ang nga d’el djivi manga mi suma a nga tit d’ingêr avorongâ d’i.

Sawal la giled’a 91:7

Le suma a tchuk kä geveng dubu, dudubu dogo ata bigang nga ndjufa pî, ang va mba mi lang ngi.

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Jeremi 21:9

Sama lara ma mi ar kaka kur azì ma ngol ma wanina, a mba tchum avun ayîna ki baktarad’a ki tugud’ei d’a tcho d’a tchi matna. Wani sama mi nde woi mi i gen suma Babilon suma a nguyugi kä na, mba mi sut tam d’igi sama a vumï hurumba avun ayînina na.

Jeremi 38:2

Ma didina mi dala: Sama mba mi ar kaka kur azì ma ngol ma wanina, a mba tchum kayî ma durâ d’oze ki baktarad’a d’oze ki tugud’ei d’a tcho d’a tchi matna, wani sama mba mi nde woi á i aduk suma Babilon-nina mba mi sut tamu; ari mamba mba d’i mbut ni d’igi va mam ma mi hurumumï avun ayînina na, mba mi kak karid’a mi d’a.

Romê-na 2:12

Suma pet suma a le tchod’a bei we gata hi Moise-sina, a mba ba woi ni bei gat ndata. Wani suma pet suma a we gata hi Moise-sa suma a le tchod’ina, gat ndata mba d’i kazi sariyad’a kazi mi.

Efes-sâ 1:12

Kayam ndata, ei suma tini huri avok dei yam Christ-sâ, ar ei mbud’i ni suma a tak subura hAlonid’a woina.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.