Jeremi 38:6 - Bible azumeina

⁶ Ata yi máma sum ndazina a ve Jeremi, a gum kur golong nga adjeud’a hi Malkiya amulâ goroma d’a nga kur gulumuna hi suma ngom yinid’a, a sirim kä ki ziyona. Mbina mi nga kur golong ndata d’i, wani dorbopma nga kuru. Jeremi mi rot kä aduk dorbopma.

Jeremi 38:6 Kruisverwysings

Ad’u Tinda 37:24

Azi vumu, a gum kur golong nga adjeud’a; golong ndata hurut ni sod’a, mbiyo nga kur ri.

Sawal la giled’a 109:5

An nga ni lazi djivid’a, wani azi nga hulong lan tchod’a; an nga ni le od’a kaziya, wani azi nga noyônu.

Sawal la giled’a 40:2

An tin hurun yam Ma didina; mi mbut iramu, mi hum tchi mana mi.

Sawal la giled’a 69:2

Alo mana, ang sud’unu, kayam ndaka mba kelen ta d’igi mbina mi mba kel sana ta na.

Jeremi 32:2

Ata yi máma azigar suma Babilon-na a mba ngui Jerusalem, ma djok vun Alona Jeremi mi nga kur gong nga dangeina kur azì ma amula hamul ma Juda-na.

Jeremi 36:26

Amulâ mi he vuna mi Jeramel amulâ goroma, Seraya Asriyel goroma ki Selemiya Abadel goroma ala a i yoï ma b’ir mbaktumba Baruk azi ki ma djok vun Alona Jeremi. Wani Ma didina mi ngeyeziya.

Jeremi 37:16

Ni hina ba, a ge Jeremi kur gong nga dangei d’a kä aduk andagad’id’a, mi kak kua tatâ.

Jeremi 37:21

Amulâ Sedekiyas mi he vuna ala a ngom Jeremi kur gulumuna hi suma ngom yinina, ar a hum avungôna hi suma le avungôna ir palumbina gak avungô ma kur azì ma ngolîna mi dap tua. Ni hina ba, Jeremi mi ar kaka kur gulumuna hi suma ngom yinina.

Jeremi 38:13

A tanï Jeremi akulo woi ki ziyona, a ndumï woi kur golonga. Jeremi mi ar kaka kur gulumuna hi suma a ngom yinina.

Jeremi 38:22

Aropma pet suma a mba ar kur azì ma amula hamul ma Juda-nina, a mba izi mi suma nglona hamul ma Babilon-nina, a mba de kang ala: Buniyôngâ a lobongû, a te wa kangû! Aseng mi rot wa kä aduk dorbopma, azi hang wa azigaziya mi!

Daniel 6:16

Kayam ndata, amulâ mi he vuna ala a mbeï ki Daniel, a gum kä kur zula hazlonid’a. Amulâ mi de mi Daniel ala: Alo mang ma ang nga lum sunda ki ve tad’ina, mi prud’ung ngeyo!

Zakari 9:11

Ma didina mi dala: Yam vun man ma djin ma ki sed’egi yam buzuna hi vama ngat buzunina, an mba ni tchuk magi suma a nga kä kur golong nga bei mbina ba d’ina akulo.

Sunda hi suma a sunuzinid’a 16:24

Kid’a mi hum gat mazid’a humba, mi tchuguzi kur gong nga dangei d’a azuta, mi tchuguzi aleina asezi mi.

Hebre-na 10:36

Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama.