Jeremi 38:20 - Bible azumeina

²⁰ Jeremi mi hulong dum ala: Azi mba hang abozi d’i. Ang hum dela hi Ma didina d’a an nga ni dangzid’a, va mba lang ngi, ang mba sud’a.

Jeremi 38:20 Kruisverwysings

Ad’u Tinda 12:13

An nga ni dagu, ndak dazi ala nda’î wiyenda, kayam azi lan djivid’a kagu. Hina wani, azi mba aran bei tchid’a kagu.

Ad’u Tinda 19:20

Ang gol azì ma wana ni go, mi gogora, an i ni ngei tan kua; kayam mi gogora an i sut tan kua d’uo zu?

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

Zla d’a d’ogolâ 4:4

Nga mi had’an mi dan ala: Ar ang ve zla manda kurungû, ang tit yam gat man nda tetenga. Hina wani, ang mba kak karid’a.

Zla d’a d’ogolâ 7:2

Ang ngom vun man ma hed’a kayam ang kak karid’a, ang ngom hat manda d’igi irang nga aduka na mi.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Jeremi 11:4

Ni vun ma djin ma an djinim kabuyogi ngolo ata yima an buzuguzï woi kur ambas sa Ezipte-d’a d’igi für ma kaweina na na, an dazi ala: Agi humugi vama an hagi vuna kama, agi tid’igi yam vama an hagi vuna kama mi. Hina wani, agi mba mbud’ugi sum mana, an mba ni arî Alo magina mi.

Jeremi 11:8

Wani azi a humun nga vunan ndi, a tin nga humazi á humba d’uo mi. Azi pet nge nge pî mi tit ni yam djib’er mam mba yam mba ad’enga kurum krovo d’a bei wad’ud’id’a. Kayam ndata, an tinizi zlad’a hi vun ma djin ma an hazi vuna kam ala a tit kamu na kazi pet, wani azi tit nga kam mbi.

Jeremi 26:13

Ki tchetchemba, agi djogogi tit magid’a ki sun magi d’a led’a, agi humugi dela hi Ma didina Alo maginid’a mi. Hina wani, Ma didina mba mi ar tcho d’a mam ngat kurum á lagizid’a woyo.

Jeremi 38:21

Wani le ang noî á d’uguloziya ni, wana ni zla d’a Ma didina mi ndandji woid’a:

Jeremi 7:23

Wani vun ma an hazizina ba wana: An dazi ala: Agi humun vunanu. Hina wani, an mba ni arî Alo magina, agi mba kagi ni sum mana mi. Agi tid’igi kur lovot ta an hagi vuna kata, agi mba kagagi ki furîd’a mi.

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Amos 5:4

Ma didina mi de mi Israel-lâ ala: Agi halan-ngïya, va mba mi lagi d’i.

Amos 5:6

Le agi min va mi lagi d’uo ni, agi halagi ni Ma didina. Agi andjafâ hi Josef-fâ, le hina d’uo ni, mba mi fo d’igi akud’a na; mba d’i ngal Betel lei pet bei fe sama tchat teina ba.

Sunda hi suma a sunuzinid’a 26:29

Paul mi dum ala: An nga tchen Alona le ar go d’oze sä dei pî, nga ni kayam ang hol li, wani kayam agi pet suma a humun inina, agi mbud’ugi d’igi an na, wani kur kindjing ma wana d’i.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.

2 Korente-na 5:20

Kayam ndata, ami mbud’umi suma sunda vrak balum Christ d’igi Alona tamba mi yagi yam wal mami d’a tchid’a na. Ami nga tchenegi ki simiyê Christ ala: Ar agi zlabagi darigïd’a kAlona.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Jacques 1:22

Wani agi lagi sunda yam zlad’a hAlona d’a a dagizid’a, ar agi lobogi tagi á humba hawa go d’i.