Jeremi 38:13 - Bible azumeina

¹³ A tanï Jeremi akulo woi ki ziyona, a ndumï woi kur golonga. Jeremi mi ar kaka kur gulumuna hi suma a ngom yinina.

Jeremi 38:13 Kruisverwysings

Ad’u Tinda 37:28

Wani ata yima suma mbut abozi suma Madiyan-na a nga kalâ, Josef b’oziyoma a hlumï woi kur golong nga adjeud’a, a guzum mbei abo suma Ismael-lâ ir gurzu d’a hapa dok mbà; azi i ki sed’em Ezipte.

1 Amuleina 22:27

Ang dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

Nehemi 3:25

Palal Uzai goroma nga mi le sunda, tinï ad’ud’a ata kengâ, gak mi mba ngagad’a yam gulumun ma kongî huyok azina hamulîna, go kazina hi azigar suma a ngom azina hamulîna. Ma nga mi le sunda kama ni Pedaya Paros goroma.

Zla d’a d’ogolâ 29:10

Suma tchi matna, a nga min suma iratna d’i, wani suma d’ingêrâ a ngomozi ni ngoma.

Jeremi 26:16

Ata yi máma suma nglona kablaud’a pet a de mi suma ngat buzuna ki suma djok vuna ala: Sa máma mi ndak nga á tchid’a d’i, kayam mam dei ni zla d’a tcholï avun Ma didina Alo meinid’a.

Jeremi 32:2

Ata yi máma azigar suma Babilon-na a mba ngui Jerusalem, ma djok vun Alona Jeremi mi nga kur gong nga dangeina kur azì ma amula hamul ma Juda-na.

Jeremi 37:21

Amulâ Sedekiyas mi he vuna ala a ngom Jeremi kur gulumuna hi suma ngom yinina, ar a hum avungôna hi suma le avungôna ir palumbina gak avungô ma kur azì ma ngolîna mi dap tua. Ni hina ba, Jeremi mi ar kaka kur gulumuna hi suma ngom yinina.

Jeremi 38:12

Ebet-Melek ma Etiyopi-na mi de mi Jeremi ala: Ang tin baru d’a adjeu d’a d’ut ndata ad’u ahlabang kä yam ziyona. Jeremi mi le hina mi.

Jeremi 38:28

Jeremi mi ar kaka kur gulumuna hi suma a ngom yinina gak bur ma a hle Jerusalem-ma.

Jeremi 38:6

Ata yi máma sum ndazina a ve Jeremi, a gum kur golong nga adjeud’a hi Malkiya amulâ goroma d’a nga kur gulumuna hi suma ngom yinid’a, a sirim kä ki ziyona. Mbina mi nga kur golong ndata d’i, wani dorbopma nga kuru. Jeremi mi rot kä aduk dorbopma.

Hor ma tchina 3:58

Salad’a, ang ndjun wa kanu, ang sud’un ndei mi.

Sunda hi suma a sunuzinid’a 23:35

mi dum ala: Suma a kal kangâ, le a mba wa ni, an mba ni hum ad’u zla manga. Mi hazi vuna kam ala a ngomom kur azina hamulâ Herot-na.

Sunda hi suma a sunuzinid’a 24:27

Wani kid’a bizad’a mbà ndak dad’a, Porsiyus Festus mi vrak balum Felix. Wani kayam Felix mi min á le Juif-fâ tazi djivid’a, mi ar Paul kur dangeina.

Sunda hi suma a sunuzinid’a 28:16

Kid’a ami mbami sa Rom-mba, suma te yamba a ar Paul á kak vam tu ki azigar ma ngomoma.

Sunda hi suma a sunuzinid’a 28:30

Paul mi kak bizad’a mbà kur gong nga mam nga wurak kata. Nga mi ve suma a nga mba gevema pet atamu.