Jeremi 38:10 - Bible azumeina

¹⁰ Amulâ mi he vuna mi Ebet-Melek ma Etiyopi-na ala: Ang yo suma ad’ung dok hindi á i hleï Jeremi ma djok vun Alona woi kur golonga, ar mi mit ti.

Jeremi 38:10 Kruisverwysings

Ester 5:2

Ata yima amulâ mi wamula Ester ti nga tchola krovo hur azinina, tam lum djivid’a kad’u, mi mad’at yam totogo d’a lor ra nga abomba. Ester ti hut go, ti dot vunad’u.

Ester 8:7

Amulâ Asuwerus mi de mi Ester azi ki Mardose ma Juif-fâ ala: Gola! An he wa azina hi Haman-na mi Ester, mam tamba a gabam wa akulo ata aguna, kayamba mi kak djangûna ki Juif-fîd’a.

Sawal la giled’a 75:10

Wani anu, an mba ni de woi burâ ki burâ yam sun mang nga ang lata, an mba ni hle sawala á gileng ang Alona hi Jakob-ma ala:

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Jeremi 38:11

Ebet-Melek mi yo suma ad’um dok hindi, mi i kur azì ma amula kä ad’u yima ngom ahlena, mi yoï baru d’a adjeu d’a d’uta, mi sirit sä kä mi Jeremi ki ziyona kur golonga.

Jeremi 38:7

Wani Ebet-Melek ma Etiyopi-na, ni adimbang ma kur azì ma amulina, mi hum ala a ge wa Jeremi kur golong nga adjeud’a. Amulâ mi nga kaka avun agre’â hi Benjamin-nina.

Jeremi 38:9

Salana amul mana, sum ndazina a le ni sun nda tchod’a ki ma djok vun Alona Jeremi kayam a gum kur golonga. Mam mba mi mit kua, kayam avungô nga kur azì ma ngolâ d’uo d’a!