Jeremi 37:15 - Bible azumeina

¹⁵ Suma nglona huruzi mi zal ata Jeremi, a tomu, a gum dangeina avo hi Jonatan ma b’ir mbaktumba, kayam a mbud’um gong mamba gong nga dangeina.

Jeremi 37:15 Kruisverwysings

Ad’u Tinda 39:20

Mi ve Josef, mi gum klavi ata yima amulâ tchuk sum mama dangeina kuana; Josef nga kaka kur dangeina.

2 Sunda Hamuleinid’a 16:10

Asa hurum zal yam ma djok vun máma, mi gum dangeina, kayam hurum mi zal yam zla d’a ma djok vuna mi dumzid’a. Kur biza ndata, Asa mi nde djop vun suma dingâ aduk suma mi.

2 Sunda Hamuleinid’a 18:26

Agi i dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

Jeremi 18:23

Wani Ma didina, ang we ndjak vun mazi ma a ndjagam kan á tchana pet. Ar ang vat hurung ngei yam tchila mazid’a d’i, ar ang has tcho mazid’a woi avorong ngi. Ar azi puka avorongû, ar hurung zal kaziya.

Jeremi 26:16

Ata yi máma suma nglona kablaud’a pet a de mi suma ngat buzuna ki suma djok vuna ala: Sa máma mi ndak nga á tchid’a d’i, kayam mam dei ni zla d’a tcholï avun Ma didina Alo meinid’a.

Jeremi 32:2

Ata yi máma azigar suma Babilon-na a mba ngui Jerusalem, ma djok vun Alona Jeremi mi nga kur gong nga dangeina kur azì ma amula hamul ma Juda-na.

Jeremi 37:20

Ki tchetchemba, salana amul mana, an nga ni tchenengû, ar ang hum tchen man nda hud’a, ar ang hulongôn kur gong nga dangeina avo hi Jonatan ma b’ir mbaktumba tala an mit sä kua d’a d’i.

Jeremi 37:4

Ata yi máma Jeremi nga mi ngui tita aduk suma, kayam azi gum nga kur gong nga dangeina d’uo tua.

Jeremi 38:26

ang hulong dazi ala: An mba ni i ki tchen man nda hud’a avok amulâ tala mi sunun kur gong nga dangeina avo hi Jonatan sun ba, an mittcha kua d’uo d’a.

Jeremi 38:6

Ata yi máma sum ndazina a ve Jeremi, a gum kur golong nga adjeud’a hi Malkiya amulâ goroma d’a nga kur gulumuna hi suma ngom yinid’a, a sirim kä ki ziyona. Mbina mi nga kur golong ndata d’i, wani dorbopma nga kuru. Jeremi mi rot kä aduk dorbopma.

Jeremi 39:15

Ata yima Jeremi mi nga d’ela kur gulumuna hi suma a ngom yinina tua na, Ma didina mi dum ala:

Matiye 21:35

Suma sunda a yo azungeî mama, a to ma hina, a tchi ma hina, a dur ma hindina kahinad’a mi.

Matiye 23:34

Kayam ndata, an nga ni sunugi suma djok vuna azi ki suma ned’a ki suma hat gata. Agi mba tchagi suma dingâ, agi mba b’alagi suma dingâ akulo ata aguna, agi mba togi suma dingâ kur gongîyo magi suma toka, agi mba digigi suma hiuna á lazi ndaka kur azina kur azina mi.

Wana ni Zla d’a Djivi d’a Luc mi b’irita 22:64

Azi d’ud’um iram mbei ki barud’a, a djobom ala: Ang damiya, sama tongî nge ge?

Jean 18:22

Kid’a mi de hina dad’a, ma dingâ aduk suma a ngom yina suma a nga tcholina, mi tumum iramu, mi dum ala: Ang hulong zla d’a ded’a mi ma ngol ma ngat buzuna ni hina zu?

Sunda hi suma a sunuzinid’a 5:18

Azi yo suma a sunuzina, a tchuguzi dangeina.

Sunda hi suma a sunuzinid’a 5:28

Ami d’elegi ala: Agi had’agi ki simiyê sa máma d’i. Gola! Hat magid’a b’rau wa woi kur Jerusalem pet. Agi min á mbagi ki buzuna hi sa mámina kami zu?

Sunda hi suma a sunuzinid’a 5:40

Azi hum zla mamba. Ata yi máma a yï suma a sunuzina, a toziya, a gad’azi ala: Ar agi dagi zlad’a ki simiyê Jesus d’i, a arazi a iya.

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.