Jeremi 36:9 - Bible azumeina

⁹ Kur biza d’a vahl hla Jojakim Josiyas goroma amul ma Juda-na nga mi tamulid’a, kur til ma zlengîna a tchi wala yam bur ma d’el tad’a bei te tena avok Ma didina yam suma Jerusalem-ma ki suma a mbeï kur azì ma nglo ma Juda-na avo Jerusalem-ma pet mi.

Jeremi 36:9 Kruisverwysings

2 Sunda Hamuleinid’a 20:3

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

Nehemi 9:1

Kur bur ma dok mbà yam fid’ina hi til mámina, Israel-lâ a tok taziya, a d’el tazi bei te tena, a tchuk baru d’a ndjondjorod’a ataziya, a tchuk andagad’a kazi mi.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Jeremi 36:1

Kur biza d’a fid’i d’a Jojakim Josiyas goroma amul ma Juda-na nga mi tamulid’a, Ma didina mi de zlad’a mi Jeremi ala:

Jeremi 36:22

Ni kur til ma zlengîna ni yima ab’lenga amulâ mi nga kaka kur gonga, mi tchuk nga akud’a ki gordjona avorom nga d’i ngala.

Jeremi 36:6

Ang tanga i ndumuzi zlad’a hi Ma didina d’a an dangzi ki yan ang b’irit kur mbaktum mba d’utid’a avok suma kur gong ndatina kur bur ma a d’el tazi bei te tenina, ang ndumut avok suma Juda suma a nga buzugï kur aziyazi ma nglonina pet mi.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Joel 1:14

Agi tchagi wala yam d’el tad’a bei te tena, agi togogi tok ka a tinit irat vata, agi togogi suma nglona ki suma kur ambasina pet kur gong nga kud’ora hi Ma didina Alo maginid’a, agi tchenem tchen nda hud’a mi.

Sunda hi suma hi Levi-nid’a 23:27

Kur bur ma dogona hi til ma kid’iziya mámina, ni bur ma a zlup yam tchod’a kuana. Agi togogi tok ka a tinit irat vata á kud’uronu, agi mbud’ugi tagi hohoud’a, agi hagi ahle suma ngat buzu suma ngala mi an Ma didina.

Jonas 3:5

Suma Ninif-fâ a he gagazid’a yam Alona, a d’el tazi bei te tena pepet; suma beged’a ki suma houd’a a tchuk baru d’a dodora ataziya.

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Suma ka sariyad’a 20:26

Israel-lâ pet kablau suma pet a mba Betel, a kak kua avok Ma didina, a d’el tazi bei te tena gak fladege, a hum he d’a hawa d’a ngala ki he d’a hawa d’a ngat buzu d’a zlap darigïd’a mi.

1 Samuel 7:6

Azi tok avo Mispa, a gul mbina, a vom mbei avok Ma didina, a d’el tazi bei te tena. Kur bur máma a de woi ala azi le tchod’a avok Ma didina. Navo Mispa ba, Samuel mi kak ma ngolâ avok Israel-lâ.