Jeremi 36:5 - Bible azumeina

⁵ Bugola, Jeremi mi he vuna mi Baruk ala: Gola! An ni d’ela, an ndak á i kur gong nga kud’ora hi Ma didinid’a d’i.

Jeremi 36:5 Kruisverwysings

Nehemi 6:10

An i avo hi Semaya Delaya gorom ma Mehetabel gorom ngolonina, ni ma nga d’ela avona. Mi dan ala: Ei i kur gonga hAlonid’a kur yima a tinim iram vama, ei dugi vuna keya, kayam mang suma djangûna a nga mba á tchangû. Gagazi, a nga mba ini andjege á tchangû.

Sawal la giled’a 88:8

Ayî mangâ mi nek kanu, abiling van batei. Tchol ndjö

Jeremi 20:2

Ata yi máma mi to Jeremi, mi vum mi gum aleina asem avun agrek ma akulo nding ma Benjamin ma kur gong nga kud’ora hi Ma didinid’ina.

Jeremi 32:12

An he mbaktum ndata mi Baruk Neriya gorom ma Mäseya gorom ngolonina avok Hanamel abun ma dingâ goroma, avok suma glangâs suma a tin abozi kur mbaktum mba gusina, avok Juif suma a nga kur atrang nga dangeinina mi.

Jeremi 32:2

Ata yi máma azigar suma Babilon-na a mba ngui Jerusalem, ma djok vun Alona Jeremi mi nga kur gong nga dangeina kur azì ma amula hamul ma Juda-na.

Jeremi 33:1

Kid’a Jeremi mi nga kur dangeina tua d’a, Ma didina mi dum yam á mbàd’a ala:

Jeremi 37:15

Suma nglona huruzi mi zal ata Jeremi, a tomu, a gum dangeina avo hi Jonatan ma b’ir mbaktumba, kayam a mbud’um gong mamba gong nga dangeina.

Jeremi 38:28

Jeremi mi ar kaka kur gulumuna hi suma a ngom yinina gak bur ma a hle Jerusalem-ma.

Jeremi 38:6

Ata yi máma sum ndazina a ve Jeremi, a gum kur golong nga adjeud’a hi Malkiya amulâ goroma d’a nga kur gulumuna hi suma ngom yinid’a, a sirim kä ki ziyona. Mbina mi nga kur golong ndata d’i, wani dorbopma nga kuru. Jeremi mi rot kä aduk dorbopma.

Jeremi 40:4

Ki tchetchemba, an nga ni wiled’eng kindjing ma abongâ woyo. Le djivid’a irang á i ki sed’en Babilon-nu ni, ang iya. An mba ni tin iran kangû. Le nga djivid’a irang á i ki sed’en Babilon nduo ni, ang kaga. Gola! Ambasa avorong wan petna. Ang i ata yima lara ma mi nde irang á id’ina.

2 Korente-na 11:23

Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

Efes-sâ 3:1

Kayam ndata, an Paul ma dangei ma yam Jesus Christ yam agi andjaf suma dingîna, an nga ni tchen Alona kagiya.

Efes-sâ 6:20

Kayam Zla d’a Djivid’a, an vrak blangâm kur dangeina. Agi tchenegi Alona kan á de zlad’a bei mandarâ ba, tala ndak á ded’a d’a.

2 Timote 2:9

Kayam zla ndata, an nga ni fe ndaka gak a djinin ki kindjingâ d’igi sama sulu’â na. Wani zlad’a hAlonid’a a djinit nga d’i.

Hebre-na 11:36

A las suma dingâ ki sanda, a to suma dingâ ki blafâ, suma dingâ a djinizi ki kindjingâ, a tchuguzi dangeina mi.