Jeremi 36:14 - Bible azumeina

¹⁴ Ata yi máma suma nglona ki zla tazi pet a sun Jehudi Netaniya gorom ma Selemiya gorom ngolona ni Kusi gorom ngolo ma mbàna ata Baruk á dum ala: Ang hleï mbaktum mba d’ut ta ang ndumut avok sumid’a, ang mbeï ki sed’ed’u. Baruk Neriya goroma mi hle mbaktum mba d’ut ndata abomu, mi i ki geveziya.

Jeremi 36:14 Kruisverwysings

2 Amuleina 25:23

Suma nglona ki sum mazina a hum ala: Amul ma Babilon-na mi tin wa Gedaliya á te yam ambasa. Kayam ndata, a i gen Gedaliya avo Mispa. Azi ni Ismael Netaniya goroma ki Johanan Kareya goroma ki Seraya Tanhumet gorom ma Netofa-na ki Jäzaniya ma Mäka-na goroma zlapa ki sum mazina mi.

Jeremi 36:2

Ang hle mbaktum mba d’ut ta hawad’a, ang b’ir zla d’a pet ta an dangzi adjeu yam Israel-lâ yam suma Juda-na yam andjafâ pet tinï ad’ud’a kur bur ma an dang zlad’a kur atchogoid’a hi Josiyas-sa dei gak inid’a.

Jeremi 36:21

Amulâ mi sun Jehudi á hleï mbaktum mba d’ut ndata. Jehudi mi i mi hlad’ï kur gonga hi Elisama ma b’ir mbaktumbina, mi ndumut avok amulâ, avok suma nglona pet suma a nga tchola gen amulîna mi.

Jeremi 36:4

Jeremi mi yi Baruk Neriya goroma, mi dum zla d’a Ma didina mi dumzid’a ki yam pet, Baruk mi b’irit kä kur mbaktum mba d’uta pet mi.

Jeremi 40:8

Kayam ndata, a i gen Gedaliya avo Mispa. Sum ndazina ba wana: Ismael Netaniya goroma, Johanan ki Jonatan Kareya groma, Seraya Tanhumet goroma, Efai ma Netofa-na groma ki Jezaniya ma Mäka-na goroma zlapa ki sum mazina mi.

Jeremi 41:16

Johanan Kareya goroma ki azigar suma nglo suma a nga zlapa ki sed’ema pet a yo suma a ar avo Mispa suma mam prud’uzi abo Ismael Netaniya goroma ata yima mi tchi Gedaliya Ahikam goromina. Azi ni suma dur ayîna karopma ki gugureina ki adimbangâ suma Johanan mi hulongôzï Gabawon-na.

Jeremi 41:18

Azi nga le mandara suma Babilon-na, kayam Ismael Netaniya goroma mi tchi Gedaliya Ahikam gorom ma amul ma Babilon-na mi tinim á te yam ambasina woyo.

Sofoni 1:1

Wana ni zla d’a Ma didina mi dat mi Sofoni kur atchogoi d’a Josiyas Amon goroma nga mi tamula yam suma Juda-nid’a. Sofoni ni Kusi goroma, Kusi tamba ni Gedaliya goroma, ni Amariya gorom ngolona, ni Ezekiyas gorom ngolo ma mbàna.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.