Jeremi 36:12 - Bible azumeina

¹² mi i kur azì ma amula kur gonga hi ma b’ir mbaktumbid’a, ata yima suma nglona pet a nga kaka kuana, nala, Elisama ma b’ir mbaktumba, Delaya Semaya goroma, Elnatan Akbor goroma, Gemariya Safan goroma, Sedekiyas Hananiya goroma ki suma nglo suma dingâ pet mi.

Jeremi 36:12 Kruisverwysings

2 Amuleina 22:12

Amulâ mi he vuna mi ma ngol ma ngat buzuna Hilkiya ki Ahikam Safan goroma ki Akbor Mise goroma ki Safan mam ma b’ir mbaktumba ki Asaya mam ma sunda, mi dazi ala:

2 Amuleina 22:14

Ma ngol ma ngat buzuna Hilkiya ki Ahikam ki Akbor ki Safan ki Asaya a i avo hi d’a djok vun Alona Hulda d’a nga kaka avo Jerusalem kur kartiye d’a awilid’id’a. Natchad’a hi Salum ma Tikva gorom ma Harhas gorom ngolonina, ni ma ngom baru ma nga kur gong nga kud’orina. Azi vat ad’u zla d’a azi mba kata.

2 Amuleina 22:3

Kur biza d’a dogo yam klavandi d’a Josiyas nga mi tamulid’a, mi sun mam ma b’ir mbaktumba Safan Asaliya goroma Mesulam gorom ngolona kur gong nga kud’ora hi Ma didinid’a.

2 Amuleina 24:8

Kid’a Jojakin mi kak amulid’a, bizamî dogo yam klavandi. Mi tamula avo Jerusalem tilâ hindi. Asum a yat ala Nehusta ni Elnatan ma Jerusalem-ma goromba.

Jeremi 26:10

Kid’a suma nglo suma Juda-na a hum zla ndatid’a, a tcholï kur azì ma amula, a i kur gong nga kud’ora, a i kak kä avun Agrek ma Awilina hi gong ndatina.

Jeremi 26:22

Amulâ Jojakim mi sun Elnatan Akbor goroma ki suma dingâ Ezipte.

Jeremi 26:24

Wani Ahikam Safan goroma nga mi ngom Jeremi. Ni kayam mam ba, Jeremi mi nde nga abo ablaud’a á tchum mbuo ni na.

Jeremi 36:25

Wani Elnatan, Delaya ki Gemariya a tchen amulâ avok ki so tad’a ala mi ngal mbaktum mba d’ut ndata woi d’uo pî, mi humuzi nga d’i.

Jeremi 38:4

Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.

Jeremi 41:1

Kur til ma kid’iziyana Ismael Netaniya gorom ma Elisama gorom ngolo ma ad’u andjaf ma amulina, mi mba ki suma nglona hamulîna zlapa ki suma dogo gen Gedaliya Ahikam goroma avo Mispa. Ata yi máma a te tena asem tazi tu avo Mispa.