Jeremi 35:6 - Bible azumeina

⁶ Wani azi hulong dan ala: Ami nga tchami süm guguzlu d’i. Kayam abumi Jonadap Rekap goroma mi hami vuna ala: Agi tchagi süm guguzlu d’uo mi na, grogina a tche süm guguzlu d’uo mi.

Jeremi 35:6 Kruisverwysings

Ad’u Tinda 25:27

Kid’a gro ndazina a djenga, Esau mi mbut sama nduwan ma tchahlena heîna; Jakob ni sama iram si’â, mi ni kaka kä avo.

Ad’u Tinda 36:7

Kayam ahle mazina zul ngola, azi ndak á kak ata yima tuna d’i; andaga d’a azi kak kata ndagazi nga yam d’uwar mazina d’i.

2 Amuleina 10:15

Jehu mi hut avok hina nde, mi we Jonadap Rekap goroma nga mi djï avoromu. Mam gum depa, mi dum ala: Ang hurung djivid’a atan d’igi an hurun djivid’a atang na mi zu? Jonadap mi hulong dum ala: Â. Jehu mi dum ala: Djiviya, vei abo teya. A vabo taziya. Bugola, Jehu mi hlum akulo kur pus mam ma dur ayîna.

2 Amuleina 10:23

Bugola, Jehu azi ki Jonadap Rekap goroma a tchuk klavi kur gong nga a kud’or Bäl kuad’a, a de mi suma a nga kud’or Bäl-lâ ala: Agi gologi djivi tetet! Adigagi wani ar a fe sama kud’or Ma didinina tu d’i; wani arî agi pepet ni suma kud’urogi Bäl-lâ hol.

1 Sunda Hamuleinid’a 16:19

Kur atchogoi ndata, azi ni hina kendjine, azi suma mbeid’a a ni hina kap mbà ganang.

1 Sunda Hamuleinid’a 2:55

suma ndum mbaktum suma a nga kaka Jabes-sâ, suma Tirat-na, suma Simat-na ki suma Sukat-na mi. Azi ni suma Ken suma a tcholï ata Hamat ma mi gäd’u azì ma Rekap-mina.

Sawal la giled’a 105:12

Kur atchogoi ndata, azi ni hina kendjine, azi suma mbeid’a a ni hina kap mbà ganang.

Buzuk ka Abud’a 20:12

Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.

Jeremi 35:10

Ami kagami ni kur zlub’ud’a, ami gami yami kä, ami tid’imi ni yam vama abumi Jonadap mi hami vuna kama.

Jeremi 35:14

Azi ve gata habuzi Jonadap Rekap goroma mi he vuna kat mi groma ala a tche süm guguzlu d’uo d’a, azi nga tche d’uo gak ini. Azi ge ni yazi kä ad’u gata habuzid’a, wani an nga ni dagi zlad’a burâ ki burâ pî, agi nga humun ndi.

Sunda hi suma hi Levi-nid’a 10:9

Agi ki grongâ agi tchagi süm guguzlu d’oze süm ma ayîna ata yima agi kalagi kur zlub’u d’a ngaf tad’ina d’i, kayambala agi bogi woi d’uo d’a. Zla ndata ti arî gat ta didinda yam andjavagiya,

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

Suma ka sariyad’a 13:14

Ti te vud’a guguzlud’a d’uo mi na, ti tche süm guguzlu d’oze süm ma ayî d’uo mi, ti te vama ndjendje d’uo mi. Ar ti ngom tat yam ahlena pet suma an hat vuna kazina.

Suma ka sariyad’a 13:7

Mi dan ala: Gola! Ndak mba d’i ve wirâ, ndak mba d’i vut gor mandjufâ. Ki tchetchemba, ndak tche süm guguzlu d’oze süm ma ayî d’i, ndak te vama ndjendje d’uo mi. Kayam gor máma a mba tinim iram vam mAlona ei ni kuruk dei gak mat mama.