Jeremi 35:15 - Bible azumeina

¹⁵ An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 35:15 Kruisverwysings

Buzuk ka Abud’a 20:3

Ar ang kud’or alo ma ding ngi.

Jeremi 11:8

Wani azi a humun nga vunan ndi, a tin nga humazi á humba d’uo mi. Azi pet nge nge pî mi tit ni yam djib’er mam mba yam mba ad’enga kurum krovo d’a bei wad’ud’id’a. Kayam ndata, an tinizi zlad’a hi vun ma djin ma an hazi vuna kam ala a tit kamu na kazi pet, wani azi tit nga kam mbi.

Jeremi 13:10

Sum ndazina ni suma asa’at suma a noî á hum zla mandina, ni suma a nga tit kur djib’er mazi d’a kuruzi d’a krovo d’a yam mba ad’engid’a, ni suma a nga zlap kalo ma dingâ á lum sunda, á kud’urom mi na. Ar azi mbut ni d’igi d’ik ma mi b’lak kei ma mi ndak á le vama djivi d’uo máma na mi.

Jeremi 18:11

Ki tchetchemba, ang i de mi suma Juda-na ki suma a nga kaka avo Jerusalem-ma ala: Gola! Ma didina mi dala: An nga hurun á lagi tchod’a, an min nga zlad’a kurun á lagi ndaka. Ar nge nge pî adigagi mi ar tit mam mba tchod’a woyo, ar agi djogogi tit magid’a ki sun magi d’a led’a.

Jeremi 22:4

Kayam le agi lagi sunda yam zla ndata ni, amulei suma a nga kaka yam zlam mba amula hi David-tina ki mazi suma nglona ki sum mazina a mba djak kur pusâ, a mba nga yam akulumeina, a mba kal ata vun agrek ma amul ma wana mi.

Jeremi 23:22

Ladjï azi kak ata yi man ma de d’alâ ni, azi ndak á de zla man nda an data mi sum mana, azi ndak á hulongôzï woi kur tit mazi d’a tchod’a ki sun mazi d’a asa’at ta azi lata mi.

Jeremi 25:4

Ma didina nga mi sunugï azungeî mam suma djok vuna kur bur ma lara ge pet, wani agi humugi nga d’i, agi tinigi nga humagi á humba d’uo mi.

Jeremi 26:13

Ki tchetchemba, agi djogogi tit magid’a ki sun magi d’a led’a, agi humugi dela hi Ma didina Alo maginid’a mi. Hina wani, Ma didina mba mi ar tcho d’a mam ngat kurum á lagizid’a woyo.

Jeremi 26:5

le agi humugi nga zlad’a hazungeî man suma djok vun suma an nga ni sunugizï sä kur bur ma lara ge suma agi min humuzi zla mazid’a d’uo na mi ni,

Jeremi 29:19

Ma didina mi dala: An nga ni le hina kayam azi hum nga zla d’a an sunuzizï avun azungeî man suma djok vun suma an nga ni sunuzizi kur bur ma lara ge petnid’a d’i.

Jeremi 3:14

Ma didina mi dala: Agi gro suma tchagi tatana, agi hulongôgïya, kayam an ni ma ngol magina. An mba ni yogiya, ni hle tu kur azì ma ngolâ, ni yo mbà ad’u andjaf ma tuna á i ki sed’egi Siyon.

Jeremi 32:33

Wani a ar zla d’a a mbut irazi iranda ta, a han ni huyogoziya. A nga had’azi ki yorogo dei wan pî, a nga hum hat ndata d’i.

Jeremi 34:14

Bugol dabid’a hi biza d’a kid’iziyad’a, nge nge pî adigagi ar mi ge wiyem ma Hebre ma mi gus tam mbei aboma akulo. Mi lum sunda bizad’a karagaya. Bugola, mi gum akulo woi avo hatamu. Wani abuyogi ngolo a humun nga d’i, a tin nga humazi yam zla manda d’uo mi.

Jeremi 36:3

Dam suma Juda-na a mba hum zla d’a tcho d’a an ngat kurun á lazizid’a tala a mba hulongî nge nge pî mba mi ar tit mam mba tchod’a, an mba ni vat hurun ndei yam tchila mazid’a ki tcho mazid’a zi ge d’a.

Jeremi 4:1

Ma didina mi de kua ala: Agi Israel-lâ, le agi min hulongôgi gevenu, le agi hulongôgiya, le agi yogi tcho magi d’a ndjendjed’a woi avoronu ni, agi mba tchagi ta abo hî agi mba tchagi ta abo hî d’uo d’a.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Wana ni Zla d’a Djivi d’a Luc mi b’irita 10:16

Jesus mi de mi mam suma hata kua ala: Sama mi humugina, humun ni anu; sama noyôgina, mi noyôn ni an mi; sama mi noyôna, mi noî ni Ma sununïna.

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.

Gat ta a hat á mbàd’id’a 30:20

Agi lagi yam Ma didina Alo magina, agi gagi yagi kä avoromu, agi kagagi ni suma d’engzengâ avoromu, agi zlabagi tu ki sed’emu. Hina wani, agi mba kagagi ki arid’a, agi mba tagi ngola tatâ yam andaga d’a mam hle vunam kat á hat mabuyogi ngolo Abraham, Isak ki Jakob-pa.

Gat ta a hat á mbàd’id’a 6:14

Ar agi zlabagi kalo ma ding ma aduk alona teteng hi suma a nguyugina d’i,

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.