Jeremi 34:22 - Bible azumeina

²² Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 34:22 Kruisverwysings

2 Samuel 16:11

David mi de mi Abisai kazungeî mama pet ala: Gola! Goron ma kuruna tamba pî nga mi halan á tchid’a. Ma Benjamin máma zla mamba djivid’a kal luo zu? Agi aram mi ngula. Ma didina mi hum vuna ni mamu.

2 Amuleina 25:6

Suma Babilon-na a vumu, a im mamul ma Babilon-na avo Ribla. Mi kam sariyad’a kam ata yi máma.

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

2 Sunda Hamuleinid’a 36:17

Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

Isai 13:3

An he vuna mi suma a he tazi mi an na, an yi azigar man suma gangrang suma a nga han ngola yam kus mandina á tak ayî mana woi abua.

Isai 24:12

B’laka ti ar kur azì ma ngolâ ni ndad’u, vun azì ma a kuzum mbeina mi b’lak kei mi.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 64:10

Gong mami d’a kud’or ra a tinit irat vat ta subur ra abuyomi ngolo a gileng kuad’a, ti mbut wa vama a ngalam kakud’ina, ahle suma ami lami kazi heîna a b’lak wa woi mi.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 32:29

Suma Babilon suma a nga durum ayînina, a mba kal kuru, a mba dom akud’a, a ngalam mbei kazuwei suma yam gongîyona akulo suma a nga ngal dubang ma his djivid’ina mi Bäl kua a nga he he d’a hawa d’a süm guguzlud’a kua malo ma dingâ á zalan ki huruna woi mi.

Jeremi 33:10

Ma didina mi de kua ala: Agi suma Juda-na, agi nga dugud’ogi ded’a ala ambas magid’a ti b’lak wa woyo, sa d’oze d’uwar mi nga kua d’i. Gagazi, azì ma nglo ma Juda-na ki ir palum mba Jerusalem-mba a mbut wa hur fulâ ini, sa nga kua d’oze d’uwar mi nga kua d’uo mi. Wani a mba hum

Jeremi 34:2

An Ma didina Alona hi Israel-lîna nga ni dangû, ang i de mi Sedekiyas amul ma Juda-na ala: Ma didina mi dala: Gola! An nga ni hazì ma ngol ma wana abo amul ma Babilon-na. Mba mi ngalam mbei kakud’a.

Jeremi 38:23

Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.

Jeremi 39:8

Azigar suma Babilon-na a ngal azì ma amula kazina hi sumina woi pet, a hô gulumun ma Jerusalem-ma kä woi mi.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Jeremi 50:13

Yam hur ma zala hi Ma didinina, a mba fe sama kak kurut tuo d’a. Ti mba d’i arî djona. Sama lara ma mba mi kal gevetna, mba mi le atchap, a mba tchi kukurup yam b’lak mata.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Jeremi 52:7

Kur bur máma, azigar suma Babilon-na a tcho ir gulumuna hazì ma ngolîna. Suma Juda suma dur ayîna ki zla tazi pet a yo ringâ, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Mise 7:13

Andagad’a handjaf suma dingîd’a mba d’i mbut djona yam suma a nga kaka kurutna, yam sun mazi d’a le d’a tchod’a.

Zakari 1:12

Ata yi máma malaika máma mi dala: Ma didin ma ad’engêng kal petna, ni mindja ba, ang mba we hohowa suma Jerusalem-ma ki suma kur azì ma nglo ma Juda suma ang hurung zal kazi gak bizad’a dok kid’iziyana ge?

Zakari 7:14

An ni ndjoyôzi woi aduk andjaf suma ding suma azi wazi nga d’uo na. Ambas mazid’a ti b’lak kei blogoziya. Sama mi nde woi kua mi hulong mi kal kuana nga d’i, ambas sa djivid’a, azi mbud’ut djona.

Matiye 22:7

Wani amulâ hurum zal ngola, mi sun azigar mama á tchi suma tchi mat ndazina woyo, a ngalazi aziyazi woi mi.